Pushpa 2: పుష్ప2 లో ఆ షాట్ కోసం ఏకంగా అన్ని టేకులు తీసుకున్న అల్లు అర్జున్?
- Author : Sailaja Reddy
Date : 09-04-2024 - 1:35 IST
Published By : Hashtagu Telugu Desk
టాలీవుడ్ పాన్ ఇండియా హీరో అల్లు అర్జున్ గురించి మనందరికీ తెలిసిందే. బన్నీ ప్రస్తుతం సుకుమార్ దర్శకత్వంలో రూపొందుతున్న పుష్ప 2 మూవీలో నటిస్తూ ఫుల్ బిజీబిజీగా గడుపుతున్నారు. ప్రస్తుతం ఈ మూవీకి సంబంధించిన షూటింగ్ శరవేగంగా జరుగుతోంది. ఆ సంగతి పక్కన పెడితే నిన్న అనగా ఏప్రిల్ 8న అల్లు అర్జున్ పుట్టినరోజు సందర్భంగా పుష్ప 2 కు టీజర్ ను విడుదల చేసిన విషయం తెలిసిందే. తాజాగా విడుదలైన ఈ టీజర్ మామూలుగా లేదు. సినిమాపై అంచనాలను ఒక్కసారిగా పెంచేసింది.
We’re now on WhatsApp. Click to Join
ఈ టీజర్ ని చూసిన అభిమానులు ఈ సినిమా ఎప్పుడెప్పుడు విడుదల అవుతుందా అని ఎంతో ఆత్రుతగా ఎదురుచూస్తున్నారు. కాగా ముఖ్యంగా టీజర్ లో జాతర లుక్ అందర్నీ ఆకట్టుకుంది. అయితే అల్లు అర్జున్ ఒక షాట్ కోసం 51 టేకులు తీసుకున్నట్లు టాక్. అయితే ఆ షాట్ కోసం అల్లు అర్జున్ చాలా కష్టపడ్డాడట. చీర ధరించి తాండవ్ ను ప్రదర్శిస్తూ కనిపించాడు. ఈ లుక్ ఒక్కసారిగా అందరి దృష్టిని ఆకర్షించింది. ఈ ఒక్క నిమిషం టీజర్ ని కరెక్ట్ గా తీయడానికి పెద్ద హార్డ్ వర్క్ చేయాల్సి వచ్చిందట. అయితే టీజర్ కోసం ఓపికగా షూట్ చేసిన అల్లు అర్జున్ పర్ఫెక్ట్ షాట్ కోసం 51 టేకులు తీసుకున్నాడట.
Also Read: Sridevi: నెట్టింట వైరల్ అవుతున్న అతిలోక సుందరి రేర్ వీడియో.. కామెడీ మాములుగా లేదుగా!
ఈ సినిమా కోసం అల్లు అర్జున్ చాలా కష్టపడ్డాడని, ఆలోచనలో చాలా స్పష్టత ఉన్న వ్యక్తి అని ఈ చిత్రానికి పనిచేస్తున్న సౌండ్ డిజైనర్ రసూల్ పూకుట్టి వ్యాఖ్యానించారు. అల్లు అర్జున్ డెడికేషన్ లెవల్స్ ను ప్రశంసించిన రసూల్ ప్రస్తుత కాలంలోని బెస్ట్ స్టార్స్ లో ఒకడని కొనియాడారు. ఈ వార్త వైరల్ అవ్వడంతో అల్లు అర్జున్ సినిమాలపై ఉన్న పిచ్చి తో ఏమైనా చేస్తారు అంటూ కామెంట్ చేస్తున్నారు అభిమానులు.
Follow us
