Akhanda 2 Trailer: అఖండ 2 ట్రైలర్ డేట్ ఖరారు.. 3Dలో రాబోతున్న బాలయ్య చిత్రం!
'అఖండ 2' మేకర్స్ విడుదల చేసిన ఒక ముఖ్య ప్రకటన ప్రేక్షకులలో మరింత ఆసక్తిని పెంచింది. ఈ సినిమాను కేవలం సాధారణ ఫార్మాట్లో కాకుండా హై-టెక్నాలజీతో 3D వెర్షన్లో కూడా విడుదల చేయనున్నట్లు ప్రకటించారు.
- By Gopichand Published Date - 07:10 PM, Sun - 16 November 25
Akhanda 2 Trailer: మాస్ ప్రేక్షకులను ఉర్రూతలూగించిన ‘అఖండ’ చిత్రానికి సీక్వెల్గా వస్తున్న నందమూరి బాలకృష్ణ ‘అఖండ 2’ (Akhanda 2 Trailer) విడుదల తేదీ దగ్గర పడుతుండటంతో అభిమానుల్లో అంచనాలు తారాస్థాయికి చేరుకున్నాయి. ఈ ప్రతిష్టాత్మక ప్రాజెక్ట్కు కూడా దర్శకుడు బోయపాటి శ్రీను దర్శకత్వం వహిస్తున్నారు. ఈ చిత్రం డిసెంబర్ 5, 2025న పలు భాషల్లో థియేటర్లలో గ్రాండ్గా విడుదల కావడానికి చిత్ర బృందం అన్ని ఏర్పాట్లు చేస్తోంది.
3Dలో అఖండ విజువల్స్.. నవంబర్ 28న ట్రైలర్
‘అఖండ 2’ మేకర్స్ విడుదల చేసిన ఒక ముఖ్య ప్రకటన ప్రేక్షకులలో మరింత ఆసక్తిని పెంచింది. ఈ సినిమాను కేవలం సాధారణ ఫార్మాట్లో కాకుండా హై-టెక్నాలజీతో 3D వెర్షన్లో కూడా విడుదల చేయనున్నట్లు ప్రకటించారు. 3Dలో బాలకృష్ణ పవర్-ప్యాక్డ్ విజువల్స్ చూడటానికి ప్రేక్షకులు ఉత్సాహంగా ఎదురుచూస్తున్నారు. ముఖ్యంగా సినిమా ట్రైలర్ విడుదల కార్యక్రమం కోసం హైదరాబాద్లో భారీ ప్లాన్ సిద్ధమవుతోంది. ఇండస్ట్రీ వర్గాల సమాచారం ప్రకారం.. నవంబర్ 28, 2025న ట్రైలర్ను విడుదల చేయనున్నట్లు తెలుస్తోంది. దీనికి సంబంధించిన అధికారిక ప్రకటన త్వరలోనే వెలువడనుంది.
Also Read: Skin Diseases: చర్మ వ్యాధులు ఎందుకు వస్తాయి? కారణాలివేనా?
వైజాగ్ నుండి ప్రమోషన్ల హోరు షురూ
విడుదలకు సమయం దగ్గర పడుతుండటంతో ‘అఖండ 2’ ప్రమోషనల్ కార్యక్రమాలు త్వరలోనే ఊపందుకోనున్నాయి. చిత్ర బృందం ముందుగా వైజాగ్లో ఒక పాట విడుదల వేడుకను నిర్వహించాలని ప్లాన్ చేసింది. ఈ కార్యక్రమం తర్వాత ప్రమోషన్స్ కోసం బెంగళూరుతో పాటు దేశంలోని మరికొన్ని ప్రధాన నగరాలకు వెళ్లాలని నిర్ణయించుకున్నారు. పూర్తి ప్రచార షెడ్యూల్ త్వరలో అధికారికంగా ప్రకటించబడుతుంది.
నటీనటులు
ఈ సీక్వెల్లో బాలకృష్ణతో పాటు సంయుక్త మీనన్ కథానాయికగా నటిస్తున్నారు. అలాగే ఆది పినిశెట్టి, ఇతర ప్రముఖ నటులు కీలక పాత్రలు పోషిస్తున్నారు. ఈ ప్రతిష్టాత్మక ప్రాజెక్ట్ను రామ్ ఆచంట- గోపి ఆచంట నిర్మిస్తున్నారు. ఎం. తేజస్విని నందమూరి సమర్పకురాలిగా వ్యవహరిస్తున్నారు. గతంలో ‘అఖండ’కు అద్భుతమైన మ్యూజిక్ ఇచ్చిన ఎస్. థమన్ ఈ సినిమాకు కూడా సంగీతం అందిస్తున్నారు. ‘అఖండ 2’ 3D ఫార్మాట్లో రావడం, బాలయ్య-బోయపాటి కాంబినేషన్ మళ్లీ రిపీట్ కావడం వంటి అంశాలు సినిమాపై భారీ అంచనాలను పెంచుతున్నాయి.
