Tatkal Ticket: రైల్వే ప్రయాణికులకు అలర్ట్.. తత్కాల్ టికెట్ బుకింగ్ నిబంధనల్లో మార్పు!

Tatkal Ticket: రైల్వే ఎప్పటికప్పుడు తన నిబంధనలలో మార్పులు (Tatkal Ticket) చేస్తుంటుంది. ఈసారి పశ్చిమ రైల్వే ఒక రైలుకు సంబంధించి తత్కాల్ బుకింగ్ నిబంధనలలో మార్పు చేసింది. వెస్ట్రన్ రైల్వే ఒక అధికారిక నోటిఫికేషన్ జారీ చేసి ఈ మార్పు గురించి తెలియజేసింది. అహ్మదాబాద్, గుజరాత్- ముంబై సెంట్రల్ మధ్య నడిచే శతాబ్ది ఎక్స్‌ప్రెస్ రైలు కోసం రైల్వే ఈ మార్పును చేసింది.

మార్పు ఏమిటి?

పశ్చిమ రైల్వే ప్రయాణికుల కోసం ఓటీపీ వెరిఫికేషన్ ను ప్రారంభించింది. ఈ కొత్త విధానం డిసెంబర్ 1, 2025 నుండి అమలులోకి వస్తుంది. కొత్త నిబంధనల ప్రకారం.. ముంబై సెంట్రల్-అహ్మదాబాద్ శతాబ్ది ఎక్స్‌ప్రెస్ కోసం తత్కాల్ టికెట్ బుకింగ్ అనేది ఓటీపీ అథెంటికేషన్ పూర్తయితేనే జరుగుతుంది. టికెటింగ్ మరింత పారదర్శకంగా, ప్రయాణికులకు సులభంగా ఉండేలా తత్కాల్ బుకింగ్ విధానంలో ఈ పెద్ద మార్పు చేశారు. ప్రస్తుతానికి ఒకే ఎక్స్‌ప్రెస్ రైలుకు ఈ మార్పు చేయబడింది. భవిష్యత్తులో మరిన్ని రైళ్ల తత్కాల్ టికెట్ బుకింగ్‌లో ఈ విధానాన్ని అమలు చేయవచ్చు.

Also Read: Mahmood Madani: జిహాద్ ఎంత‌కాల‌మైనా ఉంటుంది?: జమియత్ ఉలేమా-ఏ-హింద్ అధ్యక్షుడు

కొత్త నిబంధనలు ఎప్పటి నుండి అమలులోకి వస్తాయి?

కొత్త నిబంధనలు డిసెంబర్ 1, 2025 నుండి అమలులోకి వస్తాయి. అంటే డిసెంబర్ 1 నుండి ముంబై సెంట్రల్-అహ్మదాబాద్ శతాబ్ది ఎక్స్‌ప్రెస్ కోసం తత్కాల్ టికెట్లు ప్రయాణీకులు ఓటీపీ (వన్ టైమ్ పాస్‌వర్డ్) అథెంటికేషన్ పూర్తి చేసిన తర్వాతే జారీ చేయబడతాయి. వెస్ట్రన్ రైల్వే ప్రకారం.. ఈ కొత్త విధానం కంప్యూటరైజ్డ్ PRS కౌంటర్, అధీకృత ఏజెంట్లు, IRCTC వెబ్‌సైట్, IRCTC మొబైల్ యాప్ అన్నింటిలోనూ వర్తిస్తుంది.

ముంబై సెంట్రల్, అహ్మదాబాద్ మధ్య నడిచే శతాబ్ది ఎక్స్‌ప్రెస్ రైలు నంబర్ 12009/12010 ఆదివారం నాడు నడవదు. ఇది ముంబై సెంట్రల్ నుండి ఉదయం 6:20 గంటలకు బయలుదేరి మధ్యాహ్నం 12:40 గంటలకు అహ్మదాబాద్ చేరుకుంటుంది. అహ్మదాబాద్ నుండి మధ్యాహ్నం 3:10 గంటలకు బయలుదేరి ఉదయం 9:45 గంటలకు ముంబై సెంట్రల్ చేరుకుంటుంది.