RBI Repo Rate: ఇల్లు కొనాలనుకునేవారికి భారీ శుభ‌వార్త‌!

RBI Repo Rate: మీరు ఇల్లు కొనాలని కలలు కంటున్నట్లయితే మీకు శుభవార్త. రాబోయే కాలంలో ఈఎంఐలు మరింత చౌకగా ఉండబోతున్నాయి. భారతీయ రిజర్వ్ బ్యాంక్ (RBI Repo Rate) రెపో రేట్‌లో మళ్లీ కోత విధించే అవకాశం ఉంది. మంగళవారం విడుదలైన ఒక నివేదికలో డిసెంబర్‌లో జరిగే మానిటరీ పాలసీ కమిటీ (ఎంపీసీ) సమావేశంలో రెపో రేట్‌లో 25 బేసిస్ పాయింట్ల కోత విధించబడుతుందని తెలిపింది. దీనితో 2025 చివరి నాటికి రెపో రేట్ 5.25 శాతానికి చేరుకుంటుంది. ఇటీవలి నెలల్లో ద్రవ్యోల్బణం తగ్గుముఖం పట్టిన నేపథ్యంలో రాబోయే రెండు ఎంపీసీ సమావేశాల్లో రెపో రేట్‌లో ఎలాంటి మార్పు ఉండదని అంచనా.

హెచ్‌ఎస్‌బీసీ నివేదికలో వెల్లడి

హెచ్‌ఎస్‌బీసీ గ్లోబల్ రీసెర్చ్ నివేదిక ప్రకారం ఆగస్టు- అక్టోబర్ సమావేశాల్లో రెపో రేట్‌లో ఎలాంటి మార్పు ఉండదని అంచనా వేసింది. అయితే, డిసెంబర్ సమావేశంలో రిజర్వ్ బ్యాంక్ 25 బేసిస్ పాయింట్ల తుది కోతను విధించి, 2025 చివరి నాటికి రెపో రేట్‌ను 5.25 శాతానికి తగ్గిస్తుందని పేర్కొంది.

Also Read: Kodangal to VKD Train : కొడంగల్ మీదుగా రైల్వే లైను .. తగ్గనున్న గోవా దూరం

జూన్‌లో ద్రవ్యోల్బణం తగ్గింది

జూన్ నెలలో కన్స్యూమర్ ప్రైస్ ఇండెక్స్ ఆధారిత ద్రవ్యోల్బణ రేటు మే నెలలో 2.8 శాతం నుండి తగ్గి 2.1 శాతానికి చేరింది. ఆహార పదార్థాల ధరలు తగ్గడం వల్ల ఈ ద్రవ్యోల్బణం తగ్గింది. మరింత తగ్గే అవకాశం ఉందని భావిస్తున్నారు. 2025 రెండవ త్రైమాసికంలో సగటు ద్రవ్యోల్బణం 2.7 శాతం స్థాయిలో ఉంటుందని, ఇది ఆర్‌బీఐ అంచనా 2.9 శాతం కంటే తక్కువగా ఉంటుందని నివేదికలో పేర్కొన్నారు.

గవర్నర్ సంజయ్ మల్హోత్రా ఏమన్నారు?

రెపో రేట్ గురించి మాట్లాడుతూ రిజర్వ్ బ్యాంక్ గవర్నర్ సంజయ్ మల్హోత్రా మంగళవారం ఓ ఇంటర్వ్యూలో ఇలా అన్నారు. తగ్గుతున్న ద్రవ్యోల్బణం, ఆర్థిక వృద్ధిలో మందగమనం రెండూ రెపో రేట్ కోతకు సమానంగా బాధ్యత వహిస్తాయన్నారు. అంటే ఎంపీసీ రాబోయే సమావేశాల్లో రెపో రేట్‌కు సంబంధించి తీసుకునే ఏ నిర్ణయమైనా ద్రవ్యోల్బణం, ఆర్థిక వృద్ధిపై ఆధారపడి ఉంటుంది. ఈ ఏడాది ఫిబ్రవరిలో మొదటగా, ఆ తర్వాత ఏప్రిల్‌లో రిజర్వ్ బ్యాంక్ రెపో రేట్‌లో 0.25 బేసిస్ పాయింట్ల కోతను విధించింది. దీనితో రెపో రేట్ 6.00 శాతానికి తగ్గింది. ఆ తర్వాత జూన్‌లో రెపో రేట్‌లో 0.50 బేసిస్ పాయింట్ల కోతను ప్రకటించారు. దీనితో అది 6.00 శాతం నుండి 5.50 శాతానికి తగ్గింది.