EPF Account: ఈపీఎఫ్‌ఓ ఖాతాదారులకు మరో గుడ్ న్యూస్.. ఇకపై ఈజీగా!

PF Money

EPF Account: ఉద్యోగుల భవిష్య నిధి సంస్థ (EPF Account) శుక్రవారం ఫారం 13లో మార్పులు చేసింది. దీనితో పాటు ఈపీఎఫ్ ఖాతా బదిలీకి యజమాని అనుమతి (అప్రూవల్) షరతును తొలగించింది. ప్రైవేట్ రంగంలో ఉద్యోగులు ఒక ఉద్యోగం నుంచి మరొక ఉద్యోగానికి మారినప్పుడు వారి ఈపీఎఫ్ ఖాతాను బదిలీ చేయాల్సి ఉంటుంది. ఈపీఎఫ్‌ఓ తీసుకున్న ఈ చర్య వల్ల 1.25 కోట్ల కంటే ఎక్కువ మంది సభ్యులకు ప్రయోజనం కలుగనుంది. ఇప్పుడు ఉద్యోగ మార్పిడి సమయంలో ఈపీఎఫ్ ఖాతా బదిలీ ప్రక్రియ వారికి సులభతరం అయింది.

ఇకపై డెస్టినేషన్ ఆఫీస్ అనుమతి అవసరం లేదు

ఇప్పటివరకు ఈపీఎఫ్ ఖాతా బదిలీ సోర్స్ ఆఫీస్, డెస్టినేషన్ ఆఫీస్ రెండింటి పాల్గొనడంతో జరిగేది. కానీ కొత్త నియమం ప్రకారం.. ఈపీఎఫ్ ఖాతా బదిలీకి డెస్టినేషన్ ఆఫీస్ అనుమతి అవసరం లేదు. సోర్స్ ఆఫీస్ అనుమతితోనే పని పూర్తవుతుంది. ఈపీఎఫ్‌ఓ ఒక ప్రకటనలో తెలిపిన వివరాల ప్రకారం.. “ఖాతా బదిలీ ప్రక్రియను మరింత సులభతరం చేయడానికి ఈపీఎఫ్‌ఓ ‘రీవ్యాంప్డ్ ఫారం 13 సాఫ్ట్‌వేర్’ను ప్రారంభించింది.” అని తెలిపింది.

ప్రతి సంవత్సరం 90,000 కోట్ల రూపాయల బదిలీ

ఈపీఎఫ్‌ఓ తెలిపిన వివరాల ప్రకారం ఈ కొత్త నిర్ణయంతో సోర్స్ ఆఫీస్ నుంచి క్లెయిమ్ అనుమతించబడిన తర్వాత, ఖాతా స్వయంచాలకంగా డెస్టినేషన్ ఆఫీస్‌లోని ఈపీఎఫ్‌ఓ సభ్యుడి ప్రస్తుత ఖాతాకు బదిలీ అవుతుంది. ఈ చర్య వల్ల 1.25 కోట్లకు పైగా సభ్యులకు ప్రయోజనం కలుగుతుందని, ప్రతి సంవత్సరం సుమారు 90,000 కోట్ల రూపాయల బదిలీ సాధ్యమవుతుందని ఈపీఎఫ్‌ఓ పేర్కొంది. ఖాతా బదిలీ ప్రక్రియలో వేగం పెరుగుతుంది.

Also Read: Jadeja: బీసీసీఐ కొత్త నియమం.. జడేజాకు ఝలక్ ఇచ్చిన అంపైర్!

కంపెనీలు బల్క్‌లో యూఏఎన్‌లను జనరేట్ చేయవచ్చు

అదే విధంగా ఈపీఎఫ్‌ఓ యూఏఎన్ (యూనివర్సల్ అకౌంట్ నంబర్) జనరేట్ చేయడానికి ఆధార్ అవసరాలను సడలించింది. యజమానులు ఉద్యోగుల ఐడీ, రికార్డులో ఉన్న సమాచారం ఆధారంగా బల్క్‌లో యూఏఎన్‌లను జనరేట్ చేయవచ్చు, తద్వారా సభ్యుల ఖాతాల్లో నిధులు త్వరగా జమ అవుతాయి. ఈపీఎఫ్‌ఓ తన సభ్యులతో పాటు యజమానుల సౌకర్యాన్ని కూడా దృష్టిలో ఉంచుకుని సేవలను నిరంతరం మెరుగుపరిచే ప్రయత్నంలో ఉంది.

Follow us