LPG Prices: గ్యాస్ వినియోగదారులకు బిగ్ షాక్.. పెరిగిన సిలిండర్ ధరలు..!
ప్రభుత్వ చమురు కంపెనీలు జారీ చేసిన నోటిఫికేషన్ ప్రకారం.. నేటి నుండి దేశంలోని వివిధ నగరాల్లో ఎల్పిజి సిలిండర్ల ధర సుమారు రూ.8-9 పెరిగింది. అయితే ఈ పెంపు 19 కిలోల వాణిజ్య LPG సిలిండర్లకు మాత్రమే.
- Author : Gopi
Date : 01-08-2024 - 8:06 IST
Published By : Hashtagu Telugu Desk
LPG Prices: ఆగస్టు మొదటి తేదీ సామాన్యులకు మరో షాక్ ఇచ్చాయి. ప్రభుత్వ చమురు, గ్యాస్ మార్కెటింగ్ కంపెనీలు నేటి నుండి ఎల్పిజి సిలిండర్ల ధరలను (LPG Prices) మార్చాయి. ఈ మార్పు తర్వాత ఆగస్టు 1 నుండి 19 కిలోల కమర్షియల్ LPG సిలిండర్ల ధర పెరిగింది. గృహావసరాలకు వినియోగించే ఎల్పీజీ సిలిండర్ ధరలో ఎలాంటి మార్పు లేకపోవడం ఊరటనిచ్చే అంశం.
ఈరోజు వినియోగదారులకు షాక్ తగిలింది
ప్రభుత్వ చమురు కంపెనీలు జారీ చేసిన నోటిఫికేషన్ ప్రకారం.. నేటి నుండి దేశంలోని వివిధ నగరాల్లో ఎల్పిజి సిలిండర్ల ధర సుమారు రూ.8-9 పెరిగింది. అయితే ఈ పెంపు 19 కిలోల వాణిజ్య LPG సిలిండర్లకు మాత్రమే. గృహావసరాలకు వినియోగించే ఎల్పీజీ సిలిండర్ ధరలో ఈసారి కూడా ఎలాంటి మార్పు లేదు.
ఈ రోజు నుండి మీ నగరంలో ఈ ధరలు
తాజా పెంపు తర్వాత ఢిల్లీలో 19 కిలోల సిలిండర్ ధర రూ.6.50 పెరిగి రూ.1652.50కి చేరుకుంది. అంతకుముందు జులై నెలలో రూ.19 తగ్గి రూ.1,646కు చేరింది. అదేవిధంగా నేటి నుంచి కోల్కతాలో కమర్షియల్ ఎల్పీజీ సిలిండర్లు రూ.1,764.50కి అందుబాటులోకి రానున్నాయి. కోల్ కతాలో రూ.8.50 పెరిగింది. ఈ పెద్ద సిలిండర్ కోసం ముంబై ప్రజలు ఇప్పుడు రూ. 1,605 చెల్లించాల్సి ఉంటుంది. చెన్నైలో దీని ధర ఇప్పుడు రూ. 1,817 అవుతుంది.
Also Read: Puja Khedkar: ఐఏఎస్ పూజా ఖేద్కర్పై యూపీఎస్సీ కీలక చర్య.. అరెస్ట్ ఖాయమా..?
వరుసగా 4 నెలలు ధర తగ్గింపు
అంతకుముందు 19 కిలోల వాణిజ్య సిలిండర్ల ధర వరుసగా నాలుగు నెలల పాటు తగ్గింది. గత నెల అంటే జులై 1 నుంచి 19 కిలోల ఎల్పిజి సిలిండర్ ధర సుమారు రూ.30 తగ్గింది. జూన్లో 19 కిలోల ఎల్పిజి సిలిండర్ ధర రూ.19 తగ్గింది. మే 1 నుంచి వాణిజ్య ఎల్పీజీ సిలిండర్ల ధర రూ.19 తగ్గింది. ఏప్రిల్కు ముందు వరుసగా మూడు నెలలపాటు వాణిజ్య సిలిండర్ల ధరలు పెరిగాయి.
We’re now on WhatsApp. Click to Join.
ఈ వినియోగదారులపై ఎలాంటి ప్రభావం లేదు
ప్రధాన మంత్రి నరేంద్ర మోదీ మహిళా దినోత్సవం (8 మార్చి 2024) సందర్భంగా ఎల్పిజి సిలిండర్ల ధరలను రూ. 100 తగ్గిస్తున్నట్లు మార్చిలో ప్రకటించినప్పుడు దేశీయ ఎల్పిజి సిలిండర్ల ధరలలో చివరి మార్పు జరిగింది. దానికి ఒకరోజు ముందు మార్చి 7వ తేదీన ఎల్పీజీ సిలిండర్ల విషయంలో సామాన్యులకు ఊరటనిచ్చింది మోదీ ప్రభుత్వం. 2025 మార్చి 31 వరకు పీఎం ఉజ్వల పథకం లబ్ధిదారులకు రూ.300 సబ్సిడీని అందజేస్తున్నట్లు ప్రకటించింది. అప్పటి నుంచి 14 కిలోల సిలిండర్ల ధరలో ఎలాంటి మార్పు లేదు. అంటే దాదాపు 5 నెలలుగా గృహ వినియోగ సిలిండర్ల ధరల్లో ఎలాంటి మార్పు లేదు.
Follow us
