పీఎఫ్ విత్‌డ్రా చేసుకోవాలంటే ఈ ప్రాసెస్ త‌ప్ప‌నిస‌రి!

EPFO

PF KYC: మీరు ఎంప్లాయీస్ ప్రావిడెంట్ ఫండ్ ఖాతాదారులైతే, ఇప్పటి వరకు మీ KYC వెరిఫికేషన్ పూర్తి చేయకుంటే మీ పొదుపు సొమ్మును విత్‌డ్రా చేసుకోవడంలో ఇబ్బందులు ఎదురుకావచ్చు. దీనిపై EPFO ఒక కొత్త హెచ్చరికను జారీ చేసింది. కేవైసీ అసంపూర్తిగా ఉంటే పీఎఫ్ విత్‌డ్రా చేయడం, ట్రాన్స్‌ఫర్ చేయడం, ఖాతాను మళ్లీ యాక్టివేట్ చేయడం వంటివి నిలిచిపోవచ్చని స్పష్టం చేసింది.

కేంద్ర కార్మిక-ఉపాధి మంత్రిత్వ శాఖ విడుదల చేసిన తాజా ప్రకటన ప్రకారం.. ఏళ్ల తరబడి అప్‌డేట్ చేయకుండా, క్లెయిమ్ చేయకుండా పడి ఉన్న ఇన్‌యాక్టివ్, డార్మెంట్ ఖాతాల సమస్యను పరిష్కరించడానికి EPFO ఒక ప్రత్యేక మిషన్‌ను ప్రారంభించింది. ఈ ఖాతాల్లో వేల కోట్ల రూపాయలు నిలిచిపోవడానికి ప్రధాన కారణం కేవైసీ వివరాలు లేకపోవడమే.

ఇన్‌యాక్టివ్ పీఎఫ్ ఖాతాలను పునరుద్ధరించనున్న EPFO

చాలా మంది ఉద్యోగులు ఉద్యోగం మారినప్పుడు పాత ఖాతాను అప్‌డేట్ చేయకపోవడం లేదా వ్యక్తిగత, బ్యాంకింగ్ వివరాలను నమోదు చేయకపోవడం వల్ల లక్షలాది ఖాతాలు ఇన్‌యాక్టివ్ అయిపోయాయి. తమ కష్టార్జితం పాత ఖాతాల్లోనే ఉండిపోయిందనే విషయం కూడా చాలా మందికి తెలియదు. ఇప్పుడు EPFO అటువంటి ఖాతాలను గుర్తించి, వాటిని యాక్టివేట్ చేయాలని నిర్ణయించుకుంది. అయితే దీని కోసం KYC వెరిఫికేషన్ తప్పనిసరి.

KYC కోసం కావాల్సిన పత్రాలు

• ఆధార్ నంబర్
• పాన్ కార్డ్
• ఆధార్‌తో లింక్ అయిన బ్యాంక్ ఖాతా వివరాలు

సరైన పేరు, పుట్టిన తేదీ, మొబైల్ నంబర్ క్లెయిమ్ ప్రక్రియ సులభంగా జరగాలంటే ఈ వివరాలన్నింటినీ EPFO పోర్టల్‌లో మీ యజమాని ద్వారా వెరిఫై చేయించి, అప్రూవ్ చేయించుకోవాలి.

Also Read: టీడీపీ శ్రేణుల్లో కొత్త ఉత్సాహాన్ని నింపిన ‘సుపరిపాలనలో తొలి అడుగు – డోర్ టు డోర్’ కార్యక్రమం

KYC ఎలా అప్‌డేట్ చేయాలి?

లాగిన్: మొదట EPFO Member Portal సందర్శించి మీ UAN, పాస్‌వర్డ్, క్యాప్చాతో లాగిన్ అవ్వండి.

KYC ఆప్షన్: పైన ఉన్న ‘Manage’ ట్యాబ్‌పై క్లిక్ చేసి, డ్రాప్‌డౌన్ మెనూ నుండి ‘KYC’ ఎంచుకోండి.

వివరాల నమోదు: మీరు ఏ పత్రాన్ని అప్‌డేట్ చేయాలనుకుంటున్నారో దాని పక్కన ఉన్న బాక్స్‌ను చెక్ చేయండి (ఉదాహరణకు: బ్యాంక్, పాన్ లేదా ఆధార్).

సమాచారం: అవసరమైన వివరాలను (బ్యాంక్ ఖాతా సంఖ్య, IFSC కోడ్, పాన్ నంబర్ మొదలైనవి) జాగ్రత్తగా నమోదు చేయండి.

అప్‌లోడ్: అవసరమైతే ఆ పత్రాల స్కాన్ చేసిన కాపీలను అప్‌లోడ్ చేయండి.

సేవ్: వివరాలన్నీ నింపాక ‘Save’ బటన్ నొక్కండి. బ్యాంక్ వివరాల కోసం మీరు ఐఎఫ్ఎస్సీ కోడ్, ఆధార్ ఓటీపీ (OTP) ద్వారా ఖాతాను వెరిఫై చేయవచ్చు.

అప్రూవల్: మీ అభ్యర్థన డిజిటల్ ఆమోదం కోసం మీ కంపెనీకి, ఆపై తుది ధృవీకరణ కోసం EPFO కార్యాలయానికి వెళ్తుంది. కేవైసీ అప్రూవ్ అయిన తర్వాత మీ మొబైల్‌కు ఒక SMS వస్తుంది.

Follow us