Yamaha Nmax Turbo: టర్బో ఇంజన్‌తో కొత్త స్కూటర్‌.. భారత్‌లో లాంచ్ అవుతుందా..?

Yamaha Nmax Turbo

Yamaha Nmax Turbo: దశాబ్దం క్రితం వరకు భారతదేశంలో యమహాదే ఆధిపత్యం. కానీ ఇప్పుడు కంపెనీ చాలా వెనుకబడిపోయింది. కానీ భారతదేశం కాకుండా ఇతర మార్కెట్లలో యమహా (Yamaha Nmax Turbo) చాలా ముందుంది. కంపెనీ తన 50వ వార్షికోత్సవ వేడుకల సందర్భంగా ఇండోనేషియాలో తన NMAX A మ్యాక్సీ-స్కూటర్‌ను పరిచయం చేసింది. ఇది పూర్తిగా కొత్త మోడల్. అయితే దీనిని కంపెనీ 2015లో మొదటిసారిగా పరిచయం చేసింది. దీని డిజైన్, ఇంజిన్ ఆధారంగా ఈ స్కూటర్ కొత్త అమ్మకపు రికార్డులను సృష్టించింది. ప్రస్తుతం ఈ స్కూటర్ ఆస్ట్రేలియా, యూరప్, ఆసియాలోని కొన్ని ప్రాంతాల్లో విక్రయానికి అందుబాటులో ఉంది.

యమహా NMAX టర్బో ఫీచర్లు

ఇప్పుడు ఈ కొత్త స్కూటర్‌కి కొత్త ఎలక్ట్రిక్ సివిటి గేర్‌బాక్స్ జోడించబడింది. ఈ కొత్త గేర్‌బాక్స్ సహాయంతో స్కూటర్ పనితీరు మెరుగుపడటమే కాకుండా ఇంధన వినియోగం కూడా తగ్గుతుందని కంపెనీ పేర్కొంది. ఈ స్కూటర్ T, S అనే రెండు రైడింగ్ మోడ్‌లతో వస్తుంద. దీనిలో T మోడ్ సిటీ రైడింగ్ కోసం ఉపయోగపడనుంది. అయితే S మోడ్ హైవేలో ఉపయోగించవచ్చు. అయితే ఈ స్కూటర్‌ని రోజువారీ వినియోగం కోసం కంపెనీ ప్రత్యేకంగా డిజైన్ చేసింది.

డ్యూయల్ ఛానల్ ABS

భద్రత కోసం కొత్త NMAX స్కూటర్‌లో డ్యూయల్-ఛానల్ ABS ఉంది. ఇది మెరుగైన బ్రేకింగ్‌కు సరైనది. అంతేకాకుండా ఇది ట్రాక్షన్ కంట్రోల్ మద్దతును కలిగి ఉంది. ఈ స్కూటర్‌లో ‘టర్బో వై-షిఫ్ట్’ ఫీచర్ ఉంది. ఇది తక్కువ, మీడియం, హై మోడ్‌లలో పనిచేస్తుంది. దీని కారణంగా యాక్సిలరేషన్, బ్రేకింగ్ మెరుగ్గా ఉంటాయి.

Also Read: Flying School: ఎయిరిండియా కీలక నిర్ణయం.. మహారాష్ట్రలో సొంతంగా ఫ్లయింగ్‌ స్కూల్‌

శక్తివంతమైన ఇంజిన్

యమహా కొత్త NMAX టర్బోలో 155cc ఇంజన్ ఉంటుంది. ఇది 15.6hp పవర్, 14.2Nm టార్క్ ఉత్పత్తి చేస్తుంది. కంపెనీ తన ఏరోక్స్ 155 స్కూటర్‌లో కూడా అదే ఇంజిన్‌ను ఉపయోగిస్తుంది. అయితే ఇక్కడ పవర్, టార్క్‌లో స్వల్ప మార్పులు చేయబడ్డాయి. కొత్త స్కూటర్ 45mm పొడవు, 50mm పొట్టిగా ఉంది.

ఫీచర్లు

కొత్త స్కూటర్ డిజైన్ ఆకట్టుకుంటుంది. దాని ఫీచర్లు కూడా అద్భుతంగా ఉన్నాయి. రాత్రి వేళల్లో మెరుగైన వెలుతురు కోసం స్కూటర్ LED ప్రొజెక్టర్ హెడ్‌ల్యాంప్, టెయిల్ ల్యాంప్‌ను ఇచ్చింది. LCD స్పీడోమీటర్‌ను కలిగి ఉంది. దీనిలో మీరు నావిగేషన్ సదుపాయాన్ని కూడా పొందుతారు. అంతేకాకుండా ఈ స్కూటర్ స్మార్ట్ కీతో వస్తుంది.

We’re now on WhatsApp : Click to Join

ఇండియాలో కూడా లాంచ్ అవుతుందా?

Yamaha కొత్త NMAX టర్బో స్కూటర్ ప్రస్తుతం ఇండోనేషియాలో ప్రారంభించబడింది. ఎందుకంటే అక్కడ మ్యాక్సీ స్కూటర్‌లకు చాలా డిమాండ్ ఉంది. అయితే ఇప్పటి వరకు ఈ స్కూటర్‌ను భారతదేశంలో లాంచ్ చేయడానికి కంపెనీ ఎటువంటి సమాచారం ఇవ్వలేదు. నివేదికల ప్రకారం.. ఈ కంపెనీ ఈ స్కూటర్‌ను వచ్చే ఏడాది ఆటో ఎక్స్‌పోలో ప్రదర్శించవచ్చు. ఇప్పుడు భారతదేశంలో కూడా మ్యాక్సీ స్కూటర్లకు డిమాండ్ నిరంతరం పెరుగుతోంది. త్వరలోనే టీవీఎస్, హోండా, హీరోలు కూడా తమ తమ మ్యాక్సీ స్కూటర్‌లను తయారు చేయనున్నాయని భావిస్తున్నారు.

Follow us