Toyota Electric Car: కొత్త ఎలక్ట్రిక్ కారును విడుదల చేయనున్న టయోటా.. ఒక్కసారి ఛార్జ్ చేస్తే 550 కిలోమీటర్ల పయనం!
సుజుకి తన మొదటి ఎలక్ట్రిక్ వాహనాన్ని టయోటాకు సరఫరా చేసే ఒప్పందంపై రెండు కంపెనీలు సంతకం చేశాయి. అయితే కొత్త వాహనం పేరు ఇంకా వెల్లడించలేదు.
- By Gopichand Published Date - 01:15 PM, Thu - 31 October 24
Toyota Electric Car: సుజుకి మొట్టమొదటి ఎలక్ట్రిక్ కారు (Toyota Electric Car) ఆధారంగా రూపొందించబడిన తన కొత్త ఎలక్ట్రిక్ కారును భారతదేశంలో విడుదల చేయడానికి టయోటా సన్నాహాలు చేస్తోంది. టయోటా- సుజుకీ సంయుక్తంగా ఈ కారును ప్రకటించాయి. ఈ ఎలక్ట్రిక్ కారు 60kWh బ్యాటరీతో అందించబడుతుంది. ఇది ఒక్కసారి ఛార్జ్పై 550 కిలోమీటర్ల పరిధిని అందిస్తుంది. ఈ కారులో ఫోర్-వీల్-డ్రైవ్ (4WD) సిస్టమ్ సౌకర్యం ఉంటుంది. సుజుకి- టయోటా సంయుక్తంగా ఎలక్ట్రిక్ వెహికల్ సెగ్మెంట్లో తమ మొదటి సహకారాన్ని ప్రకటిస్తూ ఒక ప్రకటనను విడుదల చేశాయి.
గుజరాత్లోని హన్సల్పూర్లో ఈ కారును తయారు చేయనున్నారు
సుజుకి తన మొదటి ఎలక్ట్రిక్ వాహనాన్ని టయోటాకు సరఫరా చేసే ఒప్పందంపై రెండు కంపెనీలు సంతకం చేశాయి. అయితే కొత్త వాహనం పేరు ఇంకా వెల్లడించలేదు. కానీ ఇది గుజరాత్లోని హన్సల్పూర్లోని సుజుకి మోటార్ గ్రూప్ (SMG) ప్లాంట్లో తయారు చేయబడే ఎలక్ట్రిక్ SUV.
Also Read: Overeating: మీరు అతిగా తింటున్నారా..? అయితే ఈ టిప్స్ పాటించండి!
సుజుకి మొదటి ఎలక్ట్రిక్ కారు 60kWh బ్యాటరీతో వస్తుందని రెండు కంపెనీలు పత్రికా ప్రకటన ద్వారా తెలిపాయి. ఈ ఎలక్ట్రిక్ కారును టయోటాకు సరఫరా చేయనున్నారు. భారతదేశంతో పాటు టయోటా ప్రపంచంలోని అనేక ఇతర దేశాలలో కూడా కొత్త EVని విక్రయానికి విడుదల చేస్తుంది. ఈ SUV ఉత్పత్తి 2025 మధ్యలో ప్రారంభం కానుందని సమాచారం కూడా అందింది. వచ్చే ఏడాది ఆటో ఎక్స్పో 2025లో మారుతి సుజుకి తన మొదటి ఎలక్ట్రిక్ కారు మారుతి eVXని పరిచయం చేయనుంది. దీని ఆధారంగానే టయోటా కొత్త ఎలక్ట్రిక్ కారు రానుంది.
టయోటా ఎలక్ట్రిక్ కారులో ప్రత్యేకత ఏమిటి?
మారుతి సుజుకి భారతదేశం, విదేశాలలో తన కొత్త eVX ఎలక్ట్రిక్ SUVని పరీక్షిస్తోంది. ఈ వాహనం కూడా చాలా సార్లు గుర్తించబడింది. ఈ వాహన పరీక్ష నిరంతరం కొనసాగుతోంది. ఇది గ్లోబల్ ఎలక్ట్రిక్ ఎస్యూవీ. ప్రారంభించిన తర్వాత టయోటా కూడా eVX ఆధారంగా తన కొత్త మోడల్ను పరిచయం చేస్తుంది. కానీ పేరు భిన్నంగా ఉంటుంది. ఈ వాహనం ఉత్పత్తి వచ్చే ఏడాది నుండి ప్రారంభమవుతుంది. ప్రస్తుతం మహీంద్రా, టాటా ఎలక్ట్రిక్ కార్లలో ఫ్రంట్-వీల్ డ్రైవ్ సిస్టమ్ ఇవ్వబడింది. ఇటువంటి పరిస్థితిలో మారుతి-టయోటా ఈ ఎలక్ట్రిక్ కారు 4WDతో అందించబడుతుంది.
