Keeway Bikes: ఇన్ఫినిక్స్ ఎక్స్ 3 స్మార్ట్ టీవీ విడుదల.. అద్భుతమైన ధర, స్పెసిఫికేషన్లు?

ఇటీవల కాలంలో ఇన్ఫినిక్స్ బ్రాండ్ మార్కెట్లోకి వరుసగా స్మార్ట్ టీవీలను విడుదల చేస్తోంది. ఈ నేపథ్యంలోనే తాజాగా భారత మార్కెట్లోకి 50 ఇంచుల డిస్ప్లే తో 4కె స్మార్ట్ టీవీ ని విడుదల చేసింది. ఈ టీవీ ని ఇన్ఫినిక్స్ ఎక్స్ 3 సిరీస్‌లో లేటెస్ట్ మోడల్‌ను లాంచ్ చేసింది. ఫ్లిప్‌కార్ట్‌ లో లిస్ట్ అయింది. కాగా ఈ టీవీ బెజిల్‌ లెస్ డిజైన్, డాల్బీ ఆడియో సపోర్ట్‌ను కలిగి ఉంటుంది. అలాగే ఆండ్రాయిడ్‌ ఆపరేటింగ్ సిస్టమ్‌ పై రన్ అవుతుంది. ఈ ఇన్ఫినిక్స్ ఎక్స్3 స్మార్ట్ టీవీ 50 ఇంచుల 4కె డిస్‌ప్లేతో వస్తోంది. అదే విధంగా ఈ టీవీ 122 శాతం sRGB కలర్ గాముట్ కవరేజ్, 60Hz రిఫ్రెష్ రేట్ ఉంటుంది.

94శాతం స్క్రీన్ టూ బాడీ రేషియోతో కూడిన బెజిల్‌లెస్ డిజైన్‌ను,యాంటీ బ్లూ లైట్ ఎమిషన్ టెక్నాలజీ కూడా కలిగి ఉంటుంది. ఇన్ఫినిక్స్ ఎక్స్ 3 50 ఇంచుల 4కె స్మార్ట్ టీవీలో క్వాడ్ కోర్ ప్రాసెసర్‌ ఉంటుంది. ఆండ్రాయిడ్‌ ఆర్ ఆపరేటింగ్ సిస్టమ్‌ పై ఇది రన్ అవుతుంది. 1.5 జీబీ ర్యామ్, 16 జీబీ ఇంటర్నల్ స్టోరేజ్ ఉంటుంది. నెట్‌ఫ్లిక్స్, అమెజాన్ ప్రైమ్ వీడియో, డిస్నీ ప్లస్ హాట్‌స్టార్‌ తో పాటుగా ప్రముఖ ఓటీటీ యాప్స్‌కు సపోర్ట్ చేస్తుంది. ఇవి ప్రీ ఇన్‌స్టాల్డ్‌ గా ఉంటాయి. కావాలంటే యాప్స్‌, గేమ్స్‌ను గూగుల్ ప్లే స్టోర్ నుంచి డౌన్‌లోడ్ చేసుకోవచ్చు.

వాయిస్ సెర్చ్‌కు సపోర్ట్ చేసే స్మార్ట్ రిమోట్ కూడా ఉంటుంది. వైఫై, బ్లూటూత్, మూడు హెచ్‌డీఎంఐ పోర్ట్‌లు, రెండు యూఎస్‌బీ పోర్ట్‌లు, ఆడియో జాక్, ఎథెర్‌నెట్ పోర్ట్ కనెక్టివిటీ ఫీచర్లుగా ఉన్నాయి.ఇన్ఫినిక్స్ టీవీ ధర విషయానికి వస్తే ధర రూ.24,990గా ఉంది. ఈ కామర్స్ సైట్ ఫ్లిప్‌కార్ట్‌లో అతి త్వరలో ఈ టీవీ సేల్‌కు రానుంది. బిగ్ బిలియన్ డేస్‌లో ఈ టీవీ సేల్‌కు వచ్చే అవకాశం ఉన్నట్టు తెలుస్తోంది. అలాగే యాక్సిస్ బ్యాంక్, ఐసీఐసీఐ బ్యాంక్ కార్డ్‌లపై 10శాతం అదనపు డిస్కౌంట్ లభిస్తుంది.