Car Discount Offer: కార్ల‌పై భారీ ఆఫ‌ర్లు.. రూ. 57వేల వ‌ర‌కూ త‌గ్గింపు

Car Discount Offer: కొత్త కారు కొనుగోలు చేయాల‌ని భావిస్తున్నారా? అయితే ఇదే క‌రెక్ట్ టైమ్‌. ఇప్పుడు కార్ల కొనుగోలుపై భారీ డిస్కౌంట్ ఆఫ‌ర్లు ర‌న్ అవుతున్నాయి. మీరు వేల‌ల్లో డ‌బ్బును ఆదా చేసుకునే అవ‌కాశం క‌ల‌దు. ఈ ఆఫ‌ర్ల గురించి మ‌రిన్ని వివ‌రాలు తెలుసుకోవాల‌ని ఉందాం. అయితే ఇంకెందుకు ఆల‌స్యం ఈ ఆర్టిక‌ల్ చ‌ద‌వండి.

కార్ల త‌యారీలో దిగ్గ‌జ సంస్థ‌గా పేరుగాంచిన మారుతీ సుజుకీ తాజ‌గా అదిరిపోయే ఆఫర్లను ప్ర‌క‌టించింది. ఏకంగా రూ. 57 వేల డిస్కౌంట్‌పై కార్ల‌ను అందుబాటులో ఉంచింది. కేవ‌లం ఈ నవంబర్ నెలలో మాత్రమే ఈ ఆఫర్లు అందుబాటులో ఉంటాయని సంస్థ ప్ర‌తినిధులు తెలిపారు. వీటిలో మీకు ఎక్స్చేంజ్ ఆఫర్, క్యాష్‌బ్యాక్, కార్పొరేట్ బెనిఫిట్స్ వంటి బెనిఫిట్స్ ను కూడా మీరు ఉప‌యోగించుకోవ‌చ్చు. మోడ‌ల్ బ‌ట్టి ఈ ఆఫ‌ర్లు మారుతూ ఉంటాయి. దీనికోసం మీరు ద‌గ్గ‌ర‌లోని డీల‌ర్‌ను సంప్ర‌దించ‌వ‌ల‌సి ఉంటుంది.

అల్టో కే10 కారుపై మీరు ఏకంగా రూ. 57 వేల వ‌ర‌కు డిస్కౌంట్ ల‌భిస్తుంది. క్యాష్‌ డిస్కౌంట్ రూ. 35 వేల వరకు ఉంటుంది. కార్పొరేట్ బెనిఫిట్ రూ. 7 వేలు వ‌ర్తిస్తుంది. ఇక ఎక్స్చేంజ్ బోనస్ కింద మ‌రో రూ. 15 వేలు త‌గ్గింపు ద‌క్కించుకోవ‌చ్చు. సెలెరియో కారుపై కూడా రూ. 56 వేల వరకు తగ్గింపును పొంద‌వ‌చ్చు.

డిజైర్ మోడల్‌పై కూడా భారీ డిస్కౌంట్‌ను మీ సొంతం చేసుకోవ‌చ్చు. ఈ కారుపై రూ. 32 వేల వరకు తగ్గింపు ప్రయోజనాలు అందుబాటులో ఉన్నాయి. దీంతో పాటు అద‌నంగా రూ.7వేల కార్పొరేట్ బెనిఫిట్‌, క్యాష్‌ డిస్కౌంట్ రూ. 15 వేల దాకా పొందొచ్చు. ఇంకా ఎక్స్చేంజ్ బోనస్ రూ.10 వేల దాకా వస్తుంది.