Big Car Discount: మారుతీ జిమ్నీపై రూ.2.30 లక్షలు.. థార్పై రూ.1.25 లక్షల తగ్గింపు!
మారుతి సుజుకి ప్రస్తుతం అమ్మకాలను పెంచుకోవడానికి అత్యంత విజయవంతం కాని SUV ‘జిమ్నీ’పై మంచి తగ్గింపులను అందిస్తోంది. జిమ్నీ అమ్మకాలు నిరంతరం పడిపోతున్నాయి.
- Author : Gopichand
Date : 01-11-2024 - 11:26 IST
Published By : Hashtagu Telugu Desk
Big Car Discount: ఫెస్టివల్ సీజన్లో తమ అమ్మకాలను పెంచుకునేందుకు ప్రస్తుతం కార్ల కంపెనీలు భారీ డిస్కౌంట్లను (Big Car Discount) ఆఫర్ చేస్తున్నాయి. దీని వల్ల నేరుగా కస్టమర్లు లబ్ది పొందుతారు. అమ్మకాలు చాలా బలహీనంగా ఉన్న కార్లపై కార్ కంపెనీలు గరిష్ట తగ్గింపును ఇస్తున్నాయి. ప్రస్తుతం మారుతీ సుజుకి, టయోటా, మహీంద్రా కార్లపై మంచి తగ్గింపులు లభిస్తున్నాయి. మీరు కొత్త కారు కొనాలని ఆలోచిస్తున్నట్లయితే.. ఏ కారుపై ఎంత తగ్గింపు లభిస్తుందో ఇక్కడ తెలుసుకోవచ్చు.
మారుతి జిమ్నీపై రూ. 2.30 లక్షల తగ్గింపు
మారుతి సుజుకి ప్రస్తుతం అమ్మకాలను పెంచుకోవడానికి అత్యంత విజయవంతం కాని SUV ‘జిమ్నీ’పై మంచి తగ్గింపులను అందిస్తోంది. జిమ్నీ అమ్మకాలు నిరంతరం పడిపోతున్నాయి. ఈ వాహనం పేలవమైన డిజైన్, అధిక ధరతో కూడిన డిజైన్ కారణంగా వినియోగదారులు దీనిని కొనుగోలు చేయడానికి ఆసక్తి చూపటంలేదు. మారుతి జిమ్నీ జీటా, ఆల్ఫా వేరియంట్లు వరుసగా రూ. 1.75 లక్షలు, రూ. 2.30 లక్షల తగ్గింపును పొందుతున్నాయి.
Also Read: Rishabh Pant: రిషబ్ పంత్ చేరే జట్టు ఇదేనా? మాజీ క్రికెటర్ ఆసక్తికర వ్యాఖ్యలు!
ఇంజన్ గురించి మాట్లాడుకుంటే.. జిమ్నీ 1.5 లీటర్ K సిరీస్ పెట్రోల్ ఇంజన్ని కలిగి ఉంది. ఇది ఒక లీటర్లో 16.94 కిలోమీటర్ల వరకు మైలేజీని అందిస్తుందని కంపెనీ పేర్కొంది. ఇది 4 వీల్ డ్రైవ్తో వస్తుంది. అయితే మారుతీ సుజుకీ ఎంత డిస్కౌంట్ ఇచ్చినా అమ్మకాలు పెంచుకోవడం కష్టంగానే కనిపిస్తోంది.
మహీంద్రా థార్పై భారీగా తగ్గింపు
మీరు ఈ నెలలో మహీంద్రా థార్ 4×4 కొనుగోలు చేయాలని ఆలోచిస్తున్నట్లయితే ఈ అవకాశం మీకు ఖచ్చితంగా సరిపోతుంది. ఈ పండుగ సీజన్లో రూ. 1.25 లక్షల నగదు తగ్గింపు, రూ. 25,000 విలువైన ఉపకరణాలు అందుబాటులో ఉన్నాయి. ఈ వాహనం ధర రూ.11.35 లక్షల నుంచి ప్రారంభమవుతుంది. ఈ తగ్గింపు దాని 2 డోర్ మోడల్పై ఉంది.
టయోటా కూడా గొప్ప ఆఫర్ ఇచ్చింది
టయోటా తన కార్లపై డిస్కౌంట్ ఆఫర్లను ప్రవేశపెట్టింది. ఈ పండుగ సీజన్లో టయోటా ఇన్నోవా క్రిస్టాపై రూ. 1 లక్ష వరకు నగదు తగ్గింపును అందిస్తోంది. ఇది కాకుండా ఫార్చ్యూనర్ రూ. 1 లక్ష వరకు ఎక్స్ఛేంజ్ బోనస్తో పాటు రూ. 30,000 నగదు తగ్గింపు ప్రయోజనాన్ని కూడా పొందుతోంది. ఫార్చ్యూనర్ లెజెండర్లో రూ. 75 వేల నగదు తగ్గింపు, రూ. 1 లక్ష ఎక్స్ఛేంజ్ బోనస్, అదనపు యాక్సెసరీస్ ప్యాకేజీ కూడా అందుబాటులో ఉన్నాయి. మీరు టయోటా క్యామ్రీని కొనుగోలు చేస్తే ఈ కారుపై 5 సంవత్సరాల వారంటీతో పాటు రూ. 1 లక్ష ఎక్స్ఛేంజ్ బోనస్, రూ. 50 వేల కార్పొరేట్ తగ్గింపు ఇవ్వబడుతుంది.
Follow us
