Hero Splendor Plus: జీఎస్టీ త‌గ్గింపు.. రూ. 83 వేల బైక్ ఇప్పుడు రూ. 75 వేల‌కే!

Hero Splendor Plus: రెండు చక్రాల వాహనాలపై (350cc వరకు) జీఎస్టీని 28% నుండి 18%కి తగ్గించారు. దీని వల్ల వినియోగదారులకు నేరుగా లబ్ధి చేకూరింది. ప్రముఖ ద్విచక్ర వాహనాల సంస్థ హీరో మోటోకార్ప్ కూడా తమ ప్రసిద్ధ బైక్ స్ప్లెండర్ ప్లస్ ఎక్స్‌టెక్ డిస్క్ బ్రేక్ వేరియంట్ (Hero Splendor Plus) ధరను తగ్గించింది. ఢిల్లీలో ఈ బైక్ ఎక్స్-షోరూమ్ ధర రూ. 83,461 ఉండగా, జీఎస్టీలో 10% కోతతో దాదాపు రూ. 7,900 తగ్గుతుంది. అంటే ఇప్పుడు దీని కొత్త ధర రూ. 75,561 కానుంది. అయితే ఆన్-రోడ్ ధరలు RTO, బీమా ఛార్జీలను బట్టి వివిధ నగరాల్లో మారుతూ ఉంటాయి.

ఇంజిన్- పనితీరు

హీరో స్ప్లెండర్ ప్లస్ ఎక్స్‌టెక్ డిస్క్‌లో 97.2cc, ఎయిర్-కూల్డ్, 4-స్ట్రోక్, సింగిల్-సిలిండర్ ఇంజిన్ అమర్చారు. ఇది BS6 ఫేజ్ 2B ప్రమాణాలకు అనుగుణంగా ఉంటుంది. ఈ ఇంజిన్ 8.02 PS శక్తిని, 10 Nm టార్క్ ను ఉత్పత్తి చేస్తుంది. ఇది 4-స్పీడ్ మాన్యువల్ గేర్‌బాక్స్‌తో వస్తుంది. పట్టణ, గ్రామీణ ప్రాంతాలలో ఈ బైక్ మంచి పనితీరును కనబరుస్తుంది. దీని గరిష్ట వేగం గంటకు 87 కి.మీ.

Also Read: Engineers Day: ఇంజనీర్స్ డే శుభాకాంక్ష‌లు తెలిపిన సీఎం రేవంత్ రెడ్డి!

మైలేజ్

హీరో కంపెనీ చెప్పిన దాని ప్రకారం.. స్ప్లెండర్ ప్లస్ ఎక్స్‌టెక్ డిస్క్ వేరియంట్ లీటర్‌కు 73 కి.మీ మైలేజ్ ఇస్తుంది. దీనిలో 9.8 లీటర్ల ఇంధన ట్యాంక్ ఉంది. దీని వల్ల ఒక ఫుల్ ట్యాంక్‌తో 600-650 కి.మీ వరకు ప్రయాణించవచ్చు. అంతేకాకుండా ఇందులో హీరో i3S (Idle Stop-Start) టెక్నాలజీ ఉంది. ఇది ట్రాఫిక్‌లో ఇంధనాన్ని ఆదా చేయడంలో సహాయపడుతుంది.

ఆధునిక ఫీచర్లు

స్ప్లెండర్ ప్లస్ ఎక్స్‌టెక్ డిస్క్ వేరియంట్లో ఇప్పుడు 240mm ఫ్రంట్ డిస్క్ బ్రేక్ అమర్చారు. ఇది భద్రతను మరియు బ్రేకింగ్ పనితీరును మెరుగుపరుస్తుంది. దీంతో పాటు ఇందులో పలు ఆధునిక ఫీచర్లు ఉన్నాయి. డిజిటల్ ఇన్‌స్ట్రుమెంట్ క్లస్టర్.. ఇది రియల్-టైమ్ మైలేజ్, స్పీడోమీటర్, ట్రిప్ మీటర్, లో-ఫ్యూయల్ ఇండికేటర్ వంటి సమాచారాన్ని అందిస్తుంది. బ్లూటూత్ కనెక్టివిటీ.. ఇది మొబైల్‌ను బైక్‌తో అనుసంధానం చేస్తుంది. జీఎస్టీ తగ్గింపు కారణంగా ఇప్పుడు హీరో స్ప్లెండర్ ప్లస్ ఎక్స్‌టెక్ డిస్క్ మరింత సరసమైనదిగా మారింది. దీని అద్భుతమైన మైలేజ్, నమ్మదగిన ఇంజిన్, ఆధునిక ఫీచర్లు దీనిని మధ్యతరగతి కుటుంబాలకు, రోజువారీ ప్రయాణికులకు ఒక మంచి ఎంపికగా నిలిచాయి.