Royal Enfield Classic 350: అప్డేటెడ్ రాయల్ ఎన్ఫీల్డ్ క్లాసిక్ 350 ఎలా ఉండబోతుందో తెలుసా?

రాయల్ ఎన్​ఫీల్డ్.. ద్విచక్ర వాహన వినియోగదారులు ఎక్కువ శాతం మంది ఇష్టపడే కంపెనీలలో రాయల్ ఎన్ఫీల్డ్ కూడా ఒకటి. చాలామంది ఈ బైక్స్ ని ఇష్టపడుతున్నప్పటికీ వాటి ధరల కారణంగా వెనుకడుగు వేస్తూ ఉంటారు. అలాంటి వారి కోసం రాయల్ ఎన్ఫీల్డ్ సంస్థ ఎప్పటికప్పుడు తక్కువ దరకే ఈ బైక్స్ ని అందించడంతోపాటుగా ఇప్పటికే మార్కెట్లోకి విడుదల చేసిన బైక్స్ కి పోటీగా మరికొన్ని బైకులను విడుదల చేస్తోంది. అందులో భాగంగానే రాయల్ ఎన్​ఫీల్డ్​ తన క్లాసిక్ 350 బైర్​ని 2024 ఆగస్టు 12 న విడుదల చేయనుంది. అయితే కొత్త క్లాసిక్​ 350లో పలు కీలక అప్డేట్స్​ కనిపిస్తాయని సమాచారం.

మార్కెట్ లో ఉన్న చాలా రకాల బైక్స్ కీ పోటీనిచ్చే విధంగా మోడల్​ ను మరింత సముచితంగా ఉంచడానికి అనేక అట్రాక్టివ్​ ఫీచర్ మార్పులతో రాయల్​ ఎన్​ఫీల్డ్​ క్లాసిక్​ 350 వస్తుందని తెలుస్తోంది. గత నెలలో బ్రాండ్ వాల్యూమ్స్​ లో ఎనిమిది శాతం క్షీణతను చూసినందున, అమ్మకాలు పెంచుకునేందుకు పండుగ సీజన్​ కి ముందు​ ఈ అప్డేట్​ని సంస్థ తీసుకొస్తోంది. కాగా అప్డేటెడ్​ రాయల్ ఎన్​ఫీల్డ్​ క్లాసిక్ 350లో అదే డిజైన్ ఉండనుంది. కొద్దిగా స్టైలింగ్ మార్పులను పొందవచ్చు. కొత్త పెయింట్ ఆప్షన్స్​, ఎల్​ఈడీ హెడ్​ల్యాంప్​ సహా సవరించిన ఫీచర్ల జాబితా బయటకు రావచ్చని తెలుస్తోంది. మోడ్రన్ క్లాసిక్ మోటార్ సైకిల్ టాప్ వేరియంట్ లలో చాలా కొత్త ఫీచర్లతో సవరించిన వేరియంట్ లైనప్ ను పొందుతుందని మార్కెట్​ వర్గాలు భావిస్తున్నాయి.

ఇన్​స్ట్రుమెంట్ కన్సోల్ మరింత సమాచారంతో అప్​గ్రేడ్​ కూడా పొందవచ్చు. ఈ మోడల్ తన తాజా అవతారంలో డిస్టెన్స్ టు ఎంప్టీ వంటి వివరాలను పొందవచ్చు. అంతేకాక, టాప్ ఎండ్ క్లాసిక్ 350లోని ట్రిప్పర్ నావిగేషన్ పాడ్ ప్రస్తుత మోడల్ కంటే మరింత సమర్థవంతంగా పనిచేయడానికి తగిన ఏర్పాట్లు చేస్తోంది ఈ సంస్థ. ఇకపోతే 2025 రాయల్​ ఎన్​ఫీల్డ్​ క్లాసిక్ 350 స్పెసిఫికేషన్ల విషయానికి వస్తే.. రాయల్​ ఎన్​ఫీల్డ్​ క్లాసిక్ 350 మెకానికల్స్​లో పెద్ద మార్పులను ఆశించవద్దు. ఈ అప్డేటెడ్ బైక్ జే సిరీస్ 349 సీసీ సింగిల్ సిలిండర్, ఎయిర్ కూల్డ్ ఇంజిన్​ ను ఉపయోగిస్తుంది. ఇది 6,100 ఆర్​పీఎమ్ వద్ద 20.2 బీహెచ్​పీ పవర్, 4,000 ఆర్​పీఎమ్ వద్ద 27 ఎన్ఎమ్ గరిష్ట టార్క్​ను జనరేట్​ చేస్తుంది.

ఈ బైక్ ముందు భాగంలో 41 ఎంఎం టెలిస్కోపిక్ ఫోర్కులతో కూడిన ట్విన్ డౌన్​ట్యూబ్​ స్పైన్ ఫ్రేమ్, వెనుక భాగంలో 6 స్టెప్స్ ప్రీలోడ్ అడ్జెస్టిబుల్ ట్విన్ షాక్ అబ్జార్బర్స్ ఉన్నాయి. బ్రేకింగ్ పనితీరు 300 మిమీ ఫ్రెంట్ డిస్క్, డ్యూయల్ ఛానల్ ఏబిఎస్​తో 270 ఎంఎం రేర్ డిస్క్, వెనుక భాగంలో 153 మిమీ డ్రమ్ బ్రేక్​తో బేస్ ట్రిమ్స్​లో సింగిల్ ఛానల్ ఏబిఎస్ ఆప్షన్​ ను కూడా రాయల్​ ఎన్​ఫీల్డ్​ అందిస్తుంది. కొత్త క్లాసిక్ 350 19-ఇంచ్​ ఫ్రెంట్, 18 ఇంచ్​ రేర్​ స్పోక్డ్ వీల్స్​తో కొనసాగుతుందని ఆశించవచ్చు. అయితే తయారీదారు అల్లాయ్ వీల్ వేరియంట్లను అప్డేట్​ చేయవచ్చు. ఇకపోతే ఈ బైక్ ధర విషయానికి వస్తే.. రాయల్​ ఎన్​ఫీల్డ్​ క్లాసిక్ 350 ధర రూ .1.93 లక్షల నుంచి రూ .2.25 లక్షల వరకు ఉంది. తాజా మోడల్​తో ధరలు స్వల్పంగా పెరిగే అవకాశం ఉంది.