TDP-JSP : ఆ స్థానాల్లో టీడీపీ-జనసేన క్లీన్‌ స్వీప్‌..?

ఆంధ్ర ప్రదేశ్‌లో ఎన్నికల హడావిడి మొదలైంది. వచ్చే ఎన్నికల్లో టీడీపీ (TDP)-జనసేన (Janasena) మధ్య పొత్తులో ప్రజల ముందుకు రానున్నాయి. అంతేకాకుండా.. టీడీపీ-జనసేనతో పాటుగా బీజేపీ (BJP) కూడా కలిసి మహాకూటమిగా ఏర్పాడుతాయని స్థానిక నేతలు వెల్లడించినా.. ఇప్పటికీ బీజేపీ నుంచి ఎలాంటి అధికారిక ప్రకటన రాలేదు. అయితే.. ఏపీ బీజేపీ చీఫ్‌ దగ్గుబాటి పురందేశ్వరి (Daggubati Purandeswari) మాత్ర పొత్తులుపై అధిష్టానం నిర్ణయం తీసుకుంటుందని వెల్లడించారు. అయితే.. ఇదిలా ఉంటే.. ఇటీవల టీడీపీ-జనసేన కూటమి నుంచి మొదటి అభ్యర్థుల జాబితాను విడుదల చేసిన విషయం తెలిసిందే. అయితే.. బాపట్ల పార్లమెంటరీ నియోజకవర్గంలో (Bapatla Parlimamentary Constituency) జరిగే ఎన్నికల్లో టీడీపీ, జనసేన పార్టీల మధ్య పొత్తు కుదిరితే ఆరు అసెంబ్లీ స్థానాల్లో ఐదింటిలో క్లీన్ స్వీప్ చేసే అవకాశం ఉందని, కేవలం బాపట్ల నియోజకవర్గంలో మాత్రమే వైఎస్సార్సీపీ (YSRCP) గెలుస్తుందని అంచనా సర్వేలు చెబుతున్నాయి.

We’re now on WhatsApp. Click to Join.

నివేదికలో పేర్కొన్న నిర్దిష్ట స్థానాల్లో వేమూరు, రేపల్లె, పర్చూరు, అద్దంకి, సంతనూతలపాడు చీరాల, బాపట్ల ఉన్నాయి. ఒంగోలు పార్లమెంటరీ నియోజ‌క‌వ‌ర్గంలో టీడీపీ, జ‌న‌సేన మ‌ధ్య అదే పొత్తు ఎన్నిక‌ల పార్లమెంట్‌ నియోజకవర్గాన్ని శాసించే అవ‌కాశం ఉంది. ఒంగోలు, కొండపి, మార్కాపురం, గిద్దలూరు, కనిగిరి శాసనసభ స్థానాల్లో మహాకూటమి విజయం సాధిస్తుందని, యర్రగొండపాలెం, దర్శి నియోజకవర్గాల్లో వైఎస్సార్‌సీపీ విజయం సాధిస్తుందని అంచనా వేస్తున్నారు. ఈ పార్లమెంట్, అసెంబ్లీ ఎన్నికల్లో ప్రజల తీర్పు స్పష్టంగా ఉంటుందని, టీడీపీ, జనసేన కూటమికి అనుకూలమైన ఫలితం వచ్చే అవకాశం ఉందని నివేదిక సూచిస్తుంది. పొత్తులో భాగంగా దర్శి లేదా చీరాల నియోజక వర్గాల్లో ఏదో ఒకటి జనసేనలోకి వెళ్లే అవకాశం ఉందని కూడా సమాచారం. ఈ ఊహాగానాలు ప్రస్తుత అంచనాలపై ఆధారపడి ఉన్నాయని మరియు అభివృద్ధి చెందుతున్న రాజకీయ డైనమిక్స్ ఆధారంగా మార్పుకు లోబడి ఉండవచ్చని గమనించడం ముఖ్యం. బాపట్ల, ఒంగోలు పార్లమెంట్‌ స్థానాలకు టీడీపీ అభ్యర్థులను ఇంకా ప్రకటించలేదు.

Also Read : Rashmika Mandanna: యనిమల్ సక్సెస్ ను ఎంజాయ్ చేయలేకపోయిన రష్మిక.. ఎందుకో తెలుసా