Tirumala: తిరుమలలో మరోసారి చిరుత కలకలం, భక్తులు అలర్ట్
శ్రీవారి మెట్టు మార్గంలో చిరుత సంచరిస్తోందని భక్తులు అంటున్నారు.
- By Balu J Published Date - 01:12 PM, Tue - 14 November 23
Tirumala: తిరుమలలో మరోసారి చిరుత సంచారం కలకలం సృష్టించింది. శ్రీవారి మెట్టు మార్గంలో చిరుత సంచరిస్తోందని భక్తులు అంటున్నారు. పులివెందుల నుంచి భక్తులు మెట్ల మార్గం వైపు వెళ్తుండగా.. చిరుతపులి వేగంగా రోడ్డు దాటుతున్నట్లు తెలిపారు. వెంటనే భక్తులు అప్రమత్తమై టీటీడీ భద్రతా అధికారులకు సమాచారం అందించారు. తిరుమల నడకదారిలో చిరుతలు కలంకలం రేపుతూనే ఉన్నాయి. జూన్ నెలలో ఓ బాలుడిపై చిరుత దాడి చేసింది. ఆ తర్వాత ఆగస్టు నెలలో నెల్లూరు జిల్లా కోవూరుకు చెందిన లక్షిత అనే బాలికపై చిరుత దాడి చేసి చంపేసింది. ఈ రెండు ఘటనల తర్వాత టీటీడీ మరింత అప్రమత్తమైంది. వెంటనే బోన్స్, ట్రాప్ కెమెరాలను ఏర్పాటు చేసి చిరుతలను బంధించారు. అలాగే నడిచే మార్గాల్లో కొన్ని నిబంధనలను అమలు చేస్తోంది.
మరోవైపు చిరుతల నుంచి రక్షణ కోసం టీటీడీ కర్రలు పంపిణీ చేస్తోంది. నడకదారిలో భక్తులను గుంపులుగా పంపిస్తారు. అవసరమైన చోట్ల గార్డులను కూడా నియమించినట్లు తెలిసింది. 12 ఏళ్లలోపు పిల్లల విషయంలో జాగ్రత్తలు తీసుకుంటారు. పిల్లలను వారి తల్లిదండ్రులతో ఉదయం 5 నుండి మధ్యాహ్నం 2 గంటల వరకు మాత్రమే అనుమతిస్తారు. రాత్రి 10 గంటల తర్వాత పెద్దలను కూడా అనుమతించరు. అలాగే తిరుమల వెళ్లే ఘాట్ రోడ్లలో ఉదయం 6 గంటల నుంచి సాయంత్రం 6 గంటల వరకు సైకిళ్లను అనుమతించగా.. తాజాగా ఆ నిబంధనను సడలించారు.
అంతేదు తిరుమలకు వెళ్లే నడక మార్గాల్లో సాధు జంతువులకు తినుబండారాలు ఏర్పాటు చేయవద్దని టీటీడీ సూచించింది. ఇలాంటి ఆహార పదార్థాలను ఎవరైనా జంతువులకు అందజేసి ఆహార పదార్థాలను విక్రయిస్తే చర్యలు తీసుకుంటామని హెచ్చరించారు. నడకదారిలో హోటళ్ల నుంచి వచ్చే వ్యర్థాలు వదలకుండా జాగ్రత్తలు తీసుకుంటున్న టీటీడీ.. ఇప్పటికే తనిఖీలు చేపట్టింది. నిబంధనలు పాటించకుంటే చర్యలు తీసుకుంటామన్నారు.
Also Read: Vennela Kishore: ‘చారి 111’గా ‘వెన్నెల’ కిశోర్ ఫస్ట్ లుక్, స్పై యాక్షన్ కామెడీలో స్టైలిష్ లుక్
Tags
Related News
TTD: 12న తిరుపతిలోని శ్రీ కోదండ రామస్వామి ఆలయంలో పుష్పయాగం
TTD: తిరుపతి శ్రీ కోదండరామస్వామి ఆలయంలో ఈ నెల 12న అంకురార్పణతో పుష్పయాగం నిర్వహించనున్నారు. 12న ఉదయం 10 గంటల నుంచి 11 గంటల వరకు ఉత్సవ్లకు స్నాన తిరుమంజనం నిర్వహిస్తారు. అనంతరం సాయంత్రం 4 గంటల నుంచి 6 గంటల వరకు సీతాలక్ష్మణులతో కలిసి శ్రీ కోదండరామస్వామికి వివిధ రకాల పుష్పాలతో ఊరేగుతారు. అనంతరం రాత్రి 7 గంటలకు శ్రీ కోదండరామస్వామి, శ్రీ సీతాదేవి, శ్రీ లక్ష్మణస్వామి సమేతంగా ఆలయంలోన�