మా ‘బాబు’ సీఎం అయ్యాడు – శ్రీవారి దర్శనం అనంతరం నందమూరి రామకృష్ణ

మా ‘బాబు’ సీఎం అయ్యాడు..నా కోరిక తీరిందన్నారు నందమూరి రామకృష్ణ. టీడీపీ వ్యవస్థాపక అధ్యక్షుడు, మాజీ ముఖ్యమంత్రి ఎన్టీఆర్‌ (NTR) తనయుడు నందమూరి రామకృష్ణ (Nandhamuri Ramakrishna) గురువారం కాలినడకన తిరుమలకు వచ్చారు. చంద్రబాబు (CHandrababu) సీఎం కావాలని గతంలో ఆయన మొక్కుకున్నారు. ఆ మొక్కు చెల్లించుకునేందుకు తిరుమలకు చేరుకున్న అయన..ఈరోజు శుక్రవారం ఉదయం శ్రీవారిని దర్శించుకొని మొక్కు చెల్లించుకున్నారు.

దర్శనానంతరం రామకృష్ణ మాట్లాడుతూ బావ నారా చంద్రబాబునాయుడు సీఎం అయితే స్వామివారిని కాలినడకన దర్శించుకుంటానని మెుక్కుకుని ఈ రోజు దర్శించుకోవడం జరిగిందన్నారు. చంద్రబాబును తిరిగి సీఎంను చేసిన ఏపీ ప్రజలంతా బాగుండాలని కోరుకుంటున్నానని తెలిపారు. రామకృష్ణ తో పాటు కేంద్ర మంత్రి రామ్మోహన్ నాయుడు దంపతులు కూడా శ్రీవారి దర్శనం చేసుకున్నారు.

Read Also : Nirmala Sitharaman : డిబిటి పథకాలతో ప్రజలకు ఎంతో మేలు జరుగుతోంది..!