Janasena : నేటి నుండి మూడు రోజుల పాటు జనసేన విస్తృత స్థాయి సమావేశాలు

జనసేన పార్టీ అధినేత పవన్ కళ్యాణ్ (Pawan Kalyan) ఆధ్వర్యంలో ఈ నెల 30న విశాఖపట్నంలో జరగబోయే భారీ సభపై రాష్ట్ర రాజకీయ వర్గాలన్నీ దృష్టి సారించాయి. “సేనతో సేనాని” (Sena Tho Senani) పేరుతో మూడు రోజులపాటు జరిగే ఈ విస్తృత స్థాయి సమావేశాల్లో చివరి రోజున ఇందిరా ప్రియదర్శిని మైదానంలో మహాసభ జరుగనుంది. ఈ సభకు “మన్యం వీరుడు అల్లూరి సీతారామరాజు సభా ప్రాంగణం”గా పేరు పెట్టడం ద్వారా పవన్ కళ్యాణ్ స్వాతంత్ర్య సమరయోధుల పట్ల గౌరవాన్ని వ్యక్తం చేశారు.

KCR : కేటీఆర్ కు కేసీఆర్ ఫోన్… కీలక ఆదేశాలు

జనసేన పార్టీ పీఏసీ ఛైర్మన్ నాదెండ్ల మనోహర్ మాట్లాడుతూ, “జనసేన పార్టీకి వెన్నెముకగా నిలిచింది జనసైనికుల పోరాటాలు, మహిళల తెగింపు” అని అన్నారు. ఆయన తెలిపిన వివరాల ప్రకారం, సభ ప్రాంగణానికి వచ్చే ఐదు ద్వారాలకు ఉత్తరాంధ్ర మహనీయులైన తెన్నేటి విశ్వనాథం, కోడి రామ్మూర్తి, గురజాడ అప్పారావు, వీరనారి గున్నమ్మ, మహాకవి శ్రీశ్రీ పేర్లు పెట్టాలని పవన్ నిర్ణయించారు. ఈ నిర్ణయం పార్టీ శ్రేణుల్లో విశేష ఉత్సాహాన్ని నింపిందని ఆయన అన్నారు.

మూడు రోజుల సమావేశాల్లో పార్టీ భవిష్యత్తు దిశను పవన్ కళ్యాణ్ నిర్దేశించనున్నారు. 29న మేధావులు, విద్యావంతులు, యువతతో పవన్ ప్రత్యేకంగా సమావేశమై వారి అభిప్రాయాలు తెలుసుకోనున్నారు. 30న జరిగే మహాసభలో రెండు తెలుగు రాష్ట్రాల నుంచి వేలాది మంది కార్యకర్తలు పాల్గొననున్నారు. ఇప్పటికే డిజిటల్ పాసులు పంపిణీ చేయగా, మ్యాన్యువల్ పాసులను కూడా అందజేస్తున్నట్లు పార్టీ నేతలు తెలిపారు. వాతావరణం అనుకూలించకపోయినా అన్ని ఏర్పాట్లు సమన్వయంతో జరుగుతున్నాయని జనసేన నాయకులు వెల్లడించారు. ఈ సమావేశాలు పార్టీ భవిష్యత్తు వ్యూహరచనకు కీలకమవుతాయని విశ్లేషకులు అంచనా వేస్తున్నారు.