CM Chandrababu : బాబుతో మామూలుగా ఉండదు.. ఖబడ్దార్‌..!

Cm Chandra Babu Naidu (1)

వైఎస్‌ఆర్‌ కాంగ్రెస్‌ హయాంలో ఆంధ్రప్రదేశ్‌లో అవినీతి రాజ్యమేలింది. గత ఐదేళ్లుగా వైసీపీకి చెందిన సీఎం, నేతలే కాదు పలువురు ప్రభుత్వ పెద్దలు కూడా అవినీతికి పాల్పడ్డారు. చంద్రబాబు నాయుడు ముఖ్యమంత్రి అయిన తర్వాత పరిస్థితులు మారిపోయాయి. ఇటీవ‌ల చాలా మంది అవినీతి వైసీపీ నేత‌లు, ప్ర‌భుత్వ అధికారుల పేర్లు బ‌య‌ట‌ప‌డుతున్నాయి. అలాంటి ఒక సందర్భంలో డిప్యూటీ సర్వేయర్ చంద్రబాబు నాయుడు భూమి కోసమే లంచం తీసుకున్నాడు. ప్రస్తుతం ఆయనను ప్రభుత్వం సస్పెండ్ చేసింది.

We’re now on WhatsApp. Click to Join.

వివరాల్లోకి వెళితే, చంద్రబాబు నాయుడు ప్రతిపక్ష నేతగా ఉన్నప్పుడు చిత్తూరు జిల్లా శాంతిపురం మండలం కడపల్లె గ్రామ శివాపురం సమీపంలో భూమిని కొనుగోలు చేశారు. ఈ ప్రాంతం చంద్రబాబు నాయుడు కుప్పం నియోజకవర్గం పరిధిలోకి వస్తుంది. జాతీయ రహదారికి ఆనుకుని ఉన్న ఈ భూమిలో ఫాంహౌస్‌ను నిర్మించాలన్నారు. ఇందుకోసం టీడీపీ నేతలు భూ మార్పిడికి దరఖాస్తు చేసుకున్నారు. భూమిని సబ్ డివిజన్ చేయాలని కోరగా డిప్యూటీ సర్వేయర్ సద్దాం హుస్సేన్ రూ. 1.8 లక్షలు లంచం డిమాండ్ చేశారు. మొత్తం చెల్లించిన తర్వాత మాత్రమే అతను పని పూర్తి చేశాడు.

గత వారం ముఖ్యమంత్రి హోదాలో చంద్రబాబునాయుడు కుప్పం నియోజకవర్గంలో పర్యటించినప్పుడు ఈ అంశం చర్చనీయాంశమైంది. ఈ విషయమై కలెక్టర్‌ సుమిత్‌కుమార్‌, జాయింట్‌ కలెక్టర్‌ శ్రీనివాసులును ఆరా తీయగా వారు సర్వే విభాగం ఏడీ గౌస్‌ బాషాను విచారణకు ఆదేశించారు. ఆరా తీస్తే సద్దాం హుస్సేన్ అవినీతి చరిత్ర బయటపడింది. తాజాగా భూమి సర్వే చేసేందుకు రైతు నుంచి లక్ష రూపాయలు లంచం డిమాండ్ చేసినట్లు కూడా తేలింది. దీంతో.. నిన్న సాయంత్రం జాయింట్ కలెక్టర్‌కు సద్దాం హుస్సేన్‌పై నివేదిక ఇవ్వగా, రాత్రికి రాత్రే సస్పెండ్ చేశారు.

Read Also : YS Jagan : జగన్ నివాసం దగ్గర ఉన్న బారికేడ్లు తొలగింపు

Follow us