AP Free Bus Scheme : ఏపీలో మహిళలకోసం కొత్త దిశగా అడుగు… ‘స్త్రీ శక్తి’ పథకంతో ఉచిత బస్సు ప్రయాణం ప్రారంభం

పథకాన్ని ప్రజల్లోకి తీసుకెళ్లేందుకు సీఎం చంద్రబాబు, పవన్ కల్యాణ్, లోకేశ్ స్వయంగా ఆర్టీసీ బస్సులో ప్రయాణించడం విశేషం. ఈ ప్రయాణం ఉండవల్లి నుంచి తాడేపల్లి, కనకదుర్గ వంతెన మీదుగా విజయవాడ బస్టాండ్ వరకు సాగింది. ఈ ప్రయాణంలో బీజేపీ రాష్ట్ర అధ్యక్షుడు పురందరేశ్వరి మాధవ్, టీడీపీ, జనసేన, బీజేపీ ఇతర నేతలు పాల్గొన్నారు.

Chandrababu, Pawan, Lokesh travel in a bus with women
Chandrababu, Pawan, Lokesh travel in a bus with women

AP Free Bus Scheme : ఆంధ్రప్రదేశ్ రాష్ట్ర మహిళలకు ఉచిత బస్సు ప్రయాణం కల్పించే ‘స్త్రీ శక్తి’ పథకాన్ని ప్రభుత్వం అధికారికంగా ప్రారంభించింది. ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కల్యాణ్, డిజిటల్ అభివృద్ధి మంత్రి నారా లోకేశ్ నేతృత్వంలో ఈ పథకం అమలుకు నాంది పలికింది. ఎన్నికల సమయంలో మహిళలకు ఇచ్చిన ప్రధాన హామీలలో ఇది ఒకటి. అధికారంలోకి వచ్చిన వెంటనే ఇది అమలులోకి తెచ్చినందుకు రాష్ట్రవ్యాప్తంగా మహిళల నుంచి హర్షాతిరేక స్పందన వెల్లువెత్తుతోంది. పథకాన్ని ప్రజల్లోకి తీసుకెళ్లేందుకు సీఎం చంద్రబాబు, పవన్ కల్యాణ్, లోకేశ్ స్వయంగా ఆర్టీసీ బస్సులో ప్రయాణించడం విశేషం. ఈ ప్రయాణం ఉండవల్లి నుంచి తాడేపల్లి, కనకదుర్గ వంతెన మీదుగా విజయవాడ బస్టాండ్ వరకు సాగింది. ఈ ప్రయాణంలో బీజేపీ రాష్ట్ర అధ్యక్షుడు పురందరేశ్వరి మాధవ్, టీడీపీ, జనసేన, బీజేపీ ఇతర నేతలు పాల్గొన్నారు. ఆర్టీసీ బస్సులో మహిళా ప్రయాణికులతో కలిసి ప్రయాణిస్తూ వారి అభిప్రాయాలను తెలుసుకున్నారు. మహిళలతో సంభాషిస్తూ వారి ఆనందాన్ని పంచుకున్నారు.

Read Also: Neeraj Chopra: డైమండ్ లీగ్ 2025లో నీరజ్ చోప్రా ఎందుకు పాల్గొనడం లేదు?

బస్సు ప్రయాణించే దారిపొడవునా మహిళలు పెద్ద ఎత్తున గుమిగూడి స్వాగతం పలికారు. మంగళహారతులు, హరివిల్లులు, పుష్పగుచ్ఛాలతో నాయకులకు ఘనంగా స్వాగతం లభించింది. “థాంక్యూ సీఎం సర్”, “జై జనసేన”, “జై టీడీపీ” వంటి నినాదాలు మారుమోగాయి. ఇది కేవలం ప్రభుత్వ పథకం కాదని, మహిళల జీవితాల్లో మార్పు తీసుకొచ్చే ఉద్యమంగా ప్రజలు భావిస్తున్నారు. ఈ సందర్భంగా పలుచోట్ల పార్టీ కార్యకర్తలు బాణసంచా కాల్చి, పటాకులు పేల్చి సంతోషాన్ని వ్యక్తం చేశారు. టీడీపీ, జనసేన, బీజేపీ కూటమి కార్యకర్తలు పెద్ద ఎత్తున పాల్గొని విజయోత్సవాల వాతావరణాన్ని సృష్టించారు. ముఖ్యంగా మహిళలు తమ ఆనందాన్ని వెలిబుచ్చుతూ “ఇది మా జీవితాల్లో కీలక మలుపు”, “ఇప్పుడే నిజమైన స్వేచ్ఛ” అంటూ భావోద్వేగంగా స్పందించారు.

స్త్రీ శక్తి పథకం ద్వారా రాష్ట్రంలోని అన్ని జిల్లాల్లో మహిళలు ఆర్టీసీ బస్సుల్లో ఉచితంగా ప్రయాణించేందుకు అవకాశం లభిస్తుంది. ఇది ఉద్యోగాలు, విద్య, ఆరోగ్య సేవలు తదితర అవసరాల కోసం ప్రయాణించే మహిళలకు పెద్ద ఊరటగా మారనుంది. ఈ పథకం ద్వారా రోజుకి లక్షలాది మంది మహిళలకు ప్రయోజనం చేకూరనుంది. ఈ పథకం ప్రారంభోత్సవం కేవలం ఆచరణకే పరిమితం కాకుండా, మహిళా సాధికారత పట్ల ప్రభుత్వం తీసుకుంటున్న నిర్ధిష్టమైన నిబద్ధతకు నిదర్శనంగా నిలిచింది. గతంలో ఎన్నడూ లేని విధంగా మహిళల పట్ల గౌరవాన్ని, అవకాశాలను కల్పించేందుకు ప్రభుత్వం పనిచేస్తోందని ముఖ్యమంత్రి చంద్రబాబు ఈ సందర్భంగా పేర్కొన్నారు. ఇలా స్త్రీ శక్తి పథకం ప్రారంభం ద్వారా రాష్ట్ర రాజకీయాల్లో కొత్త శకాన్ని వెలిసించిందని విశ్లేషకులు అభిప్రాయపడుతున్నారు. మహిళల సంక్షేమాన్ని ముందుంచిన పాలనతో రాష్ట్రానికి కొత్త రూపు సాకారమవుతుందని విశ్వాసం వ్యక్తమవుతోంది.

Read Also: Hyderabad : అక్రమ సరోగసీ, ఎగ్ ట్రేడింగ్ ముఠా బట్టబయలు..తల్లి కొడుకులు అరెస్ట్


Follow us

Tags