Corona cases : ఏపీలో బహిరంగ సభలు, ర్యాలీలపై బ్యాన్.. !
మే 25న సడెన్గా ఆ అడ్వైజరీని ఉపసంహరించడం వివాదాస్పదంగా మారింది. ఈ చర్యపై ప్రతిపక్ష వైసీపీ పార్టీ తీవ్రమైన విమర్శలు చేస్తోంది. "మహానాడు కోసమే కోవిడ్ అడ్వైజరీని రద్దు చేసింది ప్రభుత్వం," అంటూ ఆరోపణలు చేసింది వైసీపీ.
- Author : Latha Suma
Date : 26-05-2025 - 11:33 IST
Published By : Hashtagu Telugu Desk
Corona cases : దేశంలో మళ్లీ కరోనా కేసులు పెరుగుతుండగా, ఆంధ్రప్రదేశ్ ప్రభుత్వం తీసుకుంది. ఇటీవలే కరోనా కేసుల నేపథ్యంలో ఈ నెల 21న కోవిడ్కు సంబంధించిన అడ్వైజరీని ప్రభుత్వం జారీ చేసింది. అయితే మే 25న సడెన్గా ఆ అడ్వైజరీని ఉపసంహరించడం వివాదాస్పదంగా మారింది. ఈ చర్యపై ప్రతిపక్ష వైసీపీ పార్టీ తీవ్రమైన విమర్శలు చేస్తోంది. “మహానాడు కోసమే కోవిడ్ అడ్వైజరీని రద్దు చేసింది ప్రభుత్వం,” అంటూ ఆరోపణలు చేసింది వైసీపీ.
కోవిడ్ అడ్వైజరీ ప్రకారం, బహిరంగ సభలు, భారీ ర్యాలీలు, జనసమీకరణ కార్యక్రమాల నిర్వహణపై ఆంక్షలు విధించిన ప్రభుత్వం, ఇప్పుడు ఆ ఆంక్షలను ఉపసంహరించడంపై పలువురు ప్రజారోగ్య నిపుణులు ఆందోళన వ్యక్తం చేస్తున్నారు. రాష్ట్రంలో వచ్చే రోజుల్లో ప్రజలు భారీ సంఖ్యలో గుమిగూడే అవకాశాలు ఉన్న నేపథ్యంలో, ఈ నిర్ణయం ప్రజారోగ్యానికి హానికరమయ్యే అవకాశం ఉందని వారు హెచ్చరిస్తున్నారు. ఇక దేశవ్యాప్తంగా కరోనా మళ్లీ పంజా విప్పుతోంది. ముఖ్యంగా దక్షిణ భారత రాష్ట్రాల్లో కేసులు క్రమంగా పెరుగుతున్నాయి.
తాజాగా నమోదైన డేటా ప్రకారం:
కేరళలో అత్యధికంగా 273 యాక్టివ్ కేసులు ఉన్నాయి.
తమిళనాడులో 66 యాక్టివ్ కేసులు నమోదయ్యాయి.
మహారాష్ట్రలో 56 కేసులు,
కర్నాటకలో 36,
ఢిల్లీలో 23 యాక్టివ్ కేసులు నమోదయ్యాయి.
కేవలం కేసులే కాకుండా, మళ్లీ కరోనా మృతులు కూడా నమోదవుతున్నాయి. మహారాష్ట్ర థానే జిల్లాలో 21 ఏళ్ల యువకుడు కోవిడ్ వల్ల మరణించగా, బెంగళూరులో 84 ఏళ్ల వృద్ధుడు వైరస్ బారినపడి కన్నుమూశారు. ఈ పరిణామాలు దేశవ్యాప్తంగా ఆరోగ్య వ్యవస్థను మరల సన్నద్ధంగా ఉండేలా చేస్తున్నాయి. తెలుగు రాష్ట్రాల విషయానికొస్తే, తెలంగాణలో కొత్త కేసుల సంఖ్య అధికారికంగా తక్కువగానే ఉన్నప్పటికీ, గమనించదగ్గ వృద్ధి కనిపిస్తోంది. ఇదే తరహాలో ఆంధ్రప్రదేశ్లోనూ కొత్త కేసుల నమోదు జరుగుతోంది.
కరోనా కేసులు మళ్లీ పెరుగుతున్న తరుణంలో, ప్రభుత్వం తీసుకున్న అడ్వైజరీ ఉపసంహరణ నిర్ణయం ప్రజలలో కలకలం రేపుతోంది. ఒకవైపు రాజకీయ సభలు, బహిరంగ సమావేశాలు జరుగుతుండగా, మరోవైపు ప్రజారోగ్యం పట్ల అసమాధానకరమైన నిర్ణయాలు తీసుకోవడం సరైంది కాదని విశ్లేషకులు అభిప్రాయపడుతున్నారు.
మొత్తానికి, కోవిడ్ మళ్లీ అలర్ట్ మోగిస్తున్న సమయంలో, ఏపీ ప్రభుత్వం తీసుకున్న నిర్ణయం రాజకీయంగా ఎలాంటి ప్రభావం చూపుతుందో, ఆరోగ్య పరంగా దాని ఫలితాలు ఎలా ఉంటాయో చూడాల్సిన విషయమే. ప్రజలు అప్రమత్తంగా ఉండాలని, మాస్కులు ధరించాలి, హ్యాండ్ శానిటైజర్ వాడాలి అనే సూచనలు ఇంకా ప్రాముఖ్యత కోల్పోలేదు.
Read Also: Seaplane Services : ఏపీలోని 3 లొకేషన్ల నుంచి సీ ప్లేన్ సర్వీసులు
Follow us
