కుల గణనపై తీర్మానం చేస్తే చాలదంటున్న బీసీ సంఘాలు
2021 జాతీయ జనాభా గణనతో పాటు వెనుకబడిన తరగతులు (బీసీ) జనాభా గణనను నిర్వహించాలని వస్తున్న డిమాండ్ ఏపీ ప్రభుత్వం తలొగ్గింది.
- By Hashtag U Published Date - 08:00 PM, Sat - 30 October 21
![కుల గణనపై తీర్మానం చేస్తే చాలదంటున్న బీసీ సంఘాలు](https://d1x8bgrwj9curj.cloudfront.net/wp-content/uploads/2021/10/ap-bc-copy.jpg)
2021 జాతీయ జనాభా గణనతో పాటు వెనుకబడిన తరగతులు (బీసీ) జనాభా గణనను నిర్వహించాలని వస్తున్న డిమాండ్ ఏపీ ప్రభుత్వం తలొగ్గింది. కులాల వారీగా జనాభా గణన చేయాలని ఇప్పటికే తమిళనాడు, బీహార్, తెలంగాణా రాష్ట్రాలు ముందుకు వచ్చాయి.బీసీ కుల గణన కోసం కేంద్ర ప్రభుత్వాన్ని కోరుతూ రాష్ట్ర అసెంబ్లీలో రాష్ట్ర బీసీ సంక్షేమ శాఖ మంత్రి చెల్లుబోయిన వేణుగోపాలకృష్ణ తీర్మానం చేయనున్నారు. టీడీపీ హయాంలో కూడా ఇదే తీర్మానాన్ని ఆమోదించినందున అసెంబ్లీలో ఆమోదం పొందితే ఇది రెండో తీర్మానం అవుతుంది.
జాతీయ బీసీ నేతలు ఆర్ కృష్ణయ్య,కేశన శంకర్ రావులు జాతీయ స్థాయిలో వివిధ రాజకీయ పార్టీలతో సమావేశమై బీసీ కుల గణన కోసం వారి మద్దతు కూడగట్టారు. దీంతో ఈ కులగణన అంశం ఊపందుకుంది. విద్యాసంస్థలు, ప్రభుత్వ సర్వీసుల్లో వెనుకబడిన తరగతులకు రిజర్వేషన్లు కల్పించే రాజ్యాంగంలోని ఆర్టికల్ 15 (4), 16 (4)ల అమలు బీసీల జనాభాను అంచనా వేయకుండా వివిధ రంగాల్లో వారి ప్రాతినిధ్య నిష్పత్తిని అర్థం చేసుకోవడం సాధ్యం కాదనే వాదన ఉంది.కుల గణనను చివరిగా 1931లో నిర్వహించగా, కేంద్రం నిర్వహించిన సామాజిక-ఆర్థిక, కుల గణన-2011 డేటా కూడా నేటికీ విడుదల కాలేదు. గుర్తించబడిన కులాలు మరియు తెగల కోసం పరిమాణాత్మక డేటాను సేకరించడానికి కమిషన్ ఆదేశించింది.
ఆంధ్రప్రదేశ్లో 2019 ఎన్నికల తర్వాత అధికార వైఎస్సార్ కాంగ్రెస్ పార్టీ (వైఎస్ఆర్సిపి), ప్రధాన ప్రతిపక్షం తెలుగుదేశం పార్టీ (టిడిపి) రెండూ బిసిలను ప్రలోభపెట్టడానికే చూశాయి. ఒకప్పుడు బీసీలను టీడీపీకి వెన్నుదన్నుగా భావించేవారు.. కానీ 2019 ఎన్నికల సమయంలో కానీ, ఆ తర్వాత కానీ క్యాస్ట్ ఈక్వేషన్స్ మారిపోయాయి. గత ఎన్నికల్లో బీసీ కులాలు వైసీపీకి మద్దతుగా నిలవడంతో ఆ పార్టీ మెజార్టీ సీట్లు సాధించింది. అధికారంలో్కి వచ్చిన తరువాత రాష్ట్రంలోని 139 బీసీ కులాల కోసం 56 కార్పొరేషన్లను వైసీపీ ప్రభుత్వం ఏర్పాటు చేసింది.
రాష్ట్రంలో ఇప్పటి వరకు గుర్తింపు లేని కులాలు చాలా ఉన్నాయి. కుల గణన రాజకీయంగా వారి ప్రాతినిధ్యాన్ని పెంచడమే కాకుండా వారి సంక్షేమం, విద్య, ఉపాధి మొదలైన వాటి కోసం విధానాలను రూపొందించడంలో సహాయపడుతుంది.బీసీ కుల గణనపై ప్రధాని నరేంద్ర మోడీకి ఏపీ ప్రతిపక్ష నేత చంద్రబాబు లేఖ రాశారు. దేశంలోని జనాభాలో బీసీలు మెజారిటీగా ఉన్నప్పటికీ నిర్లక్ష్యంకు గురవుతున్నారనే వాస్తవాన్ని లేఖలో చంద్రబాబుఎత్తిచూపారు. 1953లో ఏర్పాటైన తొలి బీసీ కమిషన్ కాకా కాలేల్కర్ కమిషన్, ఆ తర్వాత రాష్ట్ర ప్రభుత్వాలు ఏర్పాటు చేసిన ఇతర కమిషన్లు బీసీల గణనకు సిఫారసు చేశాయని టీడీపీ జాతీయ అధ్యక్షుడు చంద్రబాబు నాయుడు గుర్తు చేశారు.
అయితే బీసీ సంక్షేమ సంఘం నేత కేశన శంకరావు మాత్రం దీనిపై భిన్నమైన అభిప్రాయాలు వ్యక్తం చేస్తున్నారు. బీసీ కుల గణనపై అసెంబ్లీలో తీర్మానం చేస్తే సరిపోదని తెలిపారు. గతంలో చాలా వాటిని తీర్మానం చేసి చెత్తబుట్టలో పడేశారని ఆయన అన్నారు.రాష్ట్ర ప్రభుత్వం ప్రతినిధి బృందాన్ని తీసుకెళ్లి కేంద్రంపై ఒత్తిడి తేవాలని డిమాండ్ చేశారు. ఇంతకుముందు కుల గణనకు మద్దతు ఇచ్చిన బీజేపీ, 2021 జనాభా లెక్కల్లో కులాల గణన ఉండదని ఈ ఏడాది జూలైలో లోక్ సభకు తెలియజేసింది. COVID-19 మహమ్మారి 2021 జనాభా గణనను ఆలస్యం చేసింది. దీనిని వచ్చే ఏడాది నిర్వహించనున్నారు.
Tags
Related News
![VIjayawada Corporation: వైసీపీలో మారుతున్న లెక్కలు, చేజారుతున్న విజయవాడ కార్పొరేషన్](https://d1x8bgrwj9curj.cloudfront.net/wp-content/uploads/2024/08/1473825-tdp_11zon-1.jpg)
VIjayawada Corporation: వైసీపీలో మారుతున్న లెక్కలు, చేజారుతున్న విజయవాడ కార్పొరేషన్
ఎన్డీయే కూటమి అధికారంలోకి వచ్చాక వైసీపీకి వరుస ఎదురుదెబ్బలు తగులుతున్న మాట వాస్తవం, వైసీపీ అధికారంలో ఉన్నప్పుడు రాష్ట్రంలో జరిగిన అన్ని ఎన్నికల్లో వార్ వన్ సైడ్ కనిపించింది. స్థానిక సంస్థల్లో వైసీపీదే ఆధిపత్యం కనిపించింది. అయితే ఇప్పుడు అధికారం చేజారడంతో నేతలు పార్టీని వీడేందుకు అడుగులు వేస్తున్నారు.