World Economic Forum Annual Meeting : అందరి చూపు ‘దావోస్’ పైనే

ప్రపంచంలోని అగ్రశ్రేణి రాజకీయ నాయకులు, వ్యాపారవేత్తలు, ఆర్థిక వేత్తలు, సాంకేతిక నిపుణులు 2025 వర్థక ఎకనామిక్ ఫోరమ్ (WEF) కోసం దావోస్‌కు చేరుతున్నారు. “కొలాబ్రేషన్ ఫర్ ది ఇంటెలిజెన్స్ ఏజ్”(Collaboration for the Intelligence Age)అనే థీమ్‌తో ఈ 55వ వార్షిక సమావేశం జనవరి 20-24 వరకు జరగనుంది. ప్రపంచం అంతటా 60 దేశాలకు పైగా ప్రతినిధులు ఈ కార్యక్రమంలో పాల్గొనబోతున్నారు. అమెరికా అధ్యక్షుడు డొనాల్డ్ ట్రంప్, జర్మన్ ఛాన్సలర్ ఒలాఫ్ స్కోల్జ్, ఉక్రెయిన్ అధ్యక్షుడు వ్లాదిమిర్ జెలెన్స్కీ వంటి ప్రముఖులు ఈ సమావేశంలో ప్రసంగించనున్నారు.

Ram Charan : దిల్ రాజుకి రామ్ చరణ్ అభయం.. నిజమెంత..?

ఈ ఫోరమ్ ప్రారంభం 1970లలో ప్రొఫెసర్ క్లాస్ శ్వాబ్ ఆలోచనలో పుట్టింది. యూరోపియన్ మేనేజ్‌మెంట్ ఫోరమ్‌గా ప్రారంభమైన ఈ ఫోరం 1987లో వరల్డ్ ఎకనామిక్ ఫోరమ్‌గా రూపాంతరం చెందింది. ప్రపంచ ఆర్థిక ఫోరమ్‌లో అన్ని రంగాలకు చెందిన ప్రముఖులు సమర్పించే సవాళ్లను చర్చించడానికి, పరిష్కారాలు కనుగొనడానికి వేదికగా పనిచేస్తుంది. ఇది ప్రభుత్వాలు, వ్యాపారాలు, పౌర సమాజాల మధ్య సహకారాన్ని ప్రోత్సహిస్తుంది. ఈ వేదికపై పేదరికం, అసమానత, వాతావరణ మార్పు, సాంకేతికతల అభివృద్ధి వంటి సమకాలీన సమస్యలపై చర్చ జరుగుతుంది. దావోస్‌లో ప్రతి సంవత్సరం జరిగే ఈ ఫోరమ్ ద్వారా ప్రపంచ వ్యాప్తంగా పెట్టుబడులు, ఆర్థిక సహకారం పెరుగుతాయి. ముఖ్యంగా ఆర్థిక, సామాజిక, సాంకేతిక, పర్యావరణ సమస్యలపై అవగాహన పెంచడానికి, దశాబ్దాలపాటు వీలైన పరిష్కారాలను అమలు చేసేలా చర్యలు తీసుకుంటుంది.

Tollywood : ఫిబ్రవరి 14.. సినిమాల హంగామ..!

2025 వరల్డ్ ఎకనామిక్ ఫోరమ్‌కు భారతదేశం నుండి ఐదుగురు కేంద్ర మంత్రులు, 3 రాష్ట్ర ముఖ్యమంత్రులు, 100 కి పైగా సీఈఓలు హాజరవుతున్నారు. మహారాష్ట్ర ముఖ్యమంత్రి దేవేంద్ర ఫడ్నవీస్, ఆంధ్రప్రదేశ్ ముఖ్యమంత్రి చంద్రబాబు నాయుడు, తెలంగాణ ముఖ్యమంత్రి రేవంత్ రెడ్డి పాల్గొననున్న వారిలో ఉన్నారు. భారత్, ప్రపంచం మొత్తం నుంచి ఈ ఫోరమ్‌కు కీలకమైన నాయకులు మరియు ప్రతినిధులు వచ్చే అవకాశం ఉంది.ఈ సమావేశం ప్రపంచవ్యాప్తంగా పారదర్శకమైన పాలన, పర్యావరణ సంరక్షణ, సుస్థిర అభివృద్ధి, శాంతి, ఆర్థిక మెరుగుదలలలో సహకారం పెంచడంలో ప్రధాన పాత్ర పోషిస్తుందని అంచనా.