2 Lakh Job Cuts : ఏఐ హారర్.. 2 లక్షల బ్యాంకింగ్ ఉద్యోగాలు ఉఫ్.. ‘బ్లూమ్‌బర్గ్’ సంచలన నివేదిక

2 Lakh Job Cuts : ఆర్టిఫీషియల్ ఇంటెలీజెన్స్ (ఏఐ) టెక్నాలజీ ఈ ఏడాది అమెరికాలో హారర్‌ను క్రియేట్ చేయబోతోందా  ? లక్షలాది మంది ఉద్యోగాలను బలిగొనబోతోందా ? అంటే..  బ్లూమ్‌బర్గ్ ఇంటెలీజెన్స్ తాజాగా ప్రచురించిన నివేదిక అదే అంశాన్ని ప్రస్తావించింది. అందులోని కీలక వివరాలను ఈ కథనంలో తెలుసుకుందాం..

Also Read :Fact Check : 823 ఏళ్ల తర్వాత అరుదైన ఫిబ్రవరి 2025లో వస్తోంది.. నిజమేనా ?

బ్లూమ్‌బర్గ్ ఇంటెలీజెన్స్ నివేదికలోని అంచనాలివీ..

• ఏఐ టెక్నాలజీ వల్ల రానున్న కొన్నేళ్లలో బ్యాంకింగ్ రంగంలో పనిచేస్తున్న ఉద్యోగులపై(2 Lakh Job Cuts) చాలా ప్రతికూల ప్రభావం పడబోతోంది.
• ఎంతోమంది బ్యాంకు ఉద్యోగుల స్థానాన్ని ఏఐ టెక్నాలజీ భర్తీ చేయబోతోంది.
• చాలామంది ఉద్యోగులు కలిసి చేసే పనులను ఒక ఏఐ టూల్ చాలా తక్కువ వ్యవధిలో, అత్యంత కచ్చితత్వంతో చేయనుంది. అందుకే వాటిని వినియోగించేందుకు బ్యాంకులు, ఆర్థిక సంస్థలు మొగ్గుచూపనున్నాయి.
• ఫలితంగా ఆయా బ్యాంకుల నిర్వహణ వ్యయాలు చాలావరకు తగ్గనున్నాయి.
• ఈ పరిణామాలతో రాబోయే మూడు నుంచి ఐదేళ్లలో అమెరికాలోని ప్రధాన బ్యాంకులు, ఆర్థిక సంస్థలకు చెందిన దాదాపు  2 లక్షల మంది ఉద్యోగులు ఉపాధిని కోల్పోనున్నారు. వారి స్థానంలో ఏఐ టెక్నాలజీ వినియోగంలోకి రానుంది.
• ఏఐ టెక్నాలజీని వాడుకొని.. అమెరికాలోని బ్యాంకులు, ఆర్థిక సంస్థలు తమ మానవ వనరులను సగటున 3 శాతం మేర తగ్గించుకోవాలని ప్లాన్ చేస్తున్నాయి.
• ఉద్యోగ కోతలకు రెడీ అవుతున్న అమెరికా ఆర్థిక సంస్థలు, బ్యాంకుల జాబితాలో జేపీ మోర్గాన్ ఛేజ్ అండ్ కో, గోల్డ్ మన్ సాక్స్, సిటీ గ్రూప్ వంటి దిగ్గజ సంస్థలు ఉన్నాయి. వీటిలో పెద్దసంఖ్యలో ఉద్యోగులు ఉన్నారు.
• 2027 నాటికి తమ ఉత్పాదకతను ఏఐ టెక్నాలజీ మరింతగా పెంచుతుందని ఆయా సంస్థలు పాజిటివ్ అంచనాలతో ఉన్నాయి.
• బ్యాంకింగ్‌ రంగంలో దాదాపు 54 శాతం ఉద్యోగాలు ఆటోమేటెడ్ అయ్యే ఛాన్స్ ఉందని అమెరికాలోని ప్రముఖ బ్యాంకుల ఉన్నతాధికారులు జోస్యం చెబుతున్నారు.  వారి మైండ్‌లో దాగిన ఫ్యూచర్ విజన్‌ను దీన్నిబట్టి మనం అర్థం చేసుకోవచ్చు.

Also Read :Hush Money Case : ట్రంప్‌‌కు షాక్.. హష్‌ మనీ కేసులో శిక్ష ఖరారును ఆపలేమన్న సుప్రీంకోర్టు