Terror Group ISIS: కాబూల్‌లోని పాక్ ఎంబసీపై దాడి మా పనే.. ప్రకటించిన ఐసిస్

ఆఫ్ఘనిస్థాన్ రాజధాని కాబూల్‌లోని పాకిస్థాన్ రాయబార కార్యాలయంపై జరిగిన దాడిపై ఐసిస్ స్పందించింది. తామే దాడి చేశామని ప్రకటించుకుంది. మతభ్రష్ట పాకిస్థాన్ రాయబారి, అతడి గార్డులను లక్ష్యంగా చేసుకొని కాల్పులు జరిపామని తెలిపింది. అయితే ఈ ఘటనలో రాయబారి, ఇతర సిబ్బంది సురక్షితంగా బయటపడ్డారు. కాల్పులు జరిపిన వ్యక్తిని అక్కడి పోలీసులు అరెస్టు చేశారు.

కాబూల్‌లోని పాకిస్థాన్ రాయబార కార్యాలయంపై దాడికి పాల్పడింది తామేనని ఇస్లామిక్ స్టేట్ గ్రూప్ ప్రకటించింది. ఈ ఘటనను పాక్ ప్రభుత్వం ‘హత్య ప్రయత్నం’గా అభివర్ణించింది. ఆఫ్ఘనిస్తాన్ రాజధాని కాబూల్‌లో శుక్రవారం జరిగిన ఈ దాడిలో పాక్ రాయబారి తృటిలో తప్పించుకున్నారు. అయితే ఈ ఘటనలో ఓ సెక్యూరిటీ గార్డు గాయపడ్డాడు. మరోవైపు నిందితుడిని పోలీసులు అదుపులోకి తీసుకున్నారు. సమీపంలోని భవనంలో కొన్ని ఆయుధాలను కూడా స్వాధీనం చేసుకున్నారు. ఇస్లామిక్ స్టేట్ ప్రాంతీయ జిహాదిస్ట్ మానిటర్ SITE విడుదల చేసిన ఒక ప్రకటనలో “విద్రోహ పాకిస్తాన్ రాయబారి, అతని గార్డులపై దాడి చేసింది మేమే” అని పేర్కొంది. ఇదిలా ఉండగా.. పాక్ ప్రధాని షెహబాజ్ షరీఫ్ ఈ ఘటనను ఖండించారు. ఇది “హత్య ప్రయత్నం” అని పేర్కొన్నారు. అలాగే విచారణ జరిపించాలని డిమాండ్ చేశారు.

ఒక అనుమానితుడిని అరెస్టు చేశామని, సమీపంలోని భవనాన్ని క్లియర్ చేసిన తర్వాత భద్రతా దళాలు రెండు ఆయుధాలను స్వాధీనం చేసుకున్నాయని కాబూల్ పోలీసు ప్రతినిధి తెలిపారు. ఆఫ్ఘనిస్తాన్‌లో తిరిగి అధికారంలోకి వచ్చినప్పటి నుండి తాలిబాన్లు తమ సొంత నేల నుండి విదేశీ ఉగ్రవాద గ్రూపులను అనుమతించబోమని పట్టుబట్టారు. అయినప్పటికీ తాలిబాన్ పాలన నుండి ఆఫ్ఘనిస్తాన్‌లో ఉగ్రవాద దాడులు క్రమంగా పెరుగుతూనే ఉన్నాయి.

BREAKING:
Islamic State Khorasan (ISKP) officially claimed yesterday's attempted attack which targeted Pakistan's Chargés d'Affairs in Kabul.
The group claims two militants attacked Pakistan's Chargés d'Affairs & his bodyguards with medium weapons and snipers. https://t.co/cCIsdovxH5

— The Khorasan Diary (@khorasandiary) December 3, 2022