Zohran Mamdani : ట్రంప్ బెదిరింపులకు భయపడను.. ట్రంప్‌కు జోహ్రాన్ మమ్దానీ కౌంటర్‌

Zohran Mamdani : అమెరికాలో రాజకీయ వేడి ఎక్కుతోంది. న్యూయార్క్ మేయర్ ఎన్నికల పోరు ఉత్కంఠకు గురవుతున్న వేళ, డెమొక్రటిక్ పార్టీ అభ్యర్థి జోహ్రాన్ మమ్దానీపై మాజీ అధ్యక్షుడు డొనాల్డ్ ట్రంప్ తీవ్ర వ్యాఖ్యలు చేశారు. మమ్దానీని అరెస్ట్ చేయిస్తానని, ఆయన పౌరసత్వాన్ని సమీక్షిస్తామని ట్రంప్ హెచ్చరించగా… “ఈ బెదిరింపులకు నేను భయపడేది కాదు” అంటూ జోహ్రాన్ బహిరంగంగా కౌంటర్ ఇచ్చారు.

Remittance Tax : అమెరికాలోని భారతీయులకు ట్రంప్ శుభవార్త.. రెమిటెన్స్ పన్ను 1 శాతానికే పరిమితం!

ఫ్లోరిడాలో జరిగిన ఓ సమావేశంలో వలస విధానాలపై మాట్లాడిన ట్రంప్, “జోహ్రాన్ మమ్దానీ కమ్యూనిస్ట్. మానసికంగా స్థిరంగా లేని వ్యక్తి. ఇతను మేయర్ అయితే వలసల విపత్తు తప్పదు” అంటూ విమర్శలు గుప్పించారు. అంతటితో ఆగకుండా, వలసల నియంత్రణ సంస్థ (ICE) పనుల్లో అంతరాయం కలిగిస్తే అరెస్ట్ చేస్తామని, ఆయన పౌరసత్వం చట్టబద్ధమైనదే కాదని అనుమానాలు ఉన్నాయని పేర్కొన్నారు.

ట్రంప్ వ్యాఖ్యలపై జోహ్రాన్ మమ్దానీ స్పందిస్తూ, “నేను చట్టాన్ని ఉల్లంఘించానని కాదు, ICE దాడులకు వ్యతిరేకంగా నిలబడ్డాననే నన్ను బెదిరిస్తున్నారు. ఇది నన్ను మౌనంగా ఉంచే యత్నం కాదు – ఇది ప్రజాస్వామ్యాన్ని భయపెట్టే ప్రయత్నం” అన్నారు. ట్రంప్, ప్రస్తుత మేయర్ ఎరిక్ ఆడమ్స్‌ కలిసి వలసలపై దాడులకు అనుమతిస్తుండటం దురదృష్టకరమని విమర్శించారు.

జోహ్రాన్ మమ్దానీ దక్షిణాసియా తల్లిదండ్రులకు ఉగాండాలో జన్మించి, 1998లో అమెరికాకు వచ్చారు. 2018లో అమెరికా పౌరసత్వం పొందారు. అయితే ఇప్పుడు ఆయన పౌరసత్వాన్ని చెల్లుబాటవద్దంటూ రిపబ్లికన్లు డిమాండ్ చేస్తున్నారు.

ప్రజల సమస్యలపై దృష్టి సారించిన జోహ్రాన్, సామాజిక వర్గాల్లో విశేష ఆదరణను పొందుతున్నారు. తాజా సర్వేల ప్రకారం ఆయన ప్రస్తుత మేయర్ ఎరిక్ ఆడమ్స్, రిపబ్లికన్ అభ్యర్థి కర్టిస్ స్లివా కంటే ముందుండగా కనిపిస్తున్నారు. నవంబర్ ఎన్నికల్లో విజయం సాధిస్తే, జోహ్రాన్ న్యూయార్క్‌కు తొలి ముస్లిం మేయర్‌గా నిలిచే అవకాశం ఉంది. దీంతో ఈ ఎన్నికలు జాతీయస్థాయిలో దృష్టిని ఆకర్షిస్తున్నాయి.

Pawan Kalyan: ప‌వ‌న్ క‌ళ్యాణ్‌పై క్రిమిన‌ల్ కేసు.. న‌మోదైన సెక్ష‌న్లు ఇవే!