Indian Consulate: శాన్ ఫ్రాన్సిస్కోలో భారత కాన్సులేట్‌కు నిప్పు పెట్టే ప్రయత్నం చేసిన ఖలిస్థానీ మద్దతుదారులు

Indian Consulate: శాన్ ఫ్రాన్సిస్కోలోని భారత కాన్సులేట్ (Indian Consulate) వద్ద ఖలిస్తాన్ మద్దతుదారులు నిప్పు పెట్టే ప్రయత్నాన్ని అమెరికా ఆదివారం (జూలై 2) తీవ్రంగా ఖండించింది. ఆదివారం తెల్లవారుజామున 1:30 నుండి 2:30 గంటల మధ్య ఖలిస్థానీ ఛాందసవాదులు భారత కాన్సులేట్‌కు నిప్పుపెట్టారని, అయితే శాన్‌ఫ్రాన్సిస్కో అగ్నిమాపక విభాగం వెంటనే దానిని ఆర్పివేసిందని అమెరికా స్థానిక ఛానెల్ దియా టీవీ నివేదించింది. ఈ ఘటన ఆలస్యంగా వెలుగులోకి వచ్చింది. అగ్నిప్రమాదం వల్ల పెద్దగా నష్టం జరగలేదని నివేదికలో పేర్కొన్నారు. అదే సమయంలో ఈ సంఘటనలో ఉద్యోగులు ఎవరూ కూడా గాయపడలేదని తెలిపింది. ఈ ఘటనకు సంబంధించి ఖలిస్తాన్ మద్దతుదారులు ఓ వీడియోను కూడా విడుదల చేశారు.

మార్చి నెలలో కూడా ఈ ఘటన జరిగింది

శాన్‌ఫ్రాన్సిస్కోలోని భారత కాన్సులేట్‌పై జరిగిన విధ్వంసం, దహన ప్రయత్నాలను అమెరికా తీవ్రంగా ఖండిస్తున్నట్లు అమెరికా విదేశాంగ శాఖ అధికార ప్రతినిధి మాథ్యూ మిల్లర్ ట్వీట్ చేశారు. యునైటెడ్ స్టేట్స్‌లో దౌత్య సౌకర్యాలు లేదా విదేశీ దౌత్యవేత్తలపై విధ్వంసం లేదా హింస అనేది క్రిమినల్ నేరం అని ఆయన అన్నారు.

ARSON ATTEMPT AT SF INDIAN CONSULATE: #DiyaTV has verified with @CGISFO @NagenTV that a fire was set early Sunday morning between 1:30-2:30 am in the San Francisco Indian Consulate. The fire was suppressed quickly by the San Francisco Department, damage was limited and no… pic.twitter.com/bHXNPmqSVm

— Diya TV (@DiyaTV) July 3, 2023

మార్చిలో శాన్ ఫ్రాన్సిస్కోలోని భారతీయ కాన్సులేట్‌పై ఖలిస్తాన్ అనుకూల నిరసనకారుల బృందం దాడి చేసి ధ్వంసం చేసిన నెలల తర్వాత ఈ సంఘటన జరిగింది. దీనిని భారత ప్రభుత్వం, భారతీయ-అమెరికన్లు తీవ్రంగా ఖండించారు. ఇందుకు బాధ్యులైన వారిపై వెంటనే చర్యలు తీసుకోవాలని డిమాండ్‌ చేశారు.

Also Read: Pak Woman: కొంపముంచిన పబ్జీ.. ప్రేమికుడి కోసం నలుగురు పిల్లలతో కలిసి భారత్ కి వచ్చిన పాకిస్థాన్ మహిళ..!

ఖలిస్థాన్ అనుకూల నినాదాలు చేశారు

అమెరికాలో మార్చి నెలలో జరిగిన నిరసనల్లో ఖలిస్తాన్ మద్దతుదారులు నినాదాలు చేశారు. పోలీసులు ఏర్పాటు చేసిన తాత్కాలిక భద్రతా వలయాన్ని కూడా ఆందోళనకారులు ఛేదించారు. ఇది కాకుండా కాన్సులేట్ ఆవరణలో రెండు ఖలిస్తానీ జెండాలను ఉంచారు. అయితే, ఈ జెండాలను కాన్సులేట్ సిబ్బంది వెంటనే తొలగించారు.