Six Killed In California: అమెరికాలో కాల్పుల కలకలం.. ఒక్కే ఇంట్లో ఆరుగురు మృతి

అమెరికాలోని కాలిఫోర్నియా (California) రాష్ట్రం మధ్యలో ఉన్న ఓ ఇంట్లో సోమవారం జరిగిన కాల్పుల్లో ఆరుగురు చనిపోయారు. మృతుల్లో 17 ఏళ్ల తల్లి, ఆమె ఆరు నెలల పాప కూడా ఉన్నట్లు షెరీఫ్ కార్యాలయ అధికారులు తెలిపారు. ఇద్దరు అనుమానితుల కోసం అధికారులు వెతుకుతున్నారని చెప్పారు. తూర్పు విసాలియాలోని ఒక ఇంటిపై సోమవారం తెల్లవారుజామున 3:30 గంటలకు కాల్పులు జరిగాయని తులారే కౌంటీ షెరీఫ్ కార్యాలయం తెలిపింది. షరీఫ్ మైక్ బౌడ్రియాక్స్ విలేకరులతో మాట్లాడుతూ.. ఈ ప్రాంతంలో ఒక షూటర్ ఉన్నట్లు సమాచారం ఉందని తెలిపారు. ఓ ఇంట్లో జరిగిన కాల్పుల్లో ఆరుగురు మృతి చెందారు. మృతిచెందిన వారిలో 17 ఏళ్ల తల్లి, ఆమె 6 నెలల పాపతో పాటు మరో నలుగురు ఉన్నారు. ఈ విషయాన్ని తులారే కౌంటీ షెరీఫ్ మైక్ బౌడ్రియాక్స్ తెలిపారు.

అమెరికాలోని కాలిఫోర్నియా రాష్ట్రంలోని గోషెన్‌లో కాల్పులు జరిగాయని తులారే కౌంటీ షెరీఫ్ మైక్ బౌడ్రియాక్స్ తెలిపారు. ఇందులో ఓ అమాయక చిన్నారి సహా ఆరుగురు చనిపోయారు. సెంట్రల్ కాలిఫోర్నియాలోని ఓ ఇంట్లో సోమవారం తెల్లవారుజామున కాల్పులు జరిగాయని ఆయన చెప్పారు. ఈ కేసులో కనీసం ఇద్దరు అనుమానితుల కోసం అధికారులు వెతుకుతున్నారు. మీడియా నివేదికల ప్రకారం.. తులరే కౌంటీ షెరీఫ్ కార్యాలయం (TCSO) ఫేస్‌బుక్ పేజీలో దీనికి సంబంధించిన వీడియోను పోస్ట్ చేసినట్లు మైక్ బౌడ్రియాక్స్ తెలిపారు. మృతి చెందిన వారిలో 17 ఏళ్ల తల్లి, ఆమె ఆరు నెలల చిన్నారి కూడా ఉన్నారని తెలిపారు.

Also Read: Road Accident: సెనెగల్‌లో ఘోర రోడ్డు ప్రమాదం.. 19 మంది మృతి

అదే సమయంలో ఈ ఘటన హఠాత్తుగా జరిగిన హింస కాదని విచారణలో తేలింది. ఈ ఘటనకు ఓ గ్యాంగ్ రిలేషన్ ఉంది. TCSO ఫేస్‌బుక్ పోస్ట్ ప్రకారం.. డిటెక్టివ్‌లు కనీసం ఇద్దరు అనుమానితులు ఉన్నారని భావిస్తున్నారు. ఈ కుటుంబాన్ని లక్ష్యంగా చేసుకుని ముఠాలు ఇందులో ప్రమేయం ఉన్నట్లు భావిస్తున్నారు. దీంతో పాటు డ్రగ్స్‌పై కూడా విచారణ జరుపుతున్నారు. ఒక వారం క్రితం TCSO డిటెక్టివ్‌లు బాధితుల ఇంటి వద్ద నార్కోటిక్స్ సెర్చ్ వారెంట్‌ని అమలు చేశారు.