39 Killed: విషాద ఘటన.. మెక్సికోలో 39 మంది సజీవదహనం
అమెరికా సరిహద్దులోని మెక్సికో నగరంలో ఘోర అగ్నిప్రమాదం జరిగింది. సిడెడ్ జారే నగరంలోని శరణార్థి శిబిరంలో ఈ ఘటన చోటుచేసుకుంది. ఈ ప్రమాదంలో 39 మంది మృతి చెందారని (39 Killed), మరో 29 మందికి గాయాలైనట్లు అంతర్జాతీయ మీడియా కథనం వెల్లడించింది.
- Author : Gopichand
Date : 29-03-2023 - 8:01 IST
Published By : Hashtagu Telugu Desk
అమెరికా సరిహద్దులోని మెక్సికో నగరంలో ఘోర అగ్నిప్రమాదం జరిగింది. సిడెడ్ జారే నగరంలోని శరణార్థి శిబిరంలో ఈ ఘటన చోటుచేసుకుంది. ఈ ప్రమాదంలో 39 మంది మృతి చెందారని (39 Killed), మరో 29 మందికి గాయాలైనట్లు అంతర్జాతీయ మీడియా కథనం వెల్లడించింది. ప్రమాద సమయంలో ఈ శిబిరంలో 70 మంది శరణార్థులు ఉన్నట్లు, వారిలో అధికులు వెనిజువెలాకు చెందిన వారని తెలుస్తోంది.
అమెరికా సరిహద్దుకు సమీపంలోని మెక్సికోలోని వలసదారుల కేంద్రంలో జరిగిన అగ్ని ప్రమాదంలో కనీసం 39 మంది వలసదారులు మరణించారు. ఈ వలసదారులు మధ్య, దక్షిణ అమెరికా నుండి ఇక్కడకు వచ్చారు. మెక్సికోలోని సియుడాడ్ జుయారెజ్ నగరంలోని వలసదారుల కేంద్రంలో మంటలు చెలరేగాయి. నేషనల్ మైగ్రేషన్ ఇన్స్టిట్యూట్ (ఐఎన్ఎం) మంగళవారం ఒక ప్రకటన విడుదల చేస్తూ 71 మంది వలసదారులను కేంద్రానికి తీసుకువచ్చినప్పుడు ఈ సంఘటన జరిగిందని పేర్కొంది. సియుడాడ్ జుయారెజ్లోని వలస కేంద్రంలో మధ్య, దక్షిణ అమెరికా నుండి 68 మంది వలసదారులు ఉన్నారు. వీరిలో 29 మంది గాయపడ్డారు. వీరిని సమీపంలోని ఆసుపత్రులకు తరలించారు.
నివేదికల ప్రకారం.. మృతదేహాలు ఆసుపత్రులలో క్యూలో కనిపించాయి. ఈ అగ్నిప్రమాదం ఇటీవలి సంవత్సరాలలో అత్యంత ఘోరమైన సంఘటనగా అభివర్ణించబడింది. మృతుల్లో గ్వాటెమాల, హోండురాస్కు చెందిన వలసదారులు కూడా ఉన్నారు. ఈ మరణాలకు కేంద్ర హోం మంత్రిత్వ శాఖ సంతాపం తెలిపింది. ఇప్పటివరకు అగ్నిప్రమాదంలో 39 మంది వలసదారులు మరణించినట్లు వార్తలు వచ్చాయి. ఇంతవరకు అగ్నిప్రమాదానికి గల కారణాలు తెలియరాలేదు. ఈ ఘటనపై మెక్సికో ప్రాసిక్యూటర్ జనరల్ విచారణ ప్రారంభించారు. మెక్సికో నుండి అమెరికాలోకి ప్రవేశించే వలసదారులకు Ciudad Juarez అతిపెద్ద క్రాసింగ్ పాయింట్. వలసదారులు ఇక్కడి ద్వారా అమెరికా సరిహద్దులోకి ప్రవేశిస్తారు.
Follow us
