Expensive Engagement Ring: ప్రపంచంలోనే అత్యంత ఖరీదైన ఎంగేజ్‌మెంట్ రింగ్

Expensive Engagement Ring

Expensive Engagement Ring: ఈ రోజుల్లో పెళ్లిలో ప్రతి విషయాన్ని గ్రాండ్‌గా చేయాలనే ప్రయత్నం జరుగుతోంది. ప్రతిదానికీ సామర్థ్యాన్ని బట్టి చాలా డబ్బు ఖర్చు చేస్తారు. ఎందుకంటే మన సంప్రదాయంలో పెళ్లి అనేది జీవితంలో అత్యంత అందమైన క్షణం.

గత ఏడు దశాబ్దాల చరిత్రలో ఈ ఉంగరం అత్యంత ప్రత్యేకమైన ఎంగేజ్‌మెంట్ రింగ్. నేటికీ ఇది ప్రపంచంలోనే అత్యంత ఖరీదైన ఎంగేజ్‌మెంట్ రింగ్ గా పరిగణించబడుతుంది. మొనాకో ప్రిన్స్ రైనర్ ,గ్రేసీ కెల్లీ కథ ఇది. వారి నిశ్చితార్థం చరిత్రలో ఒక అద్భుత కథలా ఉంటుంది. వారిద్దరూ 1956 ఏప్రిల్ 18న వివాహం చేసుకున్నారు. ఈ వివాహం ప్రపంచ వ్యాప్తంగా చర్చనీయాంశమైంది.

ప్రిన్స్ గ్రేసీకి తన ప్రేమను వ్యక్తపరిచి ఆమెకు ఒక ఉంగరాన్ని బహుమతిగా ఇచ్చాడు. ఆ ఉంగరాన్నే ఎంగేజ్‌మెంట్ రింగ్ గా చేసుకున్నారు. ఇది 10.48 క్యారెట్ ఎమరాల్డ్ కట్ డైమండ్ రింగ్. దీనిని ప్రత్యేకంగా రూపొందించారు. ఇది మొనాకో రాజ ఆభరణాలను ఉపయోగించి తయారు చేయబడింది. 1956లో ఈ ఉంగరం ధర 40 లక్షల డాలర్లు, నేడు దాదాపు 450 లక్షల డాలర్లు. అప్పటి నుండి నేటి వరకు అత్యంత ఖరీదైన ఎంగేజ్‌మెంట్ ఉంగరంగా ఇది పరిగణించబడుతుంది. ఇప్పటి వరకు ఇంత ఖరీదైన ఉంగరాన్ని ఏ నిశ్చితార్థంలోనూ ధరించలేదు.

ఉంగరం ధర తెలిస్తే షాక్ అవ్వాల్సిందే. ఒక వివాహానికి 500 మంది అతిథులను ఆహ్వానిస్తే ప్రతి ఒక్కరికి మెర్సిడెస్ కారును బహుమతిగా ఇవ్వవచ్చు ప్రస్తుతం మిడ్ సెగ్మెంట్ మెర్సిడెస్ కారు ధర దాదాపు రూ.70 లక్షలు. ఈ రేటుతో  రూ.350 కోట్లతో 500 మెర్సిడెస్ కార్లను కొనుగోలు చేయవచ్చు.ప్రపంచ చరిత్రలో పెళ్లికి ఇంత డబ్బు వెచ్చించిన సందర్భాలు చాలా అరుదు. ప్రిన్స్ రైనర్ మరియు గ్రేసీల వివాహానికి చాలా డబ్బు ఖర్చు చేశారు. అతని ఒక్కో వస్తువు అప్పట్లో కోట్ల రూపాయల విలువ చేసేది. ఆయన ఉంగరం గురించి నేటికీ చర్చ జరుగుతోంది. నేటికీ ఈ ఉంగరం ప్రపంచంలోనే అత్యంత ఖరీదైన ఎంగేజ్‌మెంట్ రింగ్ గా ప్రసిద్ధి చెందింది.

Read More: Telangana Election Code : పోలీసులకు భారీగా పట్టుబడుతున్న నోట్ల కట్టలు

Follow us