Pani Puri : పానీపూరి తక్కువగా ఇస్తున్నాడని రోడ్డు పై యువతీ నిరసన

గుజరాత్ రాష్ట్రంలోని వడోదరలో ఓ విచిత్రమైన ఘటన చోటుచేసుకుంది. పానీపూరీ (Pani Puri) అమ్మే వ్యక్తి తనకు తప్ప అందరికీ ఎక్కువగా ఇస్తున్నాడని ఆరోపిస్తూ ఓ యువతి రోడ్డుపైకి వచ్చి నిరసన(protest) తెలిపింది. తనకు ఎల్లప్పుడూ తక్కువగా మాత్రమే ఇస్తున్నాడని, ఇది అన్యాయమని ఆరోపిస్తూ రోడ్డుమధ్యలో బైఠాయించింది. ఆ అమ్మాయి ఏడుస్తూ తనకు న్యాయం చేయాలని డిమాండ్ చేయడంతో అక్కడి ప్రజలు ఆశ్చర్యపోయారు. ఈ ఘటనను చూసిన వారంతా వీడియోలు తీశారు, ఆ వీడియో సోషల్ మీడియాలో వైరల్ అవుతోంది.

ఘటన తీవ్రత పెరుగుతుందని భావించిన స్థానిక పోలీసులు అక్కడికి చేరుకున్నారు. ఆ యువతిని ఎందుకు నిరసన చేస్తున్నావని అడిగినప్పుడు, పానీపూరీ అమ్మే వ్యక్తి తనకు రెండు తక్కువగా ఇస్తున్నాడని చెప్పింది. ఆమె చెప్పిన ఈ కారణం విన్న పోలీసులు కూడా ఒక్కసారిగా అవాక్కయ్యారు. సాధారణంగా ఆహార నాణ్యత, ధరలు లేదా మరే ఇతర అంశాలపై వాదనలు జరుగుతుంటాయి కానీ ఇంత చిన్న విషయం కోసం రోడ్డుపై బైఠాయించడం చూసి పోలీసులు, స్థానికులు ఆశ్చర్యపోయారు.

Kadiyam Srihari : కేసీఆర్ కు అప్పుడు తెలియదా..? కడియం సూటి ప్రశ్న

చివరికి పోలీసులు ఆమెను సముదాయించి, ఇలాంటి సమస్యల కోసం రోడ్డు నిరసనలు చేయవద్దని సూచించారు. పానీపూరీ అమ్మేవాడితో మాట్లాడి సమస్యను పరిష్కరించారు. ఆ తర్వాత ఆ యువతి నిరసనను విరమించి వెళ్లిపోయింది. ఈ వీడియో సోషల్ మీడియాలో విస్తృతంగా పంచబడుతుండగా, కొందరు దీనిని హాస్యాస్పదంగా చూస్తుంటే, మరికొందరు ఇలాంటి చిన్న విషయాలకే పెద్దగా హంగామా చేయడం సమాజంలో కొత్త ధోరణి అని వ్యాఖ్యానిస్తున్నారు.

A woman went to have panipuri but was served 4 instead of 6 for ₹20.

She objected, sat down on the road in protest, and even broke into tears.

The twist? Kudos to Vadodara Police for stepping in and resolving this pani-filled crisis swiftly!pic.twitter.com/37DYZAOMkd

— Kumar Manish (@kumarmanish9) September 19, 2025