SBI : వాటిని నమ్మి ఇన్వెస్ట్ చేయొద్దు – కస్టమర్లకు హెచ్చరిక

దేశంలోని అతిపెద్ద ప్రభుత్వ రంగ బ్యాంక్ అయిన స్టేట్ బ్యాంక్ ఆఫ్ ఇండియా (SBI) తన కస్టమర్లకు కీలక హెచ్చరిక జారీ చేసింది. ఇటీవల సోషల్ మీడియాలో ఎస్‌బీఐ పేరుతో కొన్ని డీప్ ఫేక్ వీడియోలు వైరల్ అవుతున్నాయి. ఈ వీడియోలలో బ్యాంక్ కాల్స్ అని చెప్పి ప్రజలను పెట్టుబడులకు ప్రేరేపించేలా ప్రదర్శిస్తున్నారు. అయితే ఇవి నిజమైనవి కావని, ఎస్‌బీఐ ఎప్పుడూ ఇలాంటి వీడియోలను ప్రచారం చేయదని స్పష్టంగా తెలిపింది.

Harish Rao: చంద్ర‌బాబు.. జ‌గ‌న్ ఇద్ద‌రు ఇద్ద‌రే: హ‌రీశ్ రావు

నేటి ఆధునిక డిజిటల్ యుగంలో సైబర్ నేరగాళ్లు నకిలీ వీడియోలు, వాయిస్ రికార్డింగ్‌లను రూపొందించి సామాన్య ప్రజలను మోసం చేస్తున్నారు. (AI) సహాయంతో ఈ డీప్ ఫేక్ వీడియోలను మరింత నమ్మదగినవిగా తయారు చేస్తున్నారు. ఫలితంగా ఎస్‌బీఐ బ్యాంక్ పేరుతో జనం మోసపోతున్నారు. ముఖ్యంగా పెట్టుబడుల పేరుతో ఆకర్షించే డీల్స్‌ విషయంలో చాలా అప్రమత్తంగా ఉండాలని బ్యాంక్ హెచ్చరిస్తోంది. ఈ మోసాలను గుర్తించేందుకు ప్రజలు కొన్ని జాగ్రత్తలు తీసుకోవాలి. బ్యాంక్ నుంచి వచ్చినట్టుగా కనిపించే వీడియోలు లేదా ఆఫర్లను అంగీకరించే ముందు, అధికారిక వెబ్‌సైట్ లేదా బ్రాంచ్‌ను సంప్రదించి నిజానిజాలను తెలుసుకోవాలి. ఎస్‌బీఐ నుంచి ఇలాంటి పెట్టుబడి అవకాశాలు ఉంటే, అవి అధికారికంగా మాత్రమే ప్రకటించబడతాయి. సోషల్ మీడియాలో, వాట్సాప్ గ్రూపుల్లో, అనధికారిక చానళ్లలో వచ్చిన సమాచారం నిజమని భావించి తక్షణమే స్పందించకూడదు.

Laila: ఓటీటీలో సందడి చేయబోతున్న లైలా మూవీ.. అధికారికంగా ప్రకటించిన మూవీ మేకర్స్!

ఎస్‌బీఐ తన కస్టమర్లను మరోసారి అప్రమత్తం చేస్తూ, ఎలాంటి సందేహాలు ఉన్నా నేరుగా తమ బ్యాంక్ అధికారులను సంప్రదించాలని సూచించింది. ఎవరైనా డీప్ ఫేక్ వీడియోలు లేదా నకిలీ సమాచారాన్ని ఫార్వర్డ్ చేస్తే, వెంటనే కస్టమర్ కేర్‌కి తెలియజేయాలని సూచించింది. సైబర్ నేరగాళ్ల బారినపడకుండా, కస్టమర్లు వారి ఆర్థిక భద్రతను కాపాడుకోవాల్సిన అవసరం ఉంది. అందుకే, అధికారిక వనరుల ద్వారా మాత్రమే సమాచారం పొందాలని, మోసపూరిత ప్రకటనలను పూర్తిగా విస్మరించాలని బ్యాంక్ కోరుతోంది.