Hyderabad: వింత ఘటన.. దినసరి కూలిగా మారిన అసిస్టెంట్ ప్రొఫెసర్?

Hyderabad

ఇటీవల కాలంలో చదువుకున్న యువత రేపటి కాలంలో ఊహించిన విధంగా నిర్ణయాలు తీసుకుని దారుణాలకు ఒడిగడుతున్నారు. కొంతమంది ఆత్మహత్యలు చేసుకుని చనిపోతే మరి కొంతమంది ఎదుటి వ్యక్తులను చంపి కటకటాల పాలవుతున్నారు. చదువుకున్నవారే రెప్పపాటు కాలంలో దారుణమైన నిర్ణయాలు తీసుకుంటున్నారు. అలాంటి ఒక ఊహించని వింత సంఘటన హైదరాబాదులో చోటు చేసుకుంది. ఒక వ్యక్తి జీవితం పై అసంతృప్తితో ఇంజనీరింగ్ కాలేజీలో అసిస్టెంట్ ప్రొఫెసర్ గా పని చేస్తున్న అతను కూలిగా మారాడు. ఈ వింత ఘటన హైదరాబాదులో శివారులోని అబ్దుల్లాపూర్ మెట్ లో చోటుచేసుకుంది.

ఒక ప్రైవేట్ కాలేజీలో అసిస్టెంట్ ప్రొఫెసర్ గా పనిచేస్తున్న ఒక వ్యక్తి ఇటీవలే ఈనెల ఏడవ తేదీన కాలేజ్ హాస్టల్ నుంచి వెళ్ళిపోయాడు. దాంతో కాలేజీ యాజమాన్యం కాలేజీలో ఉంటున్న విద్యార్థులు తెలంగాణలోని సొంత గ్రామం అయినా ఖమ్మం జిల్లాకు వెళ్లి ఉంటాడు అని అందరూ భావించినప్పటికీ అతడు అక్కడికి కూడా రాలేదని కుటుంబ సభ్యులు సమాచారాన్ని అందించారు. దాంతో కొద్దిరోజుల పాటు అతని కోసం వెతికారు. అయినా కూడా ఆచూకీ లభించకపోవడంతో కుటుంబ సభ్యులు పోలీసులకు ఫిర్యాదు చేశారు. ఈ నేపథ్యంలోనే కేసు నమోదు చేసుకున్న పోలీసులు దర్యాప్తును చేపట్టారు.

సమాచారం ఇవ్వకుండా ఇంటి నుంచి వెళ్లిపోయాడని ఆ తర్వాత మార్కెట్ యార్డులో కూలిగా పనిచేస్తున్నాడు అనే కుటుంబ సభ్యులు పోలీసులకు సమాచారం అందించారు. దాంతో ఆ వ్యక్తిని ఎలా అయినా పట్టుకోవాలని పోలీసులు ఒక ప్లాన్ వేశారు. స్థానికంగా ఉండే పండ్ల మార్కెట్లో ఇన్స్పెక్టర్ సునీల్ కుమార్ ఆయన బృందం నిగా పెట్టారు. అనుకున్న విధంగానే నిన్న తెల్లవారుజామున సమయంలో సదరు యువకుడు కూలి పని చేసేందుకు అక్కడికి రావడాన్ని పోలీసులు గమనించారు. వెంటనే అతన్ని అదుపులోకి తీసుకుని కుటుంబ సభ్యులకు అప్పగించారు. కుటుంబ సభ్యులకు తనకి కౌన్సిలింగ్ ఏర్పాటు చేయాలని పోలీసులు సూచించారు. ఇది ఆ వ్యక్తి ఇలా ఎందుకు ప్రవర్తించారు అన్న విషయం పై క్లారిటీ మాత్రం లేదు.

Follow us