Viral Video : ఈ అక్కకి ఎంత ధైర్యం.. అది పాము అనుకున్నావా.. పొట్లకాయ అనుకున్నావా?
ఇంటర్నెట్ లో పాముల్ని పట్టుకున్న వీడియోలు చాలానే చూసి ఉంటారు. కానీ ఇది అంతకుమించి అన్నట్టుగా ఉంది.
- Author : News Desk
Date : 19-04-2023 - 8:00 IST
Published By : Hashtagu Telugu Desk
సాధారణంగా పాముని(Snake) అల్లంత దూరాన చూస్తేనే గుండె ఆగినంత పనవుతుంది. కొన్ని సందర్భాల్లో పాములు కళ్లముందు వెళ్తుంటే సైలెంట్ అవ్వాల్సిందే. ఏ చిన్న కదలిక ఉన్న అది రెప్పపాటు క్షణంలో కాటేయడం ఖాయం. ఇంటర్నెట్ లో పాముల్ని పట్టుకున్న వీడియోలు చాలానే చూసి ఉంటారు. కానీ ఇది అంతకుమించి అన్నట్టుగా ఉంది. నెట్టింట వైరల్ అవుతోన్న ఈ వీడియోను చూస్తే ఖచ్చితంగా భయపడతారు. ఈ స్నేక్ హంటింగ్(Snake Hunting) వీడియో ఇంటర్నెట్ లో వైరల్ అవుతోంది.
వీడియోని బట్టి చూస్తే.. అదొక కాలేజీ క్యాంపస్ లేదా ఏదో ప్రభుత్వ కార్యాలయంలా కనిపిస్తోంది. ఖాళీగా చెత్తతో పేరుకుని ఉన్న ఆ ప్రాంతంలో రెండు భారీ విషసర్పాలు ఒకదానికి మరొకటి చుట్టుకుని ఉన్నాయి. వాటిని పట్టుకునేందుకు ఎలాంటి సేఫ్టీ లేకుండా ఓ యువతి వెళ్తుంది. సరైన సమయం చూసి దాడికి దిగినట్లుగా ఆ రెండు పాములను ఒక్కసారిగా ఒట్టి చేతులతో పట్టేసుకుంటుంది. అవి ఆమె పట్టు నుంచి విడిపించుకోవడానికి ప్రయత్నించినా తప్పించుకోలేకపోయాయి.
యువతి చేతుల్లోంచి అటు ఇటు గిలగిల కొట్టుకుంటూ ఆమెను కాటేసే ప్రయత్నం చేస్తున్నా ఆ యువతి అదరలేదు, బెదరలేదు. ఆ రెండు పాముల తోకల్ని బలంగా పట్టుకుని లాగుతుంది. ఈ వీడియో ప్రస్తుతం సోషల్ మీడియాలో వైరల్ అవుతోంది. ఇది చూసిన నెటిజన్లు.. ‘అక్కో.. అది పాము అనుకున్నావా.. పొట్లకాయ అనుకున్నావా’ అని కామెంట్ చేస్తున్నారు.
Also Read : Viral Wedding Card : దయచేసి పెళ్లికిరాకండి.. సోషల్ మీడియాలో వైరల్ అవుతోన్న వెడ్డింగ్ ఇన్విటేషన్
Follow us
