Mauritius: మారిషస్ని ట్యాక్స్ హెవెన్ అని ఎందుకు అంటారు?
పన్ను స్వర్గధామ హోదా పొందిన అనేక దేశాలు ప్రపంచంలో ఉన్నాయి. ఈ దేశాల జాబితాలో స్విట్జర్లాండ్తో పాటు మారిషస్ కూడా చేరింది. డబ్బును డిపాజిట్ చేయడంపై పన్ను లేదా నామమాత్రపు పన్ను లేని దేశాలను పన్ను స్వర్గధామం అంటారు.
- Author : Gopichand
Date : 11-03-2025 - 1:07 IST
Published By : Hashtagu Telugu Desk
Mauritius: ప్రధాని నరేంద్ర మోదీ మారిషస్లో (Mauritius) పర్యటించారు. ఈ దేశానికి భారత్తో ప్రత్యేక అనుబంధం ఉంది. భారతదేశంతో సహా ప్రపంచం నలుమూలల నుండి వచ్చే పర్యాటకులకు మారిషస్ ఒక హాట్ టూరిస్ట్ డెస్టినేషన్. అయితే, ఇది పన్నుల స్వర్గధామ దేశంగా ఎక్కువగా చర్చిస్తున్నారు. గత సంవత్సరం అమెరికన్ షార్ట్ సెల్లర్ సంస్థ హిండెన్బర్గ్ ఆ సమయంలో సెబీ చైర్పర్సన్గా ఉన్న మాధబి పూరీ బుచ్, ఆమె భర్త ధవల్ బుచ్పై వచ్చిన ఆరోపణలలో మారిషస్ను ప్రస్తావించారు.
పన్ను స్వర్గధామ దేశాలు ఏమిటి?
పన్ను స్వర్గధామ హోదా పొందిన అనేక దేశాలు ప్రపంచంలో ఉన్నాయి. ఈ దేశాల జాబితాలో స్విట్జర్లాండ్తో పాటు మారిషస్ కూడా చేరింది. డబ్బును డిపాజిట్ చేయడంపై పన్ను లేదా నామమాత్రపు పన్ను లేని దేశాలను పన్ను స్వర్గధామం అంటారు. భారతదేశం వలె కాకుండా ఇటువంటి దేశాలలో భారీ మొత్తంలో డబ్బు డిపాజిట్ చేసిన తర్వాత కూడా, దాని మూలం గురించి సమాచారం ఇవ్వవలసిన అవసరం లేదు. మరో మాటలో చెప్పాలంటే ఇంత డబ్బు ఎక్కడి నుంచి వచ్చిందో చెప్పనవసరం లేదు. ఈ దేశాలు నల్లధనాన్ని నిల్వచేసేవారికి లేదా పన్నులు ఎగవేసేవారికి స్వర్గం కంటే తక్కువ కాదు. అందుకే వీటిని టాక్స్ హెవెన్ అని పిలుస్తారు.
Also Read: WPL 2025 Final: మహిళల ప్రీమియర్ లీగ్ ఫైనల్ మ్యాచ్ ఎప్పుడు, ఎక్కడ జరుగుతుంది?
బుచ్ కేసు ప్రస్తావించబడింది
మారిషస్ వంటి పన్ను స్వర్గధామ దేశాలు పన్ను ఎగవేతదారులకు ఇష్టమైన గమ్యస్థానాలు. తరచూ తమ వద్ద ఉన్న నల్లధనాన్ని ఇక్కడ డిపాజిట్ చేసి, ఆ తర్వాత తమ దేశానికి తీసుకెళ్లి వైట్గా మార్చుకుంటున్నారు. బెర్ముడా, మారిషస్లోని ఆఫ్షోర్ ఫండ్స్లో మాధబి పూరీ బుచ్, ఆమె భర్త ధవల్ బుచ్ వాటాలు కలిగి ఉన్నారని హిండెన్బర్గ్ ఆరోపించింది. అయితే బుచ్ కుటుంబం.. మారిషస్ రెండూ ఈ ఆరోపణ నిరాధారమైనవిగా పేర్కొన్నాయి. ఇలాంటి విషయాల్లో మారిషస్ వార్తల్లో నిలుస్తోంది.
పెరుగుతున్న ఎఫ్డిఐ కారణంగా అనేక ప్రశ్నలు
ఏప్రిల్ 2000 నుండి సెప్టెంబర్ 2024 వరకు భారతదేశం మారిషస్ నుండి US $ 177.18 బిలియన్లను పెట్టుబడిగా పొందింది. 2019-20లో ఈ సంఖ్య 8.24 బిలియన్ డాలర్లుగా ఉంది. దీన్ని బట్టి అక్కడి నుంచి పెట్టుబడి ఎంత వేగంగా పెరిగిందో అంచనా వేయవచ్చు. పెరుగుతున్న పెట్టుబడులపై పలువురు నిపుణులు సందేహాలు వ్యక్తం చేస్తున్నారు. మారిషస్ నుంచి ఇంత పెద్ద ఎత్తున వస్తున్న ఎఫ్డిఐ ప్రశ్నలను లేవనెత్తుతుందని అంటున్నారు. మారిషస్ని మినీ ఇండియా అని కూడా పిలుస్తారు. ఎందుకంటే ఇక్కడ పెద్ద సంఖ్యలో భారతీయులు నివసిస్తున్నారు. ఒక నివేదిక ప్రకారం.. ఈ దేశంలో 48 శాతం హిందువుల జనాభా ఉంది. మారిషస్ తూర్పు ఆఫ్రికాలోని హిందూ మహాసముద్రంలో ఉంది.
Follow us
