Sunita Williams Net Worth: సునీతా విలియమ్స్ నికర సంపాదన ఎంతో తెలుసా?
ISSలో ఎక్కువ సమయం గడిపినందుకు విలియమ్స్, విల్మోర్లకు అదనపు వేతనం అందుతుందని NASA ధృవీకరించింది. కానీ అది ఓవర్ టైం జీతం లాగా ఉండదు.
- Author : Gopichand
Date : 19-03-2025 - 3:19 IST
Published By : Hashtagu Telugu Desk
Sunita Williams Net Worth: సునీతా విలియమ్స్, బుచ్ విల్మోర్ భూమిపైకి తిరిగి రావడం అనేది ఉత్కంఠభరితమైన చిత్రం. క్లైమాక్స్ కంటే తక్కువ కాదు. 9 నెలల పాటు అంతరిక్షంలో జీవించి, లెక్కలేనన్ని సవాళ్లను ఎదుర్కొని, చివరకు సురక్షితంగా భూమికి చేరుకున్నారు. వారి డ్రాగన్ క్యాప్సూల్ ఫ్లోరిడా బీచ్లో దిగినప్పుడు ప్రపంచం మొత్తం ఊపిరి పీల్చుకుంది. ఇది కేవలం ల్యాండింగ్ మాత్రమే కాదు. ధైర్యం, సహనం, సైన్స్ అద్భుతమైన విజయం. ఇంతకు ముందు ఎన్నో రికార్డులు సృష్టించిన సునీతా విలియమ్స్ (Sunita Williams Net Worth) మరోసారి తన ధైర్యం, అంకితభావంతో ప్రపంచానికి స్ఫూర్తినిస్తోంది.
సునీతా విలియమ్స్ జీతం, నికర విలువ
సునీతా విలియమ్స్, బుచ్ విల్మోర్ GS-15 పొందారు. ఇది అమెరికా ప్రభుత్వ వేతన వ్యవస్థ (GS)లో అత్యున్నత ర్యాంక్. ఈ ర్యాంక్లో వారి వార్షిక జీతం సుమారుగా $125,133 నుండి $162,672 వరకు ఉంటుంది. వారు 9 నెలల పాటు ISS (అంతర్జాతీయ అంతరిక్ష కేంద్రం)లో ఉన్నారు. కాబట్టి వారు ఈ అదనపు సమయానికి $93,850 (81.28 లక్షలు) నుండి $122,004 (1.06 కోట్లు) వరకు భత్యం పొందుతారు. మొత్తంమీద ఈ మిషన్ నుండి సునీతా అంచనా ఆదాయాలు $94,998 (82.23 లక్షలు) నుండి $123,152 (1.07 కోట్లు) వరకు ఉండవచ్చు. నివేదికల ప్రకారం.. సునీతా విలియమ్స్, ఆమె భర్త మైఖేల్ జె విలియమ్స్ నికర విలువ దాదాపు 5 మిలియన్ డాలర్లు (దాదాపు రూ. 44 కోట్లు) ఉంటుందని అంచనా.
Also Read: Jasprit Bumrah: ముంబై ఇండియన్స్కు బిగ్ షాక్.. తొలి మ్యాచ్కు స్టార్ ప్లేయర్లు దూరం!
అదనపు అలవెన్సులు, పరిహారం
ISSలో ఎక్కువ సమయం గడిపినందుకు విలియమ్స్, విల్మోర్లకు అదనపు వేతనం అందుతుందని NASA ధృవీకరించింది. కానీ అది ఓవర్ టైం జీతం లాగా ఉండదు. నాసా మాజీ వ్యోమగామి కేడీ కోల్మన్ మాట్లాడుతూ వ్యోమగాములు ఓవర్ టైం కోసం విడిగా ఎక్కువ డబ్బు పొందరని తెలిపారు. ప్రతిరోజు నామమాత్రపు మొత్తం మాత్రమే ఇవ్వబడుతుంది. ఇది చట్టం ప్రకారం చెల్లించవలసి ఉంటుంది. నా కాలంలో అది రోజుకు దాదాపు $4 (₹346) అని పేర్కొన్నారు. కోల్మన్ అనుభవాన్ని ప్రాతిపదికగా తీసుకుంటే.. అతను 2010–11లో తన 159 రోజుల మిషన్లో $636 (₹55,228) స్వల్ప మొత్తాన్ని సంపాదించాడు. అదేవిధంగా విలియమ్స్, విల్మోర్ వారి 287 రోజుల బస కోసం $1,148 (₹99,310) అదనపు భత్యాన్ని పొందుతారని అంచనా వేస్తున్నారు.
సునీతా విలియమ్స్ ఏం చదువుకున్నారు?
సునీతా విలియమ్స్ తన కృషి, అంకితభావంతో అనేక చారిత్రక విజయాలు సాధించిన సుప్రసిద్ధ వ్యోమగామి. సునీతా 1987లో యునైటెడ్ స్టేట్స్ నావల్ అకాడమీ నుండి బ్యాచిలర్ ఆఫ్ సైన్స్ డిగ్రీని, 1995లో ఫ్లోరిడా ఇన్స్టిట్యూట్ ఆఫ్ టెక్నాలజీ నుండి మాస్టర్ ఆఫ్ సైన్స్ డిగ్రీని అందుకున్నారు. ఆమె మొదట్లో US నేవీలో పనిచేసింది. కానీ 1998లో NASA ఆస్ట్రోనాట్ ప్రోగ్రామ్లో ఎంపికైంది. దీని తర్వాత ఆమె చాలాసార్లు అంతరిక్షయానం చేసింది. ఇటీవల ఆమె విజయవంతమైన మిషన్ తిరిగి వచ్చిన తర్వాత NASA స్పేస్ఎక్స్కి ధన్యవాదాలు తెలిపింది. మిషన్ పూర్తి విజయవంతమైందని ప్రకటించింది. వారి విజయాలకు మరో కొత్త అధ్యాయాన్ని జోడించింది.
సునీతా విలియమ్స్, బుచ్ విల్మోర్ ఈ సుదీర్ఘ అంతరిక్ష ప్రయాణం ఇప్పుడు ముగిసింది. ఈ మిషన్ అంతరిక్ష పరిశోధనలో ఒక ముఖ్యమైన ఉదాహరణగా మారింది. సాంకేతిక ఇబ్బందులు ఉన్నప్పటికీ NASA, SpaceX వ్యోమగాములను సురక్షితంగా తిరిగి రావడానికి ప్రణాళిక వేసుకున్నాయి. వ్యోమగామి ఎక్కువ కాలం అక్కడ ఇరుక్కుపోయి ఉంటే శారీరకంగా, మానసికంగా ఎలా నిర్వహించవచ్చో కూడా ఈ మిషన్ వెల్లడించింది.
Follow us
