Love Marriages Ban : లవ్ మ్యారేజెస్ పై బ్యాన్.. ఆ గ్రామ పంచాయతీ సంచలన తీర్మానం

Love Marriages Ban : కర్ణాటకలోని కలబురిగి జిల్లా డోంగర్​గావ్ గ్రామ పంచాయతీ సంచలన తీర్మానం చేసింది. లవ్ మ్యారేజెస్ ను బ్యాన్ చేయాలని ఈ గ్రామస్తులు ఏకగ్రీవ తీర్మానం చేశారు. తల్లిదండ్రుల అనుమతి లేని లవ్ మ్యారేజెస్ కు అంగీకరించకూడదని అభిప్రాయపడ్డారు. గ్రామ సర్పంచ్ శాంతకుమార్ కె ములాగే ఆధ్వర్యంలో చేసిన ఈ తీర్మానం కాపీని  కర్ణాటక రాష్ట్ర ప్రభుత్వానికి పంపారు. ప్రేమ వివాహాల విషయంలో కఠినంగా వ్యవహరించాలని సర్కారును కోరారు. దీనికి సంబంధించి ప్రత్యేక  మార్గదర్శకాలను జారీ చేస్తే యువత దారితప్పకుండా ఉంటారని పేర్కొన్నారు. ఏదిఏమైనప్పటికీ డోంగర్​గావ్ గ్రామ పంచాయతీ తీసుకున్న నిర్ణయం ప్రస్తుతం చర్చనీయాంశంగా మారింది.

We’re now on WhatsApp. Click to Join.

లవ్ మ్యారేజ్ చేసుకున్న వాళ్లు ఎక్కువకాలం కలిసి ఉండలేకపోతున్నారని, ఫెయిలైపోతున్న లవ్ మ్యారేజ్ లను ప్రోత్సహించడం సరికాదని డోంగర్​గావ్ సర్పంచ్  శాంతకుమార్ కె ములాగే అంటున్నారు.  డోంగర్​గావ్ గ్రామపంచాయతీ పరిధిలో 2022 సంవత్సరంలో 13 జంటలు లవ్ మ్యారేజెస్ చేసుకున్నాయి. వీరిలో చాలామంది తల్లిదండ్రులను ఎదిరించి ఇంటి నుంచి వెళ్లిపోయి మరీ.. లవ్ మ్యారేజ్ (Love Marriages Ban) చేసుకున్నారు.

Also Read: T Congress : కాంగ్రెస్ గూటికి రేవూరి ప్రకాష్ రెడ్డి..బాబురావు..?