Tomatoes@60: రేషన్ షాపుల్లో టమాటా, కేజీ రూ. 60లకే!

గత కొద్ది రోజులుగా దేశవ్యాప్తంగా టమాటా ధరలు భారీగా పెరిగాయి. రెండు వారాల క్రితం రూ.40కి విక్రయించిన టమాటా ధర గత వారం రూ.70కి చేరుకుంది. ధర మరింత పెరిగి రూ.90 నుంచి రూ.100కి చేరింది. ప్రస్తుతం రూ.100కు విక్రయిస్తున్నారు. కొన్నిచోట్ల రూ.120 నుంచి రూ.160 వరకు విక్రయిస్తున్నారు. ఈ క్రమంలో తమిళనాడు ప్రభుత్వం కీలక నిర్ణయం తీసుకుంది.

టమాటా ధరల నియంత్రణకు చర్యలు చేపట్టారు. అందులో భాగంగా 2023 జూలై 4 నుంచి రేషన్ షాపుల్లో టమాటా రూ. 60 వేలకు విక్రయించనున్నట్లు పేర్కొన్నారు. పెరిగిన ధరల నుంచి ఉపశమనం కలిగించేందుకు తమిళనాడు ప్రభుత్వం ఈ నిర్ణయం తీసుకుంది. దక్షిణ చెన్నై, సెంట్రల్ చెన్నైగా విభజించి 82 రేషన్ షాపుల్లో కిలో రూ.60 చొప్పున టమాట విక్రయిస్తామని మంత్రి కేఆర్ పెరియకురుప్పన్ వెల్లడించారు. త్వరలో ఇతర జిల్లాలకు విస్తరించనున్నారు.

వినియోగదారులు, రైతులు నష్టపోకుండా ధరల పెరుగుదల నియంత్రణకు చర్యలు తీసుకుంటామని మంత్రి పెరియకురుప్పన్ తెలిపారు. దేశవ్యాప్తంగా టమాటా ధరలు పెరిగాయని, రైతుల నుంచి నేరుగా టమాటా కొనుగోలు చేసి మార్కెట్ ధరలో సగం ధరకే విక్రయించేలా చర్యలు తీసుకుంటున్నామన్నారు. టమోటా ధరలను తగ్గించేందుకు రాష్ట్ర ప్రభుత్వం ఇతర రాష్ట్రాల నుంచి కొనుగోళ్లు పెంచిందని మంత్రి పేర్కొన్నారు.
రాష్ట్రంలోని రైతుల నుంచి నేరుగా టమాట కొనుగోలు చేసేందుకు చర్యలు తీసుకుంటామని మంత్రి పెరియకురుప్పన్ వెల్లడించారు. మరోవైపు చెన్నైలోని ప్రధాన మార్కెట్ అయిన కోయంబేడు కూరగాయల మార్కెట్‌లో టమోటాతో పాటు పచ్చిమిర్చి కూడా రికార్డు స్థాయికి చేరుకుంది. ప్రస్తుతం కోయంబేడు మార్కెట్ లో పచ్చిమిర్చి నిల్వలు భారీగా తగ్గిపోవడంతో కిలో రూ.100 చొప్పున విక్రయిస్తున్నారు.