JaguarKumar Cheetah: ఉక్రెయిన్ ను వీడిన తెలుగు డాక్టర్.. అనాథలైన చిరుతలు!

ప్రపంచవ్యాప్తంగా రష్యా-ఉక్రెయిన్ యుద్ధం ఎంత చర్చనీయమైందో.. ఓ తెలుగు డాక్టర్ పేరు కూడా అంతేస్థాయిలో వినిపించింది. పెంపుడు జంతువులతో (జాగ్వార్ చిరుత) ఉక్రెయిన్‌లో చిక్కుకుపోయిన గిరికుమార్ పాటిల్ అనే తెలుగు వైద్యుడు, వాటిని విడిచిపెట్టి, ఉద్యోగం వెతుక్కుంటూ పోలాండ్‌కు వెళ్లాడు. ఉక్రెయిన్‌తో రష్యా యుద్ధం తర్వాత అతను పనిచేస్తున్న ఆసుపత్రి మూసివేయబడిన తర్వాత ఆర్థిక పరిస్థితి చాలా కష్టంగా మారింది. ఈ ఆర్థోపెడిక్ డాక్టర్‌కు జీవితం లేక ఇబ్బందులు పడాల్సి వచ్చింది.

జాగ్వార్‌కుమార్‌గా ప్రసిద్ధి చెందిన గిరి కుమార్, ఆగ్నేయ ఉక్రెయిన్‌ సిటీపై రష్యా దాడి చేసినప్పుడు పెంపుడు పులి, జాగ్వార్ అనే చిరుతతో బంకర్ లో తలదాచుకున్నాడు. కైవ్ జూ నుండి యాగ్వార్ అనే జాగ్వర్‌ను అడాప్ట్ చేసుకున్నాడు. తరువాత, అతను బ్లాక్ పాంథర్ సబ్రినాను పొందాడు. రెండు సంవత్సరాలుగా వాటిని పెంచుతున్నాడు.

పశ్చిమగోదావరిలోని తణుకుకు చెందిన 42 ఏళ్ల వైద్యుడు యుద్ద సమయంలో తన బంగారం, 5 ఎకరాల భూమి, ఇల్లు, 2 అపార్ట్‌మెంట్‌లు, కార్లు మరియు ఒక బైక్‌ను విక్రయించి వాటిని బతుకునిచ్చాడు. వాటితో ఇండియా రావాలని చేసిన ప్రయత్నాలు కూడా విఫలమయ్యాయి. వాటి కోసం బాంబు షెల్టర్‌ను నిర్మించాడు. తన పెంపుడు జంతువులకు ఆహారం ఇవ్వడానికి డబ్బు లేకపోవడంతో, డాక్టర్ పాటిల్ ఉద్యోగం కోసం పోలాండ్ వెళ్ళవలసి వచ్చింది.

కానీ పోలాండ్‌కు వెళ్లే క్రమంలో సరిహద్దు దాటుతుండగా రష్యా ఆర్మీ సిబ్బంది అతడిని అదుపులోకి తీసుకుని మూడు రోజులపాటు బందీగా ఉంచారు. తన భయానక అనుభవాలను గుర్తుచేసుకుంటూ, “నన్ను కళ్లకు గంతలు కట్టి మూడు రోజులు చీకటి గదిలో ఉంచారు. నన్ను గూఢచారి అని అనుమానించారు. నేను నా పరిస్థితిని వివరించి, నా యూట్యూబ్ ఛానెల్‌ని వారికి చూపించినా వారు నన్ను వెళ్లనివ్వలేదు, కానీ వారు నా పత్రాలన్నింటినీ స్వాధీనం చేసుకున్నారు.

సెప్టెంబర్ 14న అతను పోలాండ్ చేరుకున్నాడు. “ప్రజలు నా పట్ల, సరిహద్దు దాటిన ఇతర శరణార్థుల పట్ల చాలా సానుభూతితో ఉన్నారు. మా ఆర్థిక పరిస్థితులను దృష్టిలో ఉంచుకుని మాకు చాలా సరసమైన ధరలకు ఆహారం, ఆశ్రయం ఇవ్వబడింది ”అని అతను చెప్పాడు. కానీ అతను పోలాండ్‌కు చేరుకున్న మరుసటి రోజున జంతువులను సంరక్షకునితో ఉంచిన రష్యా ఆక్రమిత ప్రాంతంలోని భూభాగాన్ని తిరిగి స్వాధీనం చేసుకోవడంతో సెవెరోడోనెట్స్క్ వద్ద ఉద్రిక్తతలు పెరిగాయి. దీంతో తన పెంపుడు జంతువుల భద్రతపై ఆవేదన వ్యక్తం చేశాడు.