Kancha Gachibowli Issue : తాము అభివృద్ధికి వ్యతిరేకం కాదు.. సమగ్ర ప్రణాళికతో వస్తే రాష్ట్ర ప్రభుత్వాన్ని అభినందిస్తాం: సుప్రీంకోర్టు
ఈ అభివృద్ధి ప్రణాళికలు సుదీర్ఘంగా, పర్యావరణ హితంగా ఉండేలా రూపొందిస్తున్నట్లు స్పష్టం చేసింది. ఈ అభివృద్ధి ప్రతిపాదనలను స్వాగతిస్తున్నట్లు సుప్రీంకోర్టు ప్రధాన న్యాయమూర్తి జస్టిస్ బీఆర్ గవాయ్ (CJI Justice B.R. Gavai) తెలిపారు. మేము అభివృద్ధికి వ్యతిరేకం కాదు. కానీ, అభివృద్ధి పర్యావరణాన్ని దెబ్బతీసే విధంగా ఉండకూడదు.
- By Latha Suma Published Date - 02:59 PM, Wed - 13 August 25
Kancha Gachibowli Issue : కంచ గచ్చిబౌలి భూముల వివాదంపై సుప్రీంకోర్టులో మరోసారి విచారణ జరిగింది. ఈ కేసులో వాదనలు వినిపించుకున్న సుప్రీం ధర్మాసనం ముందు, తెలంగాణ రాష్ట్ర ప్రభుత్వం కీలక ప్రకటన చేసింది. గచ్చిబౌలి ప్రాంతంలో భూముల అభివృద్ధికి సంబంధించి సమగ్ర ప్రణాళికలు రూపొందిస్తున్నామని రాష్ట్ర ప్రభుత్వం కోర్టుకు తెలిపింది. ఈ అభివృద్ధి ప్రణాళికలు సుదీర్ఘంగా, పర్యావరణ హితంగా ఉండేలా రూపొందిస్తున్నట్లు స్పష్టం చేసింది. ఈ అభివృద్ధి ప్రతిపాదనలను స్వాగతిస్తున్నట్లు సుప్రీంకోర్టు ప్రధాన న్యాయమూర్తి జస్టిస్ బీఆర్ గవాయ్ (CJI Justice B.R. Gavai) తెలిపారు. మేము అభివృద్ధికి వ్యతిరేకం కాదు. కానీ, అభివృద్ధి పర్యావరణాన్ని దెబ్బతీసే విధంగా ఉండకూడదు.
Read Also: Commonwealth Games 2030 : అంతర్జాతీయ క్రీడా పోటీలకు భారత్ సిద్ధం..2030 కామన్వెల్త్ గేమ్స్‌కు బిడ్‌కు గ్రీన్ సిగ్నల్
రెండు మధ్య సమతౌల్యం అవసరం అని ఆయన వ్యాఖ్యానించారు. అభివృద్ధి ప్రణాళికల్లో పర్యావరణ పరిరక్షణకు కూడా ప్రాధాన్యత ఇవ్వాలని ధర్మాసనం సూచించింది. వాదనల సందర్భంగా, రాష్ట్ర ప్రభుత్వం సమగ్ర ప్రణాళిక తయారు చేయడానికి కోర్టును ఆరువారాల గడువు ఇవ్వాలని కోరింది. దీనిని ధర్మాసనం ఆమోదించింది. తగిన సమయ వ్యవధిలో చట్టబద్ధమైన, సమగ్ర అభివృద్ధి ప్రణాళికను కోర్టుకు సమర్పించేందుకు అవకాశం ఇవ్వాలని ప్రభుత్వం వినతి చేసింది. ఇందుకు స్పందించిన సీజేఐ గవాయ్ మీరు సమగ్ర ప్రణాళికతో ముందుకు వస్తే, మేము గతంలో చేసిన వ్యాఖ్యలను పున: పరిశీలిస్తాం. అవసరమైతే వాటిని ఉపసంహరించుకోవడానికి కూడా సిద్ధంగా ఉన్నాం. మీరు తీసుకుంటున్న ముందడుగులను అభినందించాల్సిందే అన్నారు. ఈ వ్యాఖ్యల ద్వారా, కోర్టు అభివృద్ధి పట్ల అనుకూల దృక్పథాన్ని చూపించడంతో పాటు, పర్యావరణ పరిరక్షణపైన కూడా స్పష్టమైన సందేశం ఇచ్చింది.
భవిష్యత్‌లో ఈ ప్రణాళికలు ఎలా రూపుదిద్దుకుంటాయన్నదాని పై ప్రజలలో ఆసక్తి నెలకొంది. ఈ కేసు చుట్టూ గతంలో వివాదాలు, భూ హక్కులపై అభ్యంతరాలు వ్యక్తమవుతున్న సందర్భంలో, ఇప్పుడు అభివృద్ధికి సంబంధించి ఒక పటిష్ఠమైన దిశలోకి వ్యవహారం సాగుతున్నట్టు భావించవచ్చు. ముఖ్యంగా, రాష్ట్ర ప్రభుత్వం కోర్టు ముందు స్పష్టతనిచ్చి, సమగ్రమైన ప్రణాళికలతో ముందుకు రావడంపై విశ్వాసం పెరిగే అవకాశం ఉంది. ఈ అభివృద్ధి పథకం భవిష్యత్తులో నగర పటుత్వాన్ని మెరుగుపరచడంతో పాటు, పర్యావరణ సమతుల్యతను కూడా కాపాడగలగాలని ఆశిస్తూ, కోర్టు ఇచ్చిన సూచనలు కీలకంగా మారనున్నాయి. రాష్ట్ర ప్రభుత్వం సమర్పించనున్న ప్రణాళికలపై తదుపరి విచారణలో మరింత స్పష్టత వచ్చే అవకాశముంది.
కాగా, ‘కంచ’ అంటే వ్యవసాయానికి లేదా పబ్లిక్ పర్పస్ ఉపయోగించని భూమి. 2001లో అక్టోబర్లో ఆనాటి ఉమ్మడి ఏపీ ప్రభుత్వంలోని మున్సిపల్ అడ్మినిస్ట్రేషన్ డిపార్ట్మెంట్ రూపొందించిన మాస్టర్ ప్లాన్ లో ‘పబ్లిక్ అండ్ సెమీ పబ్లిక్ యూజ్’ కింద ఈ భూమిని పేర్కొంది. 2007 నుంచి ఈ భూమి వ్యవహారం కోర్టులో నడించింది. దాదాపు రెండు దశాబ్దాల తర్వాత ప్రభుత్వానికే భూమి చెందుతుందని కోర్టు తీర్పు ఇచ్చింది. గతంలో నుంచి వాడకంలో లేకపోవడంతో ఈ భూమిలో దట్టంగా అడవి ఏర్పడినట్లు కార్టోశాట్, గూగుల్ ఎర్త్ ఇమేజరీ, సెంటిసెల్ శాటిలైజ్ చిత్రాలు చూపుతున్నాయి” అని అఫిడవిట్లో వివరించింది.
Read Also: Dharmasthala : ధర్మస్థల కేసు.. సస్పెన్స్ లో SIT..! నిజాలు బయటపడతాయా..!
