KCR Politics: కేసీఆర్ ‘మహా’ మాయ, ఎన్నికల బరిలో ఒంటరి!

జాతీయ స్థాయిలో బీఆర్ఎస్ పార్టీని విస్తరించేందుకు సీఎం కేసీఆర్ కసరత్తులు చేస్తున్నారు.

  • Published Date - 12:39 PM, Fri - 16 June 23
Kcr
Kcr

బీఆర్ఎస్ అధినేత, తెలంగాణ ముఖ్యమంత్రి సీఎం కేసీఆర్ ఒకవైపు తెలంగాణలో హ్యాట్రిక్ కొట్టేందుకు సిద్దమవుతూనే, మరోవైపు జాతీయ స్థాయిలో పార్టీని విస్తరించేందుకు కసరత్తులు చేస్తున్నారు. ఇప్పటికే ఆయన మహారాష్ట్రపై గురిపెట్టారు. వివిధ పార్టీల నాయకులు, నేతలను బీఆర్ఎస్ లో చేర్చుకొని తన బలమెంటో చాటిచెప్పారు. ఈ నేపథ్యంలో మహా వికాస్ అఘాడితో తమ భారత రాష్ట్ర సమితి (బీఆర్‌ఎస్) పొత్తు పెట్టుకోదని, పౌర, అసెంబ్లీ, సార్వత్రిక ఎన్నికల్లో రాష్ట్రంలోని ప్రతి స్థానంలోనూ తమ పార్టీ పోటీ చేస్తుందని సీఎం కేసీఆర్ తేల్చి చెప్పారు.

మహారాష్ట్రలోని వార్ధా రోడ్‌లో పార్టీ కార్యాలయాన్ని ప్రారంభించిన అనంతరం విలేకరుల సమావేశంలో ఆయన మాట్లాడారు. ఎలక్ట్రానిక్ ఓటింగ్ మెషీన్లకు (ఈవీఎం) బదులుగా బ్యాలెట్ పేపర్లను ఉపయోగించి ఎన్నికలు నిర్వహించాలని డిమాండ్. శివసేన (యుబిటి), కాంగ్రెస్, నేషనలిస్ట్ కాంగ్రెస్ పార్టీలతో కూడిన ఎంవిఎతో బీఆర్ఎస్ పార్టీ పొత్తు పెట్టుకుంటుందా అని ప్రశ్నించగా “మేం చాలా ఫ్రంట్‌లు, యునైటెడ్ ఫ్రంట్, నేషనల్ ఫ్రంట్‌లను చూశాం. కానీ ఎవరితో పోత్తు పెట్టుకోం, అందుకే, మేం BRS ఎజెండాను సిద్ధం చేస్తున్నాం’’ అని తేల్చి చెప్పారు.

“నిర్మాణాత్మక మార్పు కోసం BRS అజెండాతో ఏకీభవించే ఏ పార్టీ అయినా మాతో రావచ్చు” అని ఆయన అన్నారు, “మాకు పొత్తు అవసరం లేదు” కాబట్టి BRS ఏ పొత్తు గురించి ఆలోచించడం లేదని స్పష్టం చేశారు. దేశంలో గుణాత్మక మార్పుకు బీఆర్‌ఎస్‌ ఏజెంట్‌గా వ్యవహరిస్తుందని, మహారాష్ట్ర తర్వాత ఉత్తరప్రదేశ్, ఛత్తీస్‌గఢ్, పంజాబ్, హర్యానాల విస్తరణ ప్రణాళికలు ఇందులో ఉంటాయని ఆయన అన్నారు. ప్రస్తుత (నరేంద్ర మోదీ) పాలనలో దేశ ఆర్థిక వ్యవస్థ అధ్వాన్నంగా ఉందని, సమాజంలోని ప్రతి వర్గం సంతోషంగా లేదని పేర్కొన్నారు. ప్రపంచంతో మమేకమవ్వాలంటే దేశం రాజ్యాంగం, న్యాయవ్యవస్థ, ఆర్థిక సంస్కరణలు, సామాజిక సంస్కరణలు, ఎన్నికల సంస్కరణలు, పరిపాలనా వ్యవస్థకు సంబంధించి కొన్ని నిర్మాణాత్మక మార్పులను తీసుకురావాల్సిన అవసరం ఉందని కేసీఆర్ అన్నారు.

Also Read: Anjali ‘Bahishkarana’: వైవిధ్యమైన పాత్రలో అంజలి.. బహిష్కరణ ఫస్ట్ లుక్ పోస్టర్ రిలీజ్!


Follow us

Tags