Revanth Reddy: రేవంత్‌ ప్రమాణస్వీకారోత్సవానికి హాజరుకానున్న సోనియా గాంధీ

Revanth Sonia

Revanth Reddy: కాంగ్రెస్‌ పార్టీ తొలి ముఖ్యమంత్రిగా రేవంత్‌రెడ్డి ప్రమాణస్వీకారోత్సవానికి తెలంగాణకు వచ్చే అవకాశం ఉందని కాంగ్రెస్‌ పార్లమెంటరీ పార్టీ  చైర్‌పర్సన్‌ సోనియా గాంధీ బుధవారం తెలిపారు. పార్లమెంటులో మీడియాతో మాట్లాడిన సోనియా గాంధీని ప్రమాణ స్వీకారోత్సవానికి తెలంగాణకు వెళ్తారా అని ప్రశ్నించారు. దాదాపుగా రావచ్చునని ఆమె తెలిపారు.

2014లో కాంగ్రెస్ పార్టీ ఆవిర్భవించిన తర్వాత తొలిసారిగా రాష్ట్రంలో భారీ విజయాన్ని సాధించిపెట్టిన రేవంత్ రెడ్డి సోనియా గాంధీ, రాహుల్ గాంధీ, ప్రియాంక గాంధీ వాద్రా, పార్టీ అధినేత మల్లికార్జున ఖర్గే, కె.సి. వేణుగోపాల్‌ వారి నివాసంలో ఉన్నారు. ఇక రాహుల్ గాంధీ X లో ఒక పోస్ట్ లో రియాక్ట్ అయ్యారు. “తెలంగాణ ముఖ్యమంత్రిగా నియమించబడిన రేవంత్ రెడ్డికి అభినందనలు. రేవంత్ నాయకత్వంలో కాంగ్రెస్ ప్రభుత్వం తెలంగాణ ప్రజలకు ఇచ్చిన హామీలన్నింటినీ నెరవేరుస్తుంది, ప్రజా సర్కార్‌ని నిర్మిస్తుంది” అని అన్నారు.

మంగళవారం సాయంత్రం వేణుగోపాల్ తెలంగాణ ముఖ్యమంత్రిగా రేవంత్ రెడ్డిని ప్రకటించారు. డిసెంబరు 7న ప్రమాణస్వీకార కార్యక్రమం కూడా జరుగుతుందని తెలిపారు. ఇక రేవంత్ ప్రమాణ స్వీకారోత్సవ కార్యక్రమానికి హైదరాబాద్ లో ఏర్పాట్లు భారీగా జరుగుతున్నాయి.

Also Read: Basketball League: బాస్కెట్ బాల్ ఫెడరేషన్ లీగ్‌లో టాలీవుడ్ నటుడు, ఇండియా నుంచి ఏకైక ఆటగాడు

Follow us