KCR Biopic: కేసీఆర్ పై వర్మ బయోపిక్.. టైటిల్ ‘టైగర్ కేసీఆర్’

నిత్యం వార్తలో నిలిచే డైరెక్టర్ వర్మ మరోసారి చర్చనీయాంశమవుతున్నాడు. తన ట్వీట్స్, ప్రకటనలతో హాట్ టాపిక్ నిలిచే ఆర్జీవీ సంచలన స్టేట్ మెంట్ ఇచ్చాడు. తెలంగాణ ముఖ్యమంత్రి కే చంద్ర శేఖర్ రావు బయోపిక్ గురించి చిత్ర నిర్మాత మీడియాకు హింట్ ఇచ్చారు. మీడియా అడిగిన ప్రశ్నకు సమాధానంగా, ఆర్జీవీ బయోపిక్ తీయాలని ఆలోచిస్తున్నానని, అయితే ఎన్నికలకు ఇంకా సమయం ఉందని చెప్పారు. తాను దర్శకత్వం వహించిన ‘డేంజరస్‌’ చిత్రాన్ని ప్రమోట్‌ చేస్తూ ఆయన ఈ వ్యాఖ్యలు చేశారు. 2019లో టైగర్‌ కేసీఆర్‌ బయోపిక్‌ను ప్రకటించినా అది నిర్మించలేకపోయింది.

అగ్రెసివ్ గాంధీ అనే క్యాప్షన్ కూడా పెట్టాడు రామ్ గోపాల్ వర్మ. అంతేకాదు ‘ఆడు తెలంగాణ తెస్తనంటే అందరూ నవ్విండ్రు’ అంటూ తెలుగులో ఉప శీర్షిక కూడా పెట్టాడు.ఈ  సినిమాలో కేసీఆర్ పాత్ర కోసం మరో రంగస్థల నటుడిని ఎంపిక చేయాలనుకున్నట్టు వినిపిస్తున్నాయి. కేసీఆర్ బయోపిక్ కోసం మరో రంగస్థల నటుడిని వెతికి పట్టుకొచ్చినా ఆశ్చర్యపోవాల్సిన పనిలేదని ఫిల్మ్ నగర్ వర్గాలు చెబుతున్నాయి.

ఇక  ఇప్పటికే తెలంగాణ సీఎం కేసీఆర్ పై ‘ఉద్యమ సింహం’తో పాటు శ్రీకాంత్ హీరోగా ‘తెలంగాణ దేవుడు’ టైటిల్స్‌తో లు కూడా తెరకెక్కాయి. అవి ప్రేక్షకులను అలరించలేకపోయాయి. రామ్ గోపాల్ వర్మ.. కేసీఆర్ బయోపిక్‌లోని ఏ యాంగిల్‌ను తీసుకొని తెరకెక్కిస్తాడనేది ఆసక్తికరంగా మారింది.  చెప్పినట్టే.. ఆర్జీవి ఈసారైనా కేసీఆర్ బయోపిక్‌ను అనుకున్నట్టే తెరకెక్కిస్తారా లేకుండా పబ్లిసిటీ స్టంట్‌గా మిగిలిపోతుందా అనేది చూడాలి. కాగా ఇటీవల జాతీయ రాజకీయాల్లో అడుగు పెట్టిన సీఎం కేసీఆర్ ను పాన్ ఇండియా హీరో అంటూ  వర్మ ట్వీట్ చేసిన విషయం తెలిసిందే. అయితే వచ్చే ఎన్నికల నాటికి వర్మ బయోపిక్ రావొచ్చునని టీఆర్ఎస్ వర్గాలు అభిప్రాయపడుతున్నాయి.