TRS MLA’s Case: దయచేసి ఆ నలుగురు కనిపిస్తే చెప్పండి…!!

Trs

ఆ నలుగురు అనేసరికి… ఎవరో అనుకోవద్దు. వారే మొయినాబాద్ ఫాం హౌజ్ ఎమ్మెల్యేలు. మునుగోడు ఉపఎన్నిక కంటే ముందు ఈ సీన్ చాలా ఫేమస్ అయ్యింది. తెలుగు రాష్ట్రాల్లోనే కాదు దేశవ్యాప్తంగా చర్చకు దారి తీసింది ఈ ఘటన. చాలా పకడ్బందీగా ఈ కథను నడిపించారు. వీరిని బీజేపీ కొనుగోలు చేసేందుకు ప్రయత్నించిందంటూ సాక్షత్తూ ముఖ్యమంత్రి కేసీఆర్ ఆరోపించిన విషయం తెలిసిందే.

ఆ తర్వాత మునుగోడులో కారు దూసుకెళ్లింది. గులాబీ జెండా ఎగురవేసింది. ప్రెస్ మీట్ లో ఎమ్మెల్యేల కొనుగోలు వ్యవహారంపై బహిరంగంగానే ఆరోపణలు చేశారు ముఖ్యమంత్రి. కేంద్ర ప్రభుత్వాన్ని, మోదీ, బీజేపీ దాని అనుబంధ సంస్థల దుమ్ము దులిపారు. ఈ దేశం ఎటు పోతుందంటూ ఆవేదన వ్యక్తం చేశారు కేసీఆర్. మనం ఇలాగే ఉంటే దేశాన్ని అమ్మేస్తారంటూ మండిపడ్డారు. ఈ సమయంలోనే తమ ఎమ్మెల్యేలను కొనుగోలు చేసేందుకు బీజేపీ ప్రయత్నించిందంటూ ఆరోపణలు చేశారు కేసీఆర్.

Also Read:  PM MODI : నేడు తెలంగాణలో పర్యటించనున్న మోదీ, డుమ్మా కొట్టనున్న కేసీఆర్…!!

అయితే కేసీఆర్ వ్యాఖ్యలపై తెలంగాణ బీజేపీ చీఫ్ బండిసంజయ్ మండిపడ్డారు. ఈ ఎమ్మెల్యేల కొనుగోలు వ్యవహారం అంతా కూడా ప్రగతిభవన్ వేదికగా జరిగిన స్క్రిప్ట్ అంటూ తీవ్ర విమర్శలు చేశారు. ఇక కిషన్ రెడ్డి అయితే డైరెక్ట్ గానే కొంటాం…మధ్య వర్తులతో మాకేంటి పని అంటూ ప్రకటించారు.

ఈ వ్యవహారం రోజురోజుకు ఆసక్తికరంగా మారుతోంది. ఓ వైపు లిక్కర్ వ్యవహారం, మరో వైపు గ్రానైట్ హవాలా దందా…ఎమ్మెల్యేల ఫామ్ హౌజ్ కేసుతో జనం మాత్రం ఎంజాయ్ చేస్తున్నారు. అయితే మొయినాబాద్ ఫాంహౌజ్ నిందితులు పోలీసుల అదుపులో ఉన్నారు. వందకోట్లుకు ఎమ్మెల్యేలను కొనుగోలు చేయాలని బీజేపీ ప్రయత్నించింది. అయితే ఆ నలుగురు ఎమ్మెల్యేలకు అంత ఉందా అంటూ ప్రతిపక్షాలు ప్రశ్నిస్తున్నాయి. ఉపఎన్నిక తర్వాత ఆ నలుగురు ఎమ్మెల్యేలు ఎక్కడికి పోయారు. ఎందుకు గాయబ్ అయ్యారు. ప్రజల్లో ఉండాల్సిన ప్రతినిధులు ఎక్కడికి వెళ్లినట్లు. ఆ ఎమ్మెల్యేల కోసం ఆయా నియోజకవర్గాల ప్రజలు ఎదురుచూస్తున్నారు. దయచేసి మా ఎమ్మెల్యేల ఎక్కడ ఉన్నారో కాస్త చెప్పండి ప్లీజ్ అంటూ కోరుతున్నారు.

Also Read:  HYD Traffic : మోదీ పర్యటన నేపథ్యంలో ఇవాళ హైదరాబాద్ లో ట్రాఫిక్ ఆంక్షలు..!!

Follow us