Greenfield Highway : ఖమ్మం-విజయవాడ గ్రీన్‌ఫీల్డ్ హైవే పనులు త్వరలో ప్రారంభిస్తాం – కేంద్ర మంత్రి నితిన్ గడ్కరీ

ఎన్‌హెచ్‌-163జిలో ఖమ్మం-విజయవాడ మధ్య నాలుగు లేన్‌ల యాక్సెస్‌ కంట్రోల్‌ గ్రీన్‌ఫీల్డ్‌ హైవే రూ. రూ. 983.90 కోట్లతో నిర్మాణం కానుంది. 405 కి.మీ నాగ్‌పూర్-విజయవాడ ఎకనామిక్ కారిడార్‌లో భాగంగా వి వెంకటాయపాలెం-బ్రాహ్మణపల్లి గ్రామాల మధ్య మొదటి ప్యాకేజీలో భాగంగా ఈ ప్రాజెక్టును చేపట్టనున్నట్లు కేంద్ర మంత్రి నితిన్ గ‌డ్క‌రీ తెలిపారు. ఈ సందర్భంగా ఆయన మాట్లాడుతూ రూ. హైబ్రిడ్ యాన్యుటీ పద్ధతిలో చేపట్టనున్న 29.92 కి.మీ నాలుగు లేన్ల నిర్మాణానికి 983.90 కోట్లు మంజూరు చేశామ‌న్నారు. తెలంగాణలో ఎకనామిక్ కారిడార్ (NH-O) కార్యక్రమం కింద NH-163G (ఖమ్మం-విజయవాడ)లో V వెంకటాయపాలెం గ్రామం నుండి బ్రాహ్మణపల్లి (K) గ్రామం వరకు 4-లేన్ యాక్సెస్-నియంత్రిత గ్రీన్‌ఫీల్డ్ హైవే సెక్షన్‌ను అభివృద్ధి చేస్తున్నామ‌ని తెలిపారు. ఈ ప్రాజెక్టు వల్ల వాహన నిర్వహణ ఖర్చు, ప్రయాణ సమయం గణనీయంగా తగ్గుతుందని కూడా కేంద్ర మంత్రి గ‌డ్క‌రీ చెప్పారు. మహారాష్ట్ర, తెలంగాణ, ఆంధ్రప్రదేశ్ మధ్య రోడ్డు సౌకర్యాలను పెంచడంతోపాటు దక్షిణాదిలోని ఓడరేవులను దేశంలోని ఇతర ప్రాంతాలతో అనుసంధానం చేయడమే ఈ ప్రాజెక్టు లక్ష్యమని ఆయ‌న వెల్లడించారు.

పోర్ట్ కనెక్టివిటీ ద్వారా సరుకు రవాణా సామర్థ్యాన్ని మెరుగుపరచడం, ఎగుమతులను పెంచడం అనే ప్రాథమిక లక్ష్యంతో ఈ గ్రీన్‌ఫీల్డ్ కారిడార్ నిర్మాణం భారతమాల పరియోజన ఫేజ్-1 కార్యక్రమం కింద చేపట్టబడుతుంది. ఈ రహదారి పూర్వ ఖమ్మం జిల్లాలో 60 కి.మీ, ఆంధ్రప్రదేశ్‌లో 30 కి.మీ. ప్రాజెక్టు పూర్తయితే కేవలం 60 నుంచి 70 నిమిషాల్లో విజయవాడ నుంచి ఖమ్మం చేరుకోవచ్చు. ఇప్పటికే రెండు దశల్లో భూసేకరణ పూర్తయింది.