Infosys Hire: ఇన్ఫోసిస్ లో ‘ఉద్యోగాల’ జాతర

Enfosys

ఇన్ఫోసిస్… దేశంలో అతిపెద్ద ఐటీ సంస్థ. కరోనా కారణంగా ఎలాంటి క్యాంపస్ ప్లేస్ మెంట్స్ నిర్వహించలేదు. లాక్ డౌన్, వైరస్ వ్యాప్తి కారణంగా ఎంతోమంది సాఫ్ట్ వేర్ ఉద్యోగాలకు దూరమయ్యారు. ఈ నేపథ్యంలో బీటెక్, ఎంటెక్ విద్యార్థులకు తీపికబురు అందించనుంది. ఎఫ్‌వై 23లో క్యాంపస్‌ల నుంచి 55,000 మందికి పైగా కొత్త గ్రాడ్యుయేట్‌లను నియమించుకోవచ్చని ఉన్నతాధికాకి ఒకరు తెలిపారు. ఈ విషయమై బెంగళూరు ప్రధాన కార్యాలయమైన కంపెనీ చీఫ్ ఎగ్జిక్యూటివ్ సలీల్ పరేఖ్ మాట్లాడుతూ.. టెక్ రంగంలో ఇంజనీరింగ్, సైన్స్ గ్రాడ్యుయేట్‌ల కోసం అద్భుతమైన అవకాశాలు ఎదురుచూస్తున్నాయని, అయితే ఇది తక్కువ వ్యవధిలో కొత్త నైపుణ్యాలను నేర్చుకునే కెరీర్ అని వెల్లడించారు.

“మేం FY22లో 55k కాలేజీ గ్రాడ్లను రిక్రూట్ చేస్తాం. మేము వచ్చే ఏడాది (FY23)లో ఎక్కువ మందిని రిక్రూట్ చేసుకుంటామని మేం భావిస్తున్నామని, IT పరిశ్రమ లాబీ నాస్కామ్ వార్షిక NTLF ఈవెంట్‌ను ఉద్దేశించి పరేఖ్ అన్నారు. FY22లో ఇన్ఫోసిస్ వార్షిక రాబడిలో 20 శాతం ఎగబాకాలని లక్ష్యంగా పెట్టుకుందని, ఫ్రెషర్స్ కు కంపెనీలో చేరడానికి గొప్ప అవకాశాన్ని అందిస్తుందని ఆయన అన్నారు. కంపెనీ నైపుణ్యతపై చాలా దృష్టి పెడుతుందని, 6 నుంచి 12 వారాల పాటు ఫ్రెషర్‌కు శిక్షణ ఇస్తుందని పరేఖ్ చెప్పారు.

అదనంగా ఇది ఇప్పటికే ఉన్న సిబ్బందిని రీస్కిల్ చేయడం, ఇప్పటికే ఉన్న ఉద్యోగులందరికీ శిక్షణ కార్యక్రమాలు ఇవ్వడం జరుగుతాయన్నారు. యువ కళాశాల విద్యార్థుల కోసం, భారీ అవకాశాలు ఎదురుచూస్తున్నాయని, అయితే తక్కువ వ్యవధిలో కొత్త నైపుణ్యాలను పొందేందుకు సిద్ధంగా ఉండాలని పరేఖ్ కోరారు. భవిష్యత్‌లో పని చేసే నైపుణ్యం కలిగిన ఉద్యోగులపై దృష్టి కేంద్రీకరించనున్నట్లు ఆయన పునరుద్ఘాటించారు. ఇన్నాళ్లు కరోనా కారణంగా ఉద్యోగాలకు దూరమైన నిరుద్యోగులకు ఈ అవకాశం గొప్ప వరంగా మారనుంది. కొద్దిపాటి స్కిల్స్ ఉంటేనే సాప్ట్ వేర్ లో మంచి వేతనాలు పొందవచ్చు.

Follow us