Telangana : కాంగ్రెస్ విజయం సాధిస్తే..భట్టినే సీఎం..?
కాంగ్రెస్ కు విధేయుడిగా ఉంటూ ఎన్నో యేళ్ళుగా ఆ పార్టీని నమ్ముకున్నాడు
- By Sudheer Published Date - 08:28 PM, Fri - 1 December 23
ఈసారి తెలంగాణ ప్రజలు మార్పు కోరుకుంటున్నారని..ఖచ్చితంగా కాంగ్రెస్ పార్టీ కి పట్టం కట్టబోతున్నారని ఎన్నికల నోటిఫికేషన్ వచ్చిన దగ్గరి నుండి కాంగ్రెస్ నేతలు చెపుతూ వచ్చారు…ఇక ఇప్పుడు ఎగ్జిట్ పోల్స్ ఫలితాలు చూస్తే కాంగ్రెస్ చెప్పిందే జరిగినట్లు స్పష్టంగా తెలుస్తుంది. మెజార్టీ పోల్స్ సర్వేలన్నీ కూడా కాంగ్రెస్ విజయం సాదించబోతున్నట్లు తేల్చి చెప్పాయి. ఇక ఇప్పుడు అసలు ప్రశ్న..సీఎం అభ్యర్థి ఎవరు..? ఇదే యావత్ రాష్ట్ర ప్రజలు మాట్లాడుకుంటున్నారు.
ఏ రాష్ట్రంలో అయినా కాంగ్రెస్ గెలిస్తే.. సీఎం పదవిపై ఆసక్తి నెలకొని ఉంటుంది. మొన్నటికి మొన్న కర్ణాటకలోనూ అదే పరిస్థితి వచ్చింది. చివరకు డీకే శివకుమార్ ను బుజ్జగించిన కాంగ్రెస్ అధిష్టానం.. సిద్ధరామయ్యకు సీఎం పదవి ఇచ్చి ఉత్కంఠకు తెరదించారు. ఇప్పుడు తెలంగాణలో కాంగ్రెస్ అధికారంలోకి వస్తే పరిస్థితి ఏంటి.. సీఎం అభ్యర్థి ఎవరవుతారు..? అనేది ఇప్పుడు రాష్ట్ర వ్యాప్తంగా చర్చ నడుస్తుంది. ఎన్నికలకు ముందు నుంచే సీఎం పీఠంపై చాలా మంది కామెంట్స్ చేశారు. జానారెడ్డి , కోమటిరెడ్డి వెంకట రెడ్డి, ఉత్తమ్ కుమార్ రెడ్డి, శ్రీధర్ బాబు, జగ్గారెడ్డి వంటి వారు సీఎం పదవి ఫై తమ కోరికను బయటపెట్టారు. తెలంగాణ కాంగ్రెస్ నుంచి సీఎం పదవి కోసం ఎంతమంది రేసులో ఉన్నా.. రేవంత్ రెడ్డి, భట్టి విక్రమార్క ఈ ఇద్దరిలో ఎవరో ఒకరు సీఎం అభ్యర్థి అవుతారని అంటున్నారు.
We’re now on WhatsApp. Click to Join.
ప్రస్తుతం అందుతున్న సమాచారం మేరకు భట్టి నే సీఎం అభ్యర్థిగా ప్రకటించాలని అధిష్టానం నిర్ణయం తీసుకున్నట్లు వార్తలు వినిపిస్తున్నాయి. కాంగ్రెస్ కు విధేయుడిగా ఉంటూ ఎన్నో యేళ్ళుగా ఆ పార్టీని నమ్ముకున్నాడు. భట్టి సీఎల్పీ నేతగా ఉన్నప్పుడు.. బీఆర్ఎస్ నుంచి ఎన్ని ఆఫర్లు వచ్చినా.. కాంగ్రెస్ ను మాత్రం వీడలేదు. పైగా ఈ ఎన్నికలకు ముందు తెలంగాణలో పాదయాత్ర చేయడం ద్వారా పార్టీ మళ్లీ ఉనికి చాటడానికి ఉపయోగపడ్డాడు. భట్టిని ముఖ్యమంత్రిని చేస్తే.. ఎస్సీని సీఎం చేసిన ఘనత కాంగ్రెస్ కు దక్కుతుంది. అలాగే హై కమాండ్ విధేయుడుగా కూడా ఉంటాడు. భట్టిపై ఎలాంటి వివాదాలు గానీ.. బ్లాక్ హిస్టరీ కానీ లేదు. అంతేకాదు కాంగ్రెస్ లో మిగతా సీనియర్లు కూడా ఆయనకు సపోర్ట్ చేసే అవకాశం ఉంది. ఉత్తమ్ కుమార్ రెడ్డి, శ్రీధర్ బాబు, కోమటిరెడ్డి వెంకటరెడ్డి, జగ్గారెడ్డి లాంటి సీనియర్ల మద్దతు భట్టికి లభిస్తుంది. అందుకే అధిష్టానం భట్టిని సీఎం గా చేయాలనీ భావించిస్తుందట..రేవంత్ సైతం భట్టి ని సీఎం గా చేస్తే తనకు అభ్యంతరం లేదని ఇప్పటీకే చెప్పినట్లు చెపుతున్నారు.
కానీ కొంతమంది రేవంత్ వర్గం మాత్రం..రేవంత్ ను సీఎం గా చేస్తేనే న్యాయం అనే అభిప్రాయం వ్యక్తం చేస్తున్నారు. రాష్ట్రంలో ఊసే లేని కాంగ్రెస్ కు అధికార పార్టీ బిఆర్ఎస్ కు పోటీ ఇచ్చే స్థాయికి వెళ్లిందంటే అది రేవంత్ వల్లే అని తేల్చి చెపుతున్నారు. ఒక్కడే తానై అన్ని నియోజకవర్గాలను కవర్ చేసి..పార్టీ విజయం కోసం కష్టపడ్డాడని..అలాంటి వ్యక్తిని సీఎం గా చేస్తే బాగుంటుందనే అభిప్రాయం వ్యక్తం చేస్తున్నారు. ఇలా ఎవరికీ వారు అభిప్రాయాలు వ్యక్తం చేస్తున్నారు. మరి ఫైనల్ గా కాంగ్రెస్ అధికారం చేపడితే..ఎవరు సీఎం గా చేస్తారో చూడాలి.
Read Also : Resorts Politics: కాంగ్రెస్ బీ అలర్ట్, గెలిచే అభ్యర్థులు క్యాంపులకు?
Related News
Rains : భారీ వర్షాల నేపథ్యంలో అధికారులను అలర్ట్ చేసిన సీఎం రేవంత్
తూర్పు విదర్భ దాని పరిసర ప్రాంతాల్లో కొనసాగిన ఆవర్తనం కారణంగా తెలంగాణ ఐదు రోజుల పాటు కొన్ని చోట్ల ఉరుములు, మెరుపులతో కూడిన తేలికపాటి జల్లులు కురుస్తాయని హైదరాబాద్ వాతావరణ కేంద్రం వెల్లడించింది