Alai Balai: సీఎం రేవంత్ రెడ్డి, గవర్నర్ బండారు దత్తాత్రేయ అలాయ్‌ బలాయ్‌

Alai Balai: తెలంగాణ వైవిధ్యమైన వారసత్వాన్ని చాటిచెప్పే అలయ్ బలయ్ కార్యక్రమం ఏటా నిర్వహిస్తారు. ఇది వివిధ సాంస్కృతిక ప్రదర్శనలు, సాంప్రదాయ సంగీతం మరియు నృత్యంతో పాటు ప్రాంతం ప్రత్యేక సంప్రదాయాలు మరియు వంటకాలను పరిచయం చేసే అవకాశాన్ని కపిస్తుంది. తెలంగాణ సజీవ సంస్కృతిని చాటిచెప్పే సంబరాల్లో అందరూ పాల్గొని కార్యక్రమాన్ని విజయవంతం చేయాలని గవర్నర్ బండారు దత్తాత్రేయ, సీఎం రేవంత్‌రెడ్డి పిలుపునిచ్చారు.

దసరా పండుగను పురస్కరించుకుని నిర్వహించే అలయ్ బలై అనే సాంస్కృతిక కార్యక్రమానికి హాజరుకావాలని హర్యానా గవర్నర్ బండారు దత్తాత్రేయ, ముఖ్యమంత్రి రేవంత్ రెడ్డి సంయుక్తంగా ప్రజలకు ఆహ్వానం పంపారు. అంతకుమందు సీఎం రేవంత్ రెడ్డికి గవర్నర్ శాలువ కప్పి శుభాకాంక్షలు తెలిపారు. రేవంత్ రెడ్డి కూడా దత్తాత్రేయ, ఆయన కుమార్తెకు శాలువ కప్పి శుభాకాంక్షలు తెలియజేశారు.

తెలంగాణ గొప్ప సంస్కృతి సంప్రదాయాలను ప్రదర్శించడం మరియు ప్రతిబింబించడం ఈ కార్యక్రమం లక్ష్యం. ఈ ఏడాది అలయ్ బలై కార్యక్రమాన్ని అక్టోబర్ 13న నాంపల్లి ఎగ్జిబిషన్ గ్రౌండ్స్‌లో నిర్వహిస్తున్నట్లు ఫౌండేషన్ చైర్ పర్సన్ విజయలక్ష్మి ప్రకటించారు. తెలంగాణ సంప్రదాయ ఉత్సవాల్లో పాల్గొనేందుకు అన్ని వర్గాల ప్రజలను కలిసి ఈ కార్యక్రమంలో పాల్గొనాలని కోరారు. గతేడాది కూడా అలయ్​ బలయ్ కార్యక్రమాన్ని నిర్వహించిన విషయం తెలిసిందే.

Also Read: Congress Operation Akarsh: శ్రావణ మాసంలో బీఆర్ఎస్ ఖాళీ