Congress : బీసీల కోసం కాంగ్రెస్ మరో ప్రయత్నం
Congress : తెలంగాణ రాష్ట్రంలో అధికారంలోకి వచ్చిన కాంగ్రెస్ పార్టీ, రాబోయే ఎన్నికల్లో బీసీల ఓటు బ్యాంకును మరింత బలోపేతం చేయాలనే వ్యూహంతో ముందుకెళ్తోంది
- Author : Sudheer
Date : 08-11-2025 - 10:10 IST
Published By : Hashtagu Telugu Desk
తెలంగాణ రాష్ట్రంలో అధికారంలోకి వచ్చిన కాంగ్రెస్ పార్టీ, రాబోయే ఎన్నికల్లో బీసీల ఓటు బ్యాంకును మరింత బలోపేతం చేయాలనే వ్యూహంతో ముందుకెళ్తోంది. రాష్ట్రంలో బీసీ వర్గం ఓటర్లు కీలక పాత్ర పోషించడంతో, వారి మద్దతు సాధించడం కాంగ్రెస్కు అత్యవసరంగా మారింది. ఇప్పటికే రిజర్వేషన్ల పెంపు విషయంపై చర్యలు చేపట్టినప్పటికీ, న్యాయపరమైన సమస్యలు, కేంద్ర ప్రభుత్వ అనుమతి లేమి కారణంగా అది నిలిచిపోయింది. అయినప్పటికీ, పార్టీ ఇప్పుడు కొత్త మార్గాన్ని ఎంచుకుంది. బీసీలకు ప్రత్యేక ప్రాధాన్యత ఇచ్చేలా మరో డిప్యూటీ సీఎం పదవి సృష్టించేందుకు ప్రయత్నిస్తోంది. ఈ నిర్ణయం ద్వారా బీసీ వర్గాల్లో కాంగ్రెస్ పట్ల నమ్మకం పెంపొందుతుందని పార్టీ వర్గాలు భావిస్తున్నాయి.
Money Plant: వేరే వాళ్ళ ఇంటి నుంచి దొంగలించిన మనీ ప్లాంట్ నాటితే సంపద కలిసి వస్తుందా?
జూబ్లీహిల్స్ ఉపఎన్నికల అనంతరం కాంగ్రెస్ ప్రభుత్వం మంత్రివర్గ విస్తరణ చేపట్టనుంది. ఈ సారి ప్రస్తుత మంత్రుల్లో కొందరిని తప్పించి, కొత్త ముఖాలను తీసుకురావడానికి ప్రయత్నాలు జరుగుతున్నాయి. ముఖ్యంగా వివాదాస్పద నాయకుల స్థానంలో సీనియర్, అనుభవజ్ఞులైన నాయకులను నియమించాలనే ఆలోచనలో పార్టీ ఉన్నది. ఈ మార్పులలో బీసీ వర్గానికి చెందిన ఒకరిని ఉప ముఖ్యమంత్రిగా నియమించే అవకాశాలు బలంగా కనిపిస్తున్నాయి. ఇప్పటికీ మల్లుభట్టి విక్రమార్క ఉప ముఖ్యమంత్రిగా ఉన్నారు. ఆయన ఎస్సీ వర్గానికి చెందిన నాయకుడు కావడంతో, బీసీ వర్గానికి మరో ఉప ముఖ్యమంత్రి ఇవ్వడం ద్వారా కాంగ్రెస్ సామాజిక సమతుల్యతను ప్రదర్శించాలనే యోచనలో ఉంది.
ప్రస్తుత పీసీసీ చీఫ్ మహేష్ కుమార్ గౌడ్ను మంత్రివర్గంలోకి తీసుకురావడం ఖాయమైందని పార్టీ వర్గాల సమాచారం. ఆయనకు మంత్రి పదవితోపాటు ఉప ముఖ్యమంత్రి హోదా ఇవ్వనున్నట్లు జోరుగా ప్రచారం సాగుతోంది. ఈ చర్య ద్వారా కాంగ్రెస్ రెండు లక్ష్యాలను సాధించాలనుకుంటోంది. ఒకవైపు బీసీలకు గౌరవప్రదమైన స్థానాన్ని ఇవ్వడం, మరోవైపు సీనియర్ నేతలను ప్రోత్సహించడం. ఇదంతా రాబోయే పార్లమెంట్ ఎన్నికల దృష్ట్యా వ్యూహాత్మక చర్యగా కనిపిస్తోంది. తెలంగాణలో బీసీ వర్గాలకు ప్రాధాన్యం ఇవ్వడం ద్వారా, కాంగ్రెస్ పార్టీ దేశవ్యాప్తంగా సామాజిక న్యాయపరమైన మోడల్ను సృష్టించే ప్రయత్నం చేస్తోంది. ఈ విధంగా తెలంగాణను జాతీయ రాజకీయాల్లో ‘సమానత్వం’కు ప్రతీకగా నిలబెట్టాలన్నదే కాంగ్రెస్ ప్రధాన లక్ష్యం.
Follow us
