Hyderabad : ‘గేట్ ఆఫ్ వరల్డ్’ స్థాయికి హైదరాబాద్ ను తీసుకెళ్తామ్ – సీఎం రేవంత్

తెలంగాణ రాష్ట్ర అభివృద్ధి దిశగా ముఖ్యమంత్రి రేవంత్ రెడ్డి (CM Revanth) చేసిన తాజా ప్రకటనలు చారిత్రక ప్రాధాన్యం సంతరించుకున్నాయి. హైదరాబాద్ పబ్లిక్ గార్డెన్స్‌లో నిర్వహించిన ప్రజా పాలన దినోత్సవ వేడుకల్లో (Public Administration Day Celebrations) పాల్గొని ఆయన తెలంగాణ సాయుధ పోరాట చరిత్రను, ఆ పోరాటంలో మహిళల అపూర్వమైన పాత్రను గుర్తుచేశారు. “మహిళల అభివృద్ధి లేకుండా సమాజం ముందుకు వెళ్లలేదని చరిత్ర చెబుతోంది. అందుకే మహిళలను ఆధారంగా చేసుకుని సమానత్వం, స్వేచ్ఛ, సుస్థిర అభివృద్ధి సాధ్యమవుతుందని” సీఎం పేర్కొన్నారు. కోటి మందిని కోటీశ్వరులుగా మార్చడం తమ ప్రభుత్వ ప్రధాన లక్ష్యమని, ప్రతి కుటుంబంలో ఆర్థిక శక్తిని పెంచేందుకు ప్రత్యేక కార్యక్రమాలు రూపొందిస్తున్నామని తెలిపారు.

Coconut Water: 21 రోజుల పాటు కొబ్బరి నీళ్ళు తాగితే ఏమ‌వుతుందో తెలుసా?

అలాగే, విద్య మరియు క్రీడల అభివృద్ధికి రాష్ట్ర ప్రభుత్వం అపూర్వమైన ప్రాధాన్యం ఇస్తోందని ఆయన వివరించారు. “విద్యే భవిష్యత్తు మార్గాన్ని చూపే దీపస్తంభం” అని చెబుతూ, యంగ్ ఇండియా స్కూల్ నిర్మాణానికి కేంద్రం నుంచి ప్రత్యేక మినహాయింపులు కావాలని కోరారు. విద్యార్థులు ప్రపంచ స్థాయి అవకాశాలను పొందేలా, తెలంగాణను జ్ఞాన కేంద్రంగా తీర్చిదిద్దే దిశగా చర్యలు తీసుకుంటున్నట్లు స్పష్టం చేశారు. క్రీడలను కూడా సమగ్ర అభివృద్ధిలో భాగంగా గుర్తించి, యువతలో ప్రతిభను వెలికితీయడానికి అవసరమైన మౌలిక వసతులు ఏర్పాటు చేస్తామని హామీ ఇచ్చారు.

రైతులకు అనుకూలంగా తీసుకుంటున్న చర్యలతో పాటు, బీసీ వర్గాలకు 42 శాతం రిజర్వేషన్ల కోసం కేంద్రాన్ని ఒత్తిడి చేయడం, కృష్ణా-గోదావరి జలాల్లో తెలంగాణ వాటాను కాపాడటంలో రాజీ పడబోమని చెప్పడం ఆయన ప్రసంగానికి ప్రత్యేక ఆకర్షణగా నిలిచింది. హైదరాబాద్ అభివృద్ధిని ‘గేట్ ఆఫ్ వరల్డ్’ స్థాయికి తీసుకెళ్లేందుకు మూసీ ప్రక్షాళన, ఫ్యూచర్ సిటీ వంటి ప్రాజెక్టులు చేపడుతున్నామని తెలిపారు. ఈ ప్రాజెక్టులు కేవలం మౌలిక వసతులకే పరిమితం కాకుండా, ప్రజల జీవన ప్రమాణాలను మెరుగుపరచడానికి, పర్యాటక రంగాన్ని అభివృద్ధి చేయడానికి, కొత్త ఉద్యోగావకాశాలను సృష్టించడానికి దోహదపడతాయని స్పష్టం చేశారు. తెలంగాణను ఆధునిక, సమానత్వం నిండిన, సమగ్ర అభివృద్ధి రాష్ట్రంగా తీర్చిదిద్దడమే తమ ప్రభుత్వ ప్రధాన లక్ష్యమని సీఎం రేవంత్ పునరుద్ఘాటించారు.